01 Dhjetor 2020

Kina synon të sundojë industrinë e teknologjisë në botë përmes “Huawei'

Londër, 24 dhjetor - Një numër i madh ekspertësh thonë se lajmi më i rëndësishëm i i takimit të NATO-s të mbajtur së fundmi në Londër ishte se aleanca më e qëndrueshme dhe më efektive në histori botërore, për herë të parë përcakton Kinën si një sfidë strategjike.

Ata argumentojnë se Pekini po synon të sundojë industrinë e teknologjisë së lartë në botë përmes gjigantit të saj të teknologjisë “Huawei”, të krijojë një ushtri të fortë sikurse ajo e Shteteve të Bashkuara si dhe të lidhë shumicën e popullatës botërore me projektin e saj infrastrukturor “një brez një rrugë”. 

Diskutimet në takimin e NATO-s në Londër u përqendruan tek njohja e faktit se Pekini është një konkurent i rrezikshëm botëror për aleancën, më i shkathët dhe më i fuqishëm krahasur dhe me ish- Bashkimin Sovjetik, thotë ish-komandanti i lartë ushtarak i NATO-s gjenerali në pension James Jones.

"Qëllimi strategjik i Kinës është sundojnë jo vetëm popullin e vet, por të shtrijë duart kudo të mundet në pjesën tjetër të botës. Dhe këtë po e bën me shumë aftësi, duke depërtuar dhe investuar në ekonomitë e vendeve tona, duke përdorur teknika pothuajse kapitaliste. Por në të njëjtën kohë duke zhvilluar spiunazhin kibernetik si dhe vjedhur pronën intelektuale me një efektivitet të pashembullt", thotë ai.

Kina synon të ndërtojë infrastrukturën digjitale të shekullit 21-të, me ndihmën e gjigantit të saj në fushën e teknologjisë Huawei.

Zoti Jones parashikon se Kina do ta shfrytëzojë pozicionin e saj për të fituar avantazh ndaj Shteteve të Bashkuara dhe aleatëve të saj.

"Një organizatë si NATO-ja duhet të ketë një sistem të sigurt në mënyrë që të funksionojë. Nuk mund të ketë 10 vende me Huawei-n dhe 20 vende me diçka tjetër. Arsyeja pse e trajtoj këtë çështje me shumë pasion është sepse problemi është aktual po ndodh tani dhe jo pas 10 vitesh”, thotë ai.

Sipas zotit Jones gara për epërsi në sistemin 5G është po aq e rëndësishme sa ishte ajo për të prodhuar bombën e parë atomike apo e çuarjes së njeriut të parë në Hënë.

"Kina është një fuqi në rritje. Popullsia e saj është 4 herë më e madhe sesa e Shteteve të Bashkuara. Ka një klasë të mesme që është më e madhe sesa e gjithë popullata amerikane. Ka shënuar arritje të jashtëzakonshme me tërheqjen e investimeve e teknologjisë të huaj”, thotë gjenerali Wesley Clark, ish-Komandant i lartë i NATO-s.

Për të minimizuar rreziqet, NATO duhet të hartojë një plan për t’u mbrojtur kundër përpjekjes së Kinës për epërsi botërore, thotë zoti Clark.

"Nuk sjell asgjë të mirë fakti që Shtetet e Bashkuara i bëjnë presion Kinës në lidhje me teknologjinë dhe më pas Gjermania, Franca ose ndonjë aleat tjetër i NATO-s i shesin teknologji Kinës. Kjo është sfida jonë. Ne duhet të punojmë me aleatët tanë për t’u përballur me Kinën. Nëse e bëjmë këtë mund ta menaxhojmë sfidën që paraqet Kina”, shton ai.

Thirrja e Uashingtonit për përqendrim më të madh tek Pekini ka tërhequr vëmendjen e pjesës më të madhe të Evropës, ku po rritet shqetësimi rreth avantazhit në rritje ekonomik, ushtarak e teknologjik të Kinës.

"Për herë të parë, ne adresuam çështjen e gjallërimit të Kinës, si sfidat ashtu edhe mundësitë që paraqet, por dhe ndërlikimet mdaj sigurisë sonë. Udhëheqësit pajtohen që ne duhet ta adresojmë këtë çështje së bashku, si aleancë", thotë Jens Stoltenberg, sekretari i Përgjithshëm i NATO-s.

Aleanca e Atlantikut të Veriut, prej 29-anëtarësh e cila festoi 70 vjetorin e saj në fillim të këtij muaji (dhjetor), përfaqëson gjysmën e fuqisë ekonomike e ushtarake në botë.

Kalendari

Ngjarjet e datës 1 Dhjetor 2020

- Komisioni Hetimor Parlamentar lidhur me procesin e privatizimit në Kosovë në të cilën do të behët plotësimi i listës së dëshmitarëve. (Ndërtesa e Kuvendit, salla N10, ora 9:00)

- Drejtorit të AKI-së raporton para Komisionit për Mbikëqyrjen e Agjencisë së Kosovës për Inteligjencë lidhur me gjendjen e sigurisë në vend. (Ndërtesa e Kuvendit, salla N204, ora 9:30)

- Campus France, Ambasada Frnceze në Kosovë, Aleanca Franceze e Prishtinës dhe Universiteti i Prishtinës organizojnë Panairin e tretë Universitar Francez në Kosovë. (online -https://tourneebalkanskosovo.com, ora 10:00)

- Mbahet edicioni i 5-të virtual i Green Business Expo. (Businessexpo.greenkosovo.com, ora 10:30)

- Ministri i Shëndetësisë Armend Zemaj raporton para Komisionit për Mbikëqyrjen e Financave Publike lidhur me raportin e auditimit për Pasqyrat Vjetore Financiare të vitit 2019, për Ministrinë e Shëndetësisë. (Ndërtesa e Kuvendit, salla N302, ora 11:00)

- Komisioni për Ekonomi, Punësim, Tregti, Industri, Ndërmarrësi dhe Investime Strategjike diskuton lidhur me rekomandimet e dala nga “Raporti për vendin për vitin 2020, i Komisionit Evropian” me të ftuar ministrat dhe përfaqësuesit e agjencive të pavarura. (Ndërtesa e Kuvendit, salla N506, ora 11:00)

- Komisioni Hetimor Parlamentar mbi procesin e licencimit, operimit, mbikëqyrjes dhe aplikimit për lejet e hidrocentraleve në Republikën e Kosovës interviston drejtorin e Departamentit të mjedisit dhe ujërave Muhamet Malësiu dhe drejtorin e Autoritetit të Rajonit të Pellgjeve Lumore, nga Ministria e Ekonomisë dhe Ambientit, Gani Berisha lidhur me lejet e lëshuara për operimin e dy hidrocentraleve nga kompania “Kelkos Energy”. (Ndërtesa e Kuvendit, salla N225, ora 11:00)

- Nënkryetari i Partisë Demokratike të Kosovës, njëkohësisht, kryetari i Degës së PDK-së në Prizren, Shaqir Totaj, i shoqëruar nga deputetja Eliza Hoxha, mbajnë konferencë për media në të cilën do të flasin për shtatoren e re të Skënderbeut, punën e dobët artistike dhe lokacionin jo adekuat. (Zyret e PDK-së në Prizren, ora 11:00)  

- Komisioni Hetimor Parlamentar mbi procesin e licencimit, operimit, mbikëqyrjes dhe aplikimit për lejet e hidrocentraleve në Republikën e Kosovës interviston kryetarin e Komunës së Deçanit, Bashkim Ramosaj. (Ndërtesa e Kuvendit, salla N225, ora 13:00)

- Partia Demokratike e Kosovës, Dega në Prishtinë, do të mbajë konferencë për medie. (Te stacioni i autobusëve urbanë “Katedralja”, ora 13:00)

- Zyrtarët e Agjencisë së Ushqimit dhe Veterinarisë raportojn para Komisionit për Bujqësi, Pylltari, zhvillim Rural, Infrastrukturë dhe Mjedis rreth importimit të vajit të palmës. (Ndërtesa e Kuvendit, salla N204, ora 13:00)

- Instituti Demokratik i Kosovës organizon diskutimin online "Kuvendi përballë dialogut Kosovë-Serbi”, me deputetët e Kuvendit të Kosovës. (Paltforma Zoom dhe Live në faqen e KDI-së në Facebook, ora 13:00)

- Instituti Demokraci për Zhvillim (D4D) mban diskutimin “Rimëkëmbja nga viti 2020: Si të rindërtojmë ekonominë dhe politikat sociale në vitin 2021?”. (Hotel Sirius, ora 17:00)

- Kryeministri Avdullah Hoti mban konferencë për media lidhur me menaxhimin e situatës me pandeminë Covid-19. (Ndërtesa e Qeverisë, ora 17:00)