12 Dhjetor 2018

ICT Awards 6, mbi 100 aplikime kërkojnë suksesin në shtatë kategori

Prishtinë, 4 prill - Konkursi mbarëkombëtar ICT Awards ka hyrë në fazën përfundimtare të identifikimit dhe vlerësimit të yjeve të Teknologjisë së Informacionit dhe Komunikimit në mbarë trevat shqiptare.

Pasi mbylli me sukses turin e takimeve me plot 21 të tilla të mbajtura në Tiranë, Prishtinë, Shkup, Durrës, Tetovë, Shkodër, Gjakovë, Ulqin, Pejë dhe Korçë, edicioni i gjashtë mbylli aplikimet të Shtunën e datës 31 Mars në ora 00:00.

Mbi 100 aplikime kishin mbërritur pranë organizatorëve të garës. Risia e këtij edicioni është përfaqësimi i gjerë i një inovacioni që flet shqip përtej kufijve, me aplikantë nga Stambolli, Milanoja, Londra, Kalifornia, Dublini dhe Bilbaoja.

Edicioni i gjashtë shënoi startin e tij më datë 2 Shkurt në një aktivitet të dedikuar me një pjesëmarrje të gjerë nga mbarë komuniteti shqiptar i teknologjisë së informacionit.

Mbyllja e aplikimeve i hap rrugë fazës finale të prezantimit dhe vlerësimit të projekteve nga juria e ICT Awards e cila këtë vit përbëhet nga: Prof. Dr. Edmond Hajrizi, Anila (Hoxha) Tollkuçi, Prof. Dr. Ilir Çapuni, Jonida Çerekja, Altin Petre, Visar Jasiqi, Prof. Dr. Azir Aliu, Sokol Vladi, Gjergji Guri, Muhedin Nushi dhe Ermal Beqiri.

Për herë të parë juria u mblodh më datë 2 Prill, takimi i parë i disa takimeve që do të mbahen deri në shpalljen e fituesve në natën gala të datës 27 Prill.

Në takim u firmos “Deklarata e Konfidencialitetit” nga të gjithë anëtarët e jurisë përpara fillimit të mbledhjes.

Me unanimitet të plotë u bë edhe përzgjedhja e kryesisë. Jurinë këtë vit do ta drejtojë zj. Anila Hoxha Tollkuçi Shefe e Sigurisë së Informacionit pranë Raiffeisen Bank, ndërsa zëvendës kryetarë u zgjodhën z. Ilir Çapuni Drejtor i Qendrës Kërkimore të Avancuara Kompjuterike pranë University of New York in Tirana dhe z. Muhedin Nushi Drejtor i Drejtorisë së Administratës në Komunën e Prishtinës, të cilët me kënaqësi pranuan përgjegjësinë e dhënë.

Ata u shprehën të vetëdijshëm për përgjegjësitë dhe rëndësinë e këtyre roleve si dhe shprehën vullnetin, dëshirën dhe kënaqësinë e tyre për të përfaqësuar jurinë në aktivitetet vijuese.

Juria u njoh me listën e aplikantëve, emrat e kandidatëve, projektet dhe detajet e tjera të aplikimit.

Gjithashtu u bë dorëzimi i materialeve përfundimtare për vlerësim, si dhe afati për vlerësim.

Një listë e ngushtuar e kandidatëve të përzgjedhur do të demonstrojë projektet përpara jurisë më 14 Prill në Prishtinë për aplikimet nga Kosova dhe Maqedonia ndërsa më 15 Prill në Tiranë për aplikimet nga Shqipëria dhe Mali Zi.

Në edicionin e gjashtë, ICT Awards vijon të gëzojë mbështetjen e sponsorëve tradicionalë Fondacioni Dritan Hoxha, Banka Raiffeisen dhe Albvision. Një rrjet i gjerë partnerësh dhe mbështetësish do të gjenden pranë ICT Awards përgjatë rrugëtimit.

Më 27 Prill ICT Awards do të shpallë në një aktivitet Gala fituesit e garës në shtatë kategori: ICT Inovacioni i Vitit, ICT Mobiliteti i Vitit, ICT Diploma e Vitit, ICT Ylli në Ngritje i Vitit, Femra në ICT, ICT Shërbimi Publik i Vitit dhe Siguri Kibernetike.

Për çdo informacion rreth garës, kategorive, kritereve të vlerësimit dhe zhvillimeve më të fundit rreth garës, të interesuarit ftohen të vizitojnë faqen zyrtare ictawards.org.

Edicioni i gjashtë i Albanian ICT Awards vjen pas plot pesë vitesh rrugëtim. Themeluar në 2012-ën, kjo garë është shndërruar në një oaz inovacioni ku shqiptarë nga mbarë trevat por edhe më gjere gjetën mbështetjen por edhe inkurajimin e duhur, atë të një komuniteti të tërë i cili rritet dita ditës, një komunitet i aftë të vlerësojë përpjekjet e tyre.

Kalendari

Ngjarjet e datës 12 dhjetor 2018 - Mbahet hapja zyrtare e projektit KosLift i cili mbështetet nga Ambasada Norvegjeze në Prishtinë dhe implementohet nga IPKO Foundation dhe RIT Kosovë. (Kampusi i RIT Kosovë, në Universitetin Amerikan, ora 9:30)

- Let’s Do It organizon aksion pastrimi te “Tregu i Gjelbër” në Prishtinë. (Tregu i Gjelbër, rruga që e lidh me lagjen “Kalabria”, ora 10:00)

- Ministria e Administratës Publike organizon ceremoninë e vënies së gurthemelit për ndërtimin e Shkollës së Mesme të Muzikës dhe të institucionit parashkollor-Çerdhes në Prizren. (Lagjja “ Bajram Curri”, që gjendet përballë shkollës së mesme të mjekësisë “ Luciano Motroni” në Prizren, ora 10:00)

- Ministris së Shëndetësisë, Uran Ismaili raporton para Komisionit për Shëndetësi, Punë dhe Mirëqenie Sociale lidhur me procesin e revidimit të listës esenciale të barnave, vonesat në përmbushjen e agjendës legjislative dhe projeksionet buxhetore të Ministrisë së Shëndetësisë për vitin 2019. (Ndërtesa e Kuvendit, salla N 302, ora 10:00)

- Koordinatori Nacional për Kulturë, Rini dhe Sport në Qeverinë e Kosovës, Rexhep Hoti do të nënshkruajë marrëveshje bashkëpunimi me Kryetarin e Komunës së Gjakovës, Ardian Gjini. (Objekti i Komunës së Gjakovës, ora 10:00)

- Mbahet mbledhja e Komisionit për të Drejtat, Interesat e Komuniteteve dhe për Kthim në të cilën do të behët shqyrtimi i Projektligjit për Kinematografinë, shqyrtimi i Projektligjit për të drejtat e autorit dhe të drejtat e përafërta,etj. (Ndërtesa e Kuvendit, salla N 10, ora 10:00)

- Prezantohet kampanja informuese ”Kodi Civil qëndron për qytetarët e barabartë të Republikës së Kosovës,” organizuar nga projekti i financuar nga Bashkimi Evropian “Mbështetje Kodit Civil - faza 2”, i cili po mbështetët nga Ministrinë e Drejtësisë. (Hotel Ulpiana në Graçanicë, ora 10:30)

- Demokracia Plus dhe USAID organozijnë debat publik lidhur me prokurimin publik në Gjilan. (Hotel Kristal, ora 11:00)

- Lidhja Demokratike e Kosovës mban konferencë për medie. (Selia qendrore e LDK-së në kompleksin Qafa, ora 11:00)

- Let’s Do It në bashkëpunim me nxënësit e shkollës ‘’Hivzi Sylejmani’’ organizon aksion pastrimi në Fushë Kosovë. (Oborri i shkollës Hivzi Sylejmani, ora 11:55)

- Punëtorët e NTP “Pallati i Rinisë” mbajnë një protestë përmes së cilës do t’i shprehin shqetësimet dhe pakënaqësitë e tyre për mos marrjen e pagave që tre muaj më radhë. (Para Newborn,ora 12:00)

- Banorët e fshatit Cikatovë mbajn protestë në mbrojtje të pronave stergjyshore te marrura në menyrë tinzare nga ana e Komunës se Drenasit dhe te cilat u janë shitur New Co Feronikeli, pa i kompenzuar asnjëherë. (Para Gjykatës Themelore të Prishtinës  dega në Drenas, ora 13:00)

- Aleanca Kosovare të Bizneseve organizon konferencën për media lidhur me ndikimin e taksës 100 % në ekonominë e Serbisë. (Selia qendrore e AKB-ës në Tophane, ora 13:00)

- Lëvizja Vetëvendosje mban konferencë për media. (Zyrët qendrore te Vetëvenosjes, ora 13:00)

- Koalicioni i OJQ-ve “Java Kundër Korrupsionit 2018” do të mbajë tryezën e diskutimit me temë “Integriteti, Llogaridhënia dhe Efikasiteti i sistemit të drejtësisë - Nevoja për Vetting”. (Hotel Sirius, ora 14:00)
 
 - Koordinatori Nacional për Kulturë, Rini dhe Sport në Qeverinë e Kosovës, Rexhep Hoti, do të nënshkruajë marrëveshje bashkëpunimi me Kryetarin e Komunës së Dragashit Shaban Shabani. (Objekti i Komunës së Dragashit, ora 14:00)

- Zëvendësshefja e misionit të ambasadës së SHBA-ve në Kosovë, Colleen Hyland, dhe Drejtoresha e Korpusit të Paqës, Dr. Darlene Grant, do të mbajnë fjalime në një takim me kryetarët e komunave të Kosovës. (International Hotel Prishtina, ora 16:00)