18 Janar 2020

Google ndryshon motorin e kërkimit falë inteligjencës artificiale

New York, 3 nëntor - Motori i kërkimit të Google do të bëjë një ndryshim të madh falë inteligjencës artificiale.

Google ka filluar në Shtetet e Bashkuara të Amerikës testimin e softuerit Bidirectional Encoder Representations from Transformers (BERT), i cili do të jetë në gjendje të analizojë një fjalë në lidhje me të gjitha fjalët e tjera të pranishme në një fjali, në mënyrë që të ketë një kuptim më të madh të kontekstit në të cilin shqipërohet.

“Në thelb, «BERT» do të interpretojë kërkimet e përdoruesve në një mënyrë më pak të mirëfilltë duke favorizuar kuptimin e përgjithshëm të një fjalie”, theksojnë zhvilluesit e softuerit.

Sistemi i ri fillimisht do të jetë i disponueshëm në anglisht dhe vetëm në SHBA.

“Ky është hapi më i madh në pesë vitet e fundit dhe një nga më historikët në fushën e kërkimit”, deklaroi në një postim Pandu Nayak, nënkryetar i “Google Search”.

Kalendari

Ngjarjet e datës 18 janar 2020 - Federata e Futbollit e Kosovës do të fillojë projektit zhvillimor “Elite Youth Development Programme U15”, i cili do të realizohet në të gjitha regjionet. (Fusha e mbuluar “Prince” në lagjen Arbëri në Prishtinë, ora 9:00)

- Kryeministri në detyrë, Ramush Haradinaj merr pjesë në Akademinë Solemne “Faleminderit Shqipëri”. (Qendra “BogdaniPolis”, Katedralja “Shën Nënë Tereza”, ora 10:00)

- Presidenti i Republikës së Kosovës, Hashim Thaçi, do të marrë pjesë në Akademinë Solemne “Faleminderit Shqipëri”.  (Qendra “Bogdanpolis” në Prishtinë, ora 10:00)

- Teatri i Qytetit të Prishtinës 'Dodona' shfaq premierën për fëmijë “Fjalët magjike” nga Alba Loxha e në regji të Shkurtë Aliut e cila trajton nevojën e përdorimit të fjalëve magjike: “më fal”, “të lutem”, “faleminderit” etj., nga fëmijët. (Teatri Dodona, ora 12:00)