28 Shtator 2020

Digjitalizimi shumë i rëndësishëm për sistemin arsimor

Prishtinë, 6 mars - Ministrja e  Arsimit, Shkencës, Teknologjisë dhe Inovacionit, Hykmete Bajrami, mori pjesë në konferencën “Digjitalizimi i sistemit arsimor parauniversitar “, e cila është organizuar nga Kolegji RIINVEST, në bashkëpunim me Platformën “Kosova që duam”, Friderich Ebert Stiftung (FES) dhe KUSA (Kosovo Unated States Alumni).

Me këtë rast, ministrja Bajrami theksoi rëndësinë që kanë statistikat për bërjen e politikave, por tha se bazat e të dhënave që kanë institucionet tona shpesh nuk korrespondojnë me njëra-tjetrën dhe kjo e vështirëson punën në vendimmarrje.

Ministrja përmendi dhe vlerësoi përkrahjen e donatorëve, të cilët përmes projekteve shumë të rëndësishme që kanë përfunduar ose janë në proces, kanë dhënë kontribut shumë të madh në sektorin e arsimit, por tha se përvojat e mira në shkollat që ata i kanë mbështetur, duhet të barten në gjithë sistemin arsimor.

Ministrja Bajrami tha se, krahas investimeve që do të bëhen në shkolla dhe në infrastrukturën e tyre, nuk do të lihet anash digjitalizimi, i cili sjellë shumë benefite në arsim në përgjithësi, por edhe për nxënësit, të cilët tashmë në masë njohin gjuhë të huaja dhe përdorin internetin.

Në këtë konferencë, u prezantuan dy projekte të përgatitura nga studentët e Kolegjit RIINVEST, të cilat janë pilotuar vitin e kaluar në shkollën “Ismail Qemali”, ndërsa sivjet po aplikohen praktikisht në të njëjtën shkollë.

Projekti i parë është “Regjistrimi i nxënësve dhe arsimtarëve të shkollës”, ndërsa projekti i dytë është “Statistikat e suksesit të nxënësve për lëndë”.


  

Kalendari

Ngjarjet e datës 28 Shtator 2020 - Mbahet mbledhja e Qeverisë së Kosovës. (Ndërtesa e Qeverisë, ora 8:30)

-  Mbahet mbledhja e Komisionit për Mbikëqyrjen e Agjencisë së Kosovës për Inteligjencë në të cilën do të bëhët shqyrtimi dhe plotësimi i Planit të Punës së Komisionit për sesionin vjeshtor. (Ndërtesa e Kuvendit, ora N10, ora 9:30)

-  Organizata për Rritjen e Cilësisë në Arsim organizon aksionin protestues "Kundër plagjiaturës të përbashkuar", për denoncimin e plagjiaturave të udhëheqësve të ministrive të Arsimit në Kosovë dhe në Shqipëri, ministrit Ramë Likaj dhe ministres Evis Kushi. (Rruga Radovan Zogoviq në lagjen Pejton, para Ambasadës së Shqipërisë në Kosovë, ora 10:00)

-  Mbahet mbledhja e Komisionit për Punë të Jashtme dhe Diasporë në të cilën do të bëhët shqyrtimi i Përfundimit të Kryesisë së Kuvendit dhe shqyrtimi i draft - Planit të Punës së Komisionit. (Ndërtesa e Kuvendit, salla N303, ora 10:00)

- Komisioni Hetimor Parlamentar lidhur me procesin e privatizimit në Kosovë bën përzgjedhjen e ekspertëve të jashtëm si dhe cakton intervistat për dëshmitar. (Ndërtesa e Kuvendit, salla N302, ora 11:00)

- Vazhdimi i seancës plenare të Kuvendit në të cilën do të bëhet zgjedhja e Avokatit të Popullit. (Salla e Kuvendit, ora 12:00)

-  Komisioni Parlamentar në lidhje me menaxhimin e pandemisë së virusit COVID-I9 nga ana e Qeverisë së Republikës së Kosovës dëgjon dëshmin e dëshmitarit Beqë Cufaj  – Ambasador i Republikës së Kosovës në Gjermani. (Ndërtesa e Kuvendit, salla N204, ora 14:00)

- Mbahet paraqitja e parë e Salih Mustafës. (Salla e  gjyqit të Dhomave  të  Specializuara të Kosovës  (DHSK) në Hagë ora 15:00 - mund  të  përcillet edhe përmes transmetimit në Internet, me një vonesë të shkurtër në https://www.scp-ks.org/sq/transmetim)

- Ministri i Punëve të Brendshme, Agim Veliu, ministri i Shëndetësisë, Armend Zemaj dhe drejtori EMCDDA do të nënshkruajnë marrëveshje pune. (Objekti i Ministrisë së Punëve të Brendshme, salla P-01, ora 16:00)