11 Dhjetor 2018

Aplikacioni “Pritjet Kufitare” ndihmon në planifikimin e udhëtimeve ndërkufitare

Prishtinë, 7 mars - Sot, në praninë e komunitetit të teknologjisë informative, partnerëve, dhe medias, Ministria e Punëve të Brendshme në bashkëpunim me Open Data Kosovo dhe Girls Coding Kosova lansuan aplikacionin social “Pritjet Kufitare”.

Qendra Kombëtare për Menaxhimin e Kufirit në kuadër të Ministrisë së Punëve të Brendshme publikon vazhdimisht të dhëna për qytetarët në faqen e tyre zyrtare në internet. Ky ka qenë pikëfillimi i bashkëpunimit shumë të suksesshëm në mes të projektit Techstitution, të Open Data Kosovo, dhe Ministrisë së Punëve të Brendshme, ku si rezultat është ndërtuar aplikacioni social "Pritjet Kufitare".

Blerta Thaçi, drejtoreshë në Open Data Kosovo u shpreh se me anë të zhvillimit të këtyre aplikacioneve përveç që po punojmë drejt digjitalizimit të insititucioneve të administratës, ne po angazhojmë edhe komunitetin e TI në procese demokratike duke u mësuar të rinjëve shkathtësi praktike në zhvillim softwerik, siç janë Fortesa dhe Valoni, të cilët pas përfunidimit të këtij trajnimi, treguan se si kjo eksperiencë ju ka ndihmuar të zhvillojnë kapacitetet e tyre në fushën e teknologjisë.”

Kjo iniciativë e të dhënave të hapura synon të ndihmojë qytetarët e Kosovës dhe më gjërë, që të planifikojnë udhëtimet e tyre ndërkufitare për të kursyer kohë, për të shmangur vonesat e trafikut, dhe për të kaluar kufinjët sa më shpejtë që të jetë e mundur.

Ky aplikacion miqësor i mbledh të dhënat nga 12 pikëkalimet kufitare dhe gjeneron video në kohë reale për të treguar statusin e çdo pike kufitare. Aplikacioni shfaq automatikisht të dhënat për profilet e rrjeteve sociale dhe është projektuar për të ndihmuar përdoruesit të marrin vendime në lëvizje.

 Në ditët në vazhdim platforma do të jetë aktive në profilet e rrjeteve sociale zyrtare të Ministrisë së Punëve të Brendshme, prandaj ju ftojmë që t’i ndjekni ato për të pas casje në këto informata shumë të nevojshme. Këto të dhëna shërbejnë që të ndihmojnë që të rrisin efikasitetin e QKMK, që është edhe njëra prej kërkesave të marrëveshjes për stabilizim asociim si dhe agjendës së reformës europiane.

 “Ministria e Punëve të Brendshme, në kuadër të qendrës kombëtare për menaxhimin e kufirit, gjatë gjithë kohës monitoron pikat kufitare në Kosovë, por pak qytetarë janë të njoftuar me këtë qendër. Me anë të këtij aplikacioni ne shpresojmë të jemi më afër qytetarëve tanë, atdhetarëve, dhe gjithë turistëve, duke u ndihmuar që të planifikojnë udhëtimet e tyre ndërkufitare pa humbur shumë kohë,” u shpreh Zëvëndësministri i Punëve të Brendshme, z. Isa Xhemajlaj.

Ky është një moment historik për Techstitution, projekt ky që po lidhë administratën publike me inovacionin. “Me anë të Techstitution ne po nxisim zgjidhje digjitale në sfidat institucionale, gjë që po i mundëson efikasitet dhe komunikim më të mirë administratës me qytetarët,” konkludoi Z. James Mugaju, zëvëndës drejtor i UNICEF zyrës në Kosovë.

Ky aplikacion është projektuar dhe ndërtuar nga projekti i Techstitution i Open Data Kosovo, në bashkëpunim me Ministrinë e Punëve të Brendshme.
Techstitution është një mjet për transferimin e njohurive dhe një kontribut i drejtpërdrejtë në zgjidhjen e problemeve, duke siguruar zgjidhje të thjeshtë digjitale për sfidat komplekse institucionale. Techstitution është një projekt i zbatuar nga Open Data Kosovo dhe Girls Coding Kosova, iniciuar dhe mbështetur nga Zyra e UNICEF në Kosovë, me financim nga Austrian Development Agency.

 

Kalendari

Ngjarjet e datës 11 dhjetor 2018 - Organi Shqyrtues i Prokurimit fillon me transmetim të drejtpërdrejtë “live stream” të sesioneve të tij, një hap ky në drejtim të një qasjeje më transparente nga ana e këtij institucioni. (Zyra e Organit Shqyrtues të Prokurimit, ish-Banka e Lubjanës, kati i 5-të, ora 10:00)
- Koalicioni i OJQ-ve “Java Kundër Korrupsionit 2018” do të mbajë tryezën e diskutimit me temë “Zbatimi i Ligjit për Parandalimin e Konfliktit të Interesit në ushtrimin e funksionit publik në pushtetin legjislativ”. (Hotel Sirius, ora 10:00)

- Shoqata “Miqtë e Amerikës” dhe Komuna e Gjakoves hapin Librin e Zisë, në nderim të Presidentit George H.W. BUSH. (Pallati i Kulturës "Asim Vokshi" në Gjakovë, ora 10:00)

- Në kuadër të Fushatës “Ta Pastrojmë Kosovën” do të organizohet aksion pastrimi në Komunën e Rahovecit. (Rruga kryesore në fshatin Zaqisht të Rahovecit, ora 10:00)

- Shefi i Zyrës së BE-së, Nataliya Apostolova, do të diskutojë me nxënësit e shkollave të mesme me temë "Të mbështesë ndryshimin kulturor: roli i gjeneratave të reja për formësimin e vlerave të së nesërmes".  (Kafiteria Dit' e Nat', ora 10:00)

- Kompania vendore 'Produktet Natyrale të Kosovës' organizon ceremoninë e inaugurimit të linjës së re me teknologji të avancuar për përpunimin e farave të kungullit. (Fabrika 'Produktet Natyrale të Kosovës' në fshatin Loxhë në Pejë, ora 11:00)

- Sindikata e Pavarur e Sektorit Privat të Kosovës të mbajë konferencë për shtyp lidhur me gjendjen e punëtorëve të sektorit privat. (Zyret te BSPK, së ora 11:00)

- Instituti Demokraci për Zhvillim organizon ngjarjen vjetore të shpërblimeve në kuadër të projektit “Leja prindërore për barazi gjinore” që financohet nga Qendra Ndërkombëtare Olof Palme dhe mbështetet nga Qeveria Suedeze. (Libraria Dukagjini, ora 11:00)

- Mbahet tryeza në të cilën do të diskutohet për pakon ligjore kundër korrupsionit, si dhe për punën e institucioneve të drejtësisë në luftën ndaj krimit të organizuar dhe korrupsionit. (Ndërtesa e Kuvendit, salla C-405, ora 11:00)

- Policia e Kosovës mban konferencën zyrtare e cila i dedikohet fushatës kundër korrupsionit, të realizuar nga Drejtoria për Hetimin e Krimeve Ekonomike dhe Korrupsionit në bashkëpunim me ICITAP-in Amerikan. (Stacioni policor “Qendra”, ora 11:00)

- Asociacioni i Arkitektektëve të Kosovës dhe Komunës së Gjilanit bën prezantimin e “Bienales së Arkitekturës 2018”, ku do të marrin pjesë edhe përfaqësuesit e Komunës së Gjilanit dhe arkitektët në nivel Kosove dhe ata regjional. (Gjilan, ora 13:00)

- Instituti për Politika Zhvillimore organizon konferencën për shtyp me temë “Standardizimi i produkteve vendore: Shpërndarja dhe shitja e standardeve. (Resource Center Kosovo, në lagjen Pejton, në zyre të Forumit për Iniciativa Qytetare, ora 13:00)

- Koalicioni i OJQ-ve “Java Kundër Korrupsionit 2018” do të organizoj tryezen e diskutimit me temë “Zbatimi i Ligjit për Parandalimin e Konfliktit të Interesit në ushtrimin e funksionit publik në pushtetin ekzekutiv”. (Hotel Sirius, ora 14:00 - shtyhet, ora 15:00)

- Mbahet mbledhja e rregullt e Qeverisë së Republikës së Kosovës. (Ndërtesa e Qeverisë, ora 14:00)

- Partia Socialdemokrate mban konferencë për media lidhur me çështjen e dialogut me Serbinë, për të cilën do të flasin nënkryetarët Visar Ymeri dhe Dukagjin Gorani. (Zyrat e PSD-së, në lagjen "Arbëria", ora 14:00)

- Ministria e Administrimit të Pushtetit Lokal në prag të përfundimit të vitit 2018, organizon ngjarjen vjetore për shënimin e të arriturave në vetëqeverisjen lokale në Kosovë si dhe të prezantojë orientimet për vitin e ardhshëm. (Sheshi 21, ora 18:00)