08 Korrik 2020

Përurohet fusha ndihmese në Shkugëz të Gjakovës

Gjakovë, 13 qershor - Ministri i Kulturës, Rinisë dhe Sportit, Kujtim Gashi, ka marrë pjesë sot në inaugurimin e Fushës Sintetike të Futbollit në fshatin Shkugëz të Gjakovës, projekt i financuar nga Ministria bashkë me Federatën e Futbollit të Kosovës dhe Komunën e Gjakovës. Ministri po ashtu mori pjesë edhe në themelimin e Akademisë së Futbollit “Naim Kryeziu”.

Ministri Gashi tha se bashkëpunimi i mirë mes MKRS-së, FFK-së dhe Komunës ka bërë të mundur realizimin e këtij projekti. Gjithashtu ai e vlerësoi si shumë të rëndësishme dhe të nevojshme edhe themelimin e Akademisë së Futbollit “Naim Kryeziu. 

"Realizimi i projekteve të tilla po bëhet në vazhdën e punëve tona për përmirësimin e infrastrukturës sportive. Sportistët tanë çdo ditë e më shumë po arrijnë rezultate kulminante edhe jashtë vendit kështu që edhe puna jonë për plotësimin e kushteve për të rinjtë e vendit tonë dhe ndërtimin e fushave sintetike nuk do të ndalet me kaq", theksoi ministri Gashi. 

Kryetari i Komunës Ardian Gjini dhe ai Federatës, Agim Ademi, u shprehën shumë të kënaqur me inaugurimin e Fushës Sintetike. Ata përgëzuan ministrin për punën e tij në krijimin e kushteve për zhvillimin e aktiviteteve sportive në vend.  

"Si rezultat i bashkëpunimit me Ministrinë dhe sidomos i vullnetit të ministrit Gashi, infrastruktura sportive në vend çdo ditë e më shumë po përmirësohet. Andaj falënderoj ministrin për gatishmërinë e tij plotësimin e kërkesave dhe nevojave të sportistëve tanë", u shpreh kryetari i FFK-së Agim Ademi. n

Ndërkaq kryetari Gjini pasi falënderoi ministrin Gashi dhe kryetarin Ademi për prezencën e tyre dhe për bashkëfinancimin e këtij projekti, uroi te gjithë të rinjtë dhe sportistët për realizimin Fushës Sintetike.

Kryetari Gjini po ashtu sqaroi se inaugurimi Fushës dhe themelimi i Akademisë u bënë në kuadër të aktiviteteve me rastin e 20-vjetorit të Çlirimit të Gjakovës.

Kalendari

Ngjarjet e datës 9 Korrik 2020

- Mbahet mbledhja e Qeverisë së Kosovës. (Ndërtesa e Qeverisë, ora 9:00)

- Vazhdimi i seancës plenare të Kuvendit të Republikës së Kosovës në të cilën do të behët votimi dhe shqyrtimi i disa Projektligjeve për ratifikimin e Marrëveshjeve ndërkombëtare. (Salla e Kuvendit, ora 10:00)

- Komuna e Prizrenit bën përurimin e stadiumit në Sërbicë të Poshtme, projekt i realizuar nga Drejtoria për Kulturë, Rini dhe Sport ku do të jetë i pranishëm kryetari i Komunës së Prizrenit, Mytaher Haskuka dhe drejtoresha e DKRS-së, Emilija Redzepi. (Nisja do të bëhet nga Shtëpia e Bardhë në Prizren, ora 10:30)

- Vazhdimi i seancës plenare të Kuvendit të Republikës së Kosovës në të cilën do të behët  votimi i Propozim rezolutës nga Raportimi i Kryeministrit të Republikës së Kosovës dhe debati parlamentar lidhur me dialogun Kosovë - Serbi. (Salla e Kuvendit, ora 10:30)

- Në nderim të ushtarit amerikan Alexander Blake Klass, 20 vjeçar nga Willamina e Oregonit, që ka humbur jetën në një incident, që nuk kishte të bënte me veprim të armatosur, Shoqata "Miqtë e Amerikës" do ta ulin në gjysëm shtizë flamurin amerikan. (Sheshi “Bill Clinton” në Prishtinë, ora 11:00)

- Mbahet Seanca plenare e Kuvendit të Republikës së Kosovës. (Salla e Kuvendit, ora 11:00)

- Lëvizja Vetëvendosje mban konferencë për media në të cilën flet Albulena Haxhiu. (Zyret e LV-së në Arbëri, ora 13:00)

- Mbahet mbledhja e jashtëzakonshme e Kuvendit Komunal të Rahovecit, në të cilën do të behët shqyrtimi dhe aprovimi i Propozim vendimit për bartjen e mjeteve nga rezervat e buxhetit komunal, nga kategoria pozicionit të pagave në kategorinë e Investimeve Kapitale. (Salla e mbledhjeve të Kuvendit Komunal në objektin e ri të komunës, ora 14:00)

Mbledhja do të mbahet në sallën e mbledhjeve të Kuvendit Komunal, në objektin e ri të komunës.

- Mbahet një takim pune i organizuar nga Ministria e Ekonomisë dhe Ambientit në të cilin do të diskutohet dokumenti - Plani Hapësinor i Parkut Kombëtar Bjeshkët e Nemuna. (Ndërtesa e re e Qeverisë ish-Rilindja, salla e konferencave, kati XVIII, ora 15:00)