18 Janar 2019

Përmbyllet projekti i vizatimit të mureve dhe hapjes së fushës sportive

Prishtinë, 11 maj - Sot përmbyllet projekti i vizatimit të mureve dhe hapjes së fushës sportive së restauruar nga organizatat “The Way” në bashkëpunim me Komunën e Prishtinës.

Organizata “The Way” ka realizuar këtë projekt nga artistë kosovarë dhe të huaj dhe synon që përmes artit të arrijë të promovojë vlera.

Përfaqësuesja e organizatës “The Way”, Gëzime Gegaj, ka theksuar se Komuna e Prishtinës duke parë këtë iniciativë ka marrë masa që të restaurojë këtë hapësirë dhe tani të jetë funksionale për të rinjtë.

“Komuna pasi e ka pa që projekti ka dalë mirë ka vendosur të restaurojë atë fushë sportive. Në përmbyllje të projektit do të jetë prezent drejtori i Kulturës dhe përfaqësues nga komuna e Prishtinës, gjithashtu qytetarë tjerë”, ka shpjeguar për InfoKomunën përfaqësuesja e organizatës “The Way”, Gëzime Gegaj.

Sipas saj, numri i hapësirave, të cilat duhet t'i shërbejnë të gjithëve, e në fakt duket se nuk hyjnë në punë për asgjë, po rritet gjithnjë e më shpejt. “Ne kemi për qëllim të luftojmë këtë dukuri përmes artit”.

 

/infokomuna/

Kalendari

Ngjarjet e datës 18 janar 2019 - Mbahet mbledhja e Kryesisë së Kuvendit me kryetarët e grupeve parlamentare. (Ndërtesa e Kuvendit, salla  C-301, ora 8:30)

- Kryeministri Ramush Haradinaj pret në takim 120 studentë nga Vjena dhe Venediku nga programi i studimeve  “Europian  Master in Human Rights and Democratisation”. (Ndërtesa e Qeverisë, ora 9:00 - vetëm pamje)

- Kryetar i Sindikatës së Pavarur të Arsimit të Shqipërisë, Nevruz Kaptelli me bashkëpunëtoret e tij vizitojnë Sindikatën e Bashkuar e Arsimit, Shkencës dhe Kulturës e Kosovës të cilët së bashku me Këshillin Grevistë Qendror do t'i vizitojnë grevistët e shkollës fillore “Dardania”. (Shkolla fillore Dardania, ora 10:00)

- Qendra e Lëvizjes Vetëvendosje! në Prishtinë mban konferencë për media. (Zyrat e Vetëvendosjes, ora 11:00)

- Kryetar i Sindikatës së Pavarur të Arsimit të Shqipërisë, Nevruz Kaptelli me bashkëpunëtoret e tij vizitojnë Sindikatën e Bashkuar e Arsimit, Shkencës dhe Kulturës e Kosovës të cilët së bashku me Këshillin Grevistë Qendror do t'i vizitojnë grevistët çerdhes “Gëzimi Ynë”. (Objekti i çerdhes “Gëzimi Ynë” në Prishtinë, ora 11:00)