03 Mars 2021

Pedro Rodriguez prezantohet te Roma

Romë, 26 gusht - Marrëveshja ishte mbyllur prej kohësh, por sulmuesi spanjoll Pedro Rodriguez u prezantua zyrtarisht si futbollist i Romës vetëm pasditen e sotme, teksa pozoi edhe me fanellën zyrtare të kryeqytetasve italianë.

I ardhur nga Chelsea me parametra zero, pasi i kishte përfunduar kontrata me londinezët, Pedro bëhet afrimi i parë i “erës” Friedkin te Roma, pasi miliarderi amerikan bleu aksionet e klubit pak ditë më parë.

Futbollisti spanjoll kaloi me sukses të gjithë vizitat mjekësore dhe më pas u drejtua për te zyrat e klubit ku nënshkroi kontratën që do ta mbajë në Romë për 3 sezone dhe do të përfitojë një pagë prej 3 milionë eurosh në vit.

Pedro është rritur në akademinë e Barcelonës dhe spikati pikërisht në skuadrën katalane, para se të transferohej te Chelsea 5 sezone më parë, ku edhe me londinezët ia doli të fitojë trofe të rëndësishëm.

Me afrimin e 32-vjeçarit spanjoll Roma shton ndjeshëm cilësinë, por mbi të gjitha eksperiencën në repartin e avancuar, duke qenë se aktualisht ka shumë emra të rinj në organikë.

Kalendari

Ngjarjet e datës 3 Mars 2021 - Kolegji Ndërkombëtar i Biznesit në Mitrovicë inauguron projektin “Fuqizimi i autonomisë universitare dhe rritja e llogaridhënies e transparencës së universiteteve të Ballkanit Perëndimor”. (Selia e Kolegjit IBCM, ora 9:00)

- Mbahet seanca gjyqësore kundër të pandehurit Enis Ramadani për vepren penale 'Mbajtja në pronësi, kontroll ose posedim të paautorizuar të armëve'. (Gjykata Themelore në Ferizaj, ora 9:30)

- Avokati i Popullit, Naim Qelaj viziton ekspozitën për fëmijët e vrarë gjatë luftës “Na ishte një herë që kurrë mos qoftë”. (Biblioteka “Hivzi Sylejmani” në Prishtinë, lagjja Dardania, ora 10:00)

- Parlamenti i dytë rural shqiptar organizon konferencë për të diskutuar sfidat dhe veprimet konkrete për mirëqenien e banorëve të zonave rurale. (Platforma Zoom, ora 10:00)

- Pas rritjes së numrit të rasteve me COVID-19 në Gjilan, kryetari i Komunës, Lutfi Haziri, mban konferencë për media pas takimit të Komitetit për menaxhimin dhe parandalimin e përhapjes së COVID-19. (Zyra e krytarit Haziri, ora 10:30)

- Ministria e Kulturës, Rinisë dhe Sportit organizon ceremoninë e shpërndarjes së librave të botuar dhe të blerë me financimin e Departamentit të Kulturës në MKRS. (Biblioteka Kombëtare e Kosovës, ora 11:00)