30 Nëntor 2022

Kreshnik Mahmuti dhe Lenë Osmani fitues të turneut TOP 8 U21

Ferizaj, 20 nëntor = Sot në SHFMU “Tefik Çanga” në Ferizaj u mbajt një ndër turnet më të forta të vitit, turneu TOP 8 për U21 për kategorinë e meshkujve dhe të femrave.

Në kushtë të mira organizative dhe në një ambient sportive, u zhvilluan shumë ndeshje të forta ku secili nga 8 më të mirët e kësaj kategorie arriti të shfaqë kualitetin e tij.

Në kategorinë e meshkujve u zhvilluan shumë ndeshje të nivelit të lartë, e padyshim ndeshja më kryesore dhe përcaktuese e fituesit të këtij turneu ishte ajo në mes të dy lojtarëve të Kpp Lidhja e Prizrenit, Kreshnik Mahmutit dhe Fatih Karabaxhakut, ndeshje shumë e barazpeshuar dhe me poena të fortë e cila në fund i takoi Kreshnik Mahmutit me rezultat të ngushtë 3-2 ku seti i fundit përfundoi në vazhdime (13-11).

Kreshniku me këtë fitore arriti të mbetet i pamposhtur me 7 fitore, në vendin e dytë Fatih Karabaxhaku me vetëm një humbje dhe 6 fitore, i përcjellur në vendin e tretë poashtu nga bashkëlojtari i klubit Blend Hajdari me 5 fitore dhe 2 humbje.

Në kategorinë e femrave gara ishte tejet e ngushtë dhe këtë e dëshmon fakti që pas përfundimit të xhiros së fundit tri vendet e para kishin pikë të barabarta dhe vetëm bilanci i setave e përcaktoi fituesen. Ndeshjet u zhvilluan me rivalitet dhe në intensitet të lartë, dhe pas 7 xhirove të zhvilluara u përcaktua fituesja, e cila doli të jetë Lenë Osmani e përcjellur nga Shega Hashani në vendin e dytë dhe Alma Mehmeti në vendit e tretë.

Radhitja përfundimtare

Meshkujt

1. Kreshnik Mahmuti (Kpp Lidhja e Prizrenit)

2. Fatih Karabaxhaku (Kpp Lidhja e Prizrenit)

3. Blend Hajdari (Kpp Lidhja e Prizrenit)

4. Anes Behluli (Kpp Ahmet Hoxha)

5. Adriatik Maloku (Kpp Gani Maloku)

6. Llukman Beka (Kpp Vushtrria)

7.Arlind Lamaxhema (Kpp Ahmet Hoxha MK)

8. Benjamin Xhaferi (Kpp Sharri)

 

Femrat

1. Lenë Osmani (Kpp Drita F)

2. Shega Hashani (Kpp Ahmet Hoxha F)

3. Alma Mehmeti (Kpp Drita F)

4. Leoresa Imeri (Kpp Vushtrria F)

5. Ajola Behluli (Kpp Ahmet Hoxha MK)

6. Anila Hyseni (Kpp Gani Maloku)

7. Ariola Hajdari (Kpp Lidhja e Prizrenit F)

 

Kalendari

Ngjarjet e datës 30 nëntor 2022

- Iniciative për Drejtësi dhe Barazi INJECT dhe Iniciativa Kosovare për Stabilitet IKS organizojnë diskutimin publik për iniciativat e reja ligjore për Mbrojtjen e Grave. (Hotel Sirius, ora 9:00)

- Kosova Women 4 Women  në bashkëpunim me Departamentin e Punës Sociale të Universitetit të Prishtinës organizon konferencën "Politikat në veprim kundër dhunës në baza gjinore". (Hotel Sirius, ora 9:00)

- Zëvendëskryeministër i parë për Integrim Evropian, Zhvillim dhe Dialog, Besnik Bislimi raporton para Komisionit për Integrim Evropian. (Ndërtesa e Kuvendit, salla N506, ora 10:00)

- Komisioni për Mbikëqyrjen e Agjencisë së Kosovës për Inteligjencë shqyrton kërkesën për shtim të mjeteve buxhetore për Agjencinë e Kosovës për Inteligjencë në Projektligjin për Buxhet për vitin 2023. (Ndërtesa e Kuvendit, salla N302, ora 10:00)

- Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione takohet me Fabian Salvioli raportues special i OKB-së për promovimin e së vërtetës, drejtësisë, dëmshpërblimit dhe garancive për mospërsëritje të shkeljeve të të drejtave të njeriut dhe të së drejtës ndërkombëtare. (Ndërtesa e Kuvendit, salla N10, ora 10:00)

- Agjencia e Punësimit në bashkëpunim me GIZ Kosova, Universitetin e Prishtinës dhe Oda Ekonomike Gjermano-Kosovare organizojnë ceremoninë e hapjes së edicionit të shtatë të Panairit Kombëtar të Punës, Karrierës dhe Ndërmarrësisë. (Salla “1 Tetori”, ora 10:00)

- Komisioni për Buxhet, Punë dhe Transfere shqyrton raportet lidhur me shqyrtimin e Projektligjit për Borxhin Shtetëror dhe Garancitë Shtetërore. (Ndërtesa e Kuvendit, salla C203, ora 10:00)

- Institutit për Politika Zhvillimore organizon edicionin e dytë të Forumit të OZhQ-ve me titull ‘Koordinimi në mes të nivelit lokal dhe qendror të qeverisjes për zbatimin e Agjendës 2030'. (Hotel Emerald, ora 10:00)

- Komuna e Rahovecit organizon konsultimin publik me qytetarë për planin e Mobilitetit Urban në Rahovec. (Hotel Park Plaza, ora 10:00)

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit shqyrton Projektligjin mbi ndarjet buxhetore për Buxhetin e Republikës së Kosovës për vitin 2023, nga fushëveprimi që mbulon Komisioni për Legjislacion. (Ndërtesa e Kuvendit, salla N204, ora 11:00)

- Aleanca Kosovare e Bizneseve mban Kuvendin e VIII Zgjedhor Qendror. (Hotel Amazona, ora 11:00)

- Mbahet seanca plenare e Kuvendit​ të Republikës së Kosovës në të cilën do të paraqitet në interpelancë me kryeministrin, Albin Kurti për çështjen: "Masat urgjente të Qeverisë së Republikës së Kosovës në raport mesituatën e krijuar në vend". (Kuvendi i Kosovës, ora 11:30)

- Ministrja e Drejtësisë, Albulena Haxhiu, së bashku me Ministren e Arsimit, Shkencës, Teknologjisë dhe Inovacionit, Arbërie Nagavci do të vizitojnë Komunën e Kamenicës me ç ‘rast do të​ takohen me Kryetarin, Kadri Rahimaj. (Komuna e Kamenicës, ora 12:30)

- Ministrja e Drejtësisë, Albulena Haxhiu, së bashku me Ministren e Arsimit, Shkencës, Teknologjisë dhe Inovacionit, Arbërie Nagavci do të vizitojnë Shkollën Fillore të Mesme të Ulët, "Xhavit Ahmeti" në fshatin Hodonoc, Komuna e Kamenicës. (Objekti i Shkollës në fshatin Hodonoc, ora 13:00)

- Komisioni Qendror i Zgjedhjeve mban mbledhjen e radhës. (Objekti i KQZ-së, ora 14:00)

- Ministrja e Drejtësisë, Albulena Haxhiu, së bashku me Ministren e Arsimit, Shkencës, Teknologjisë dhe Inovacionit, Arbërie Nagavci do të jenë afër grave që udhëheqin biznese, znj. Ibadete Sadiku, znj. Kadrije Mustafa dhe znj. Emine Kërhanaj. (Kamenicë, ora 15:00)