19 Janar 2019

Bayern ofron 100 milionë euro për Dybala

Mynich, 5 maj - Sipas mediave gjermane, Bayern Mynihu është i gatshëm që t’i ofrojë Juventusit 100 milionë euro për Paulo Dybala.

Dybala kohën e fundit gjithnjë e më shpesh është jashtë njëmbëdhjetëshit të Juventusit, ndërsa veçmas u kritikua për shkak të paraqitjes dëshpëruese në ndeshjen e sezonit kundër Napolit.

Deri tani emri i futbollistit argjentinas lakohej kryesisht për transferime në Real Madrid, Barcelona ose Atletico Madrid. Por, tani mediat gjermane pohojnë se në garë është përfshirë edhe Bayern-i, me ofertë prej 100 milionë eurove.

Dybala tek “Zonja e Vjetër” erdhi në vitin 2015 nga Palermo me një shumë prej 40 milionë euro.

Kalendari

Ngjarjet e datës 18 janar 2019

- Mbahet mbledhja e Kryesisë së Kuvendit me kryetarët e grupeve parlamentare. (Ndërtesa e Kuvendit, salla  C-301, ora 8:30)

- Kryeministri Ramush Haradinaj pret në takim 120 studentë nga Vjena dhe Venediku nga programi i studimeve  “Europian  Master in Human Rights and Democratisation”. (Ndërtesa e Qeverisë, ora 9:00 - vetëm pamje)

- Kryetar i Sindikatës së Pavarur të Arsimit të Shqipërisë, Nevruz Kaptelli me bashkëpunëtoret e tij vizitojnë Sindikatën e Bashkuar e Arsimit, Shkencës dhe Kulturës e Kosovës të cilët së bashku me Këshillin Grevistë Qendror do t'i vizitojnë grevistët e shkollës fillore “Dardania”. (Shkolla fillore Dardania, ora 10:00)

- Qendra e Lëvizjes Vetëvendosje! në Prishtinë mban konferencë për media. (Zyrat e Vetëvendosjes, ora 11:00)

- Kryetar i Sindikatës së Pavarur të Arsimit të Shqipërisë, Nevruz Kaptelli me bashkëpunëtoret e tij vizitojnë Sindikatën e Bashkuar e Arsimit, Shkencës dhe Kulturës e Kosovës të cilët së bashku me Këshillin Grevistë Qendror do t'i vizitojnë grevistët çerdhes “Gëzimi Ynë”. (Objekti i çerdhes “Gëzimi Ynë” në Prishtinë, ora 11:00)

- Drejtori i Klinikës Emergjente, dr. Basri Lenjani, do të mbajë konferencë për medie. Në konferencë do të jepet qëndrimi zyrtar në lidhje me videon që ka qarkulluar në medie, për kinse mos ofrimin e shërbimeve shëndetësore ndaj një qytetari. (Klinika Emergjente, ora 13:00)