04 Gusht 2020

Prezantohen statistikat e raportimit të dhunës gjatë pandemisë COVID-19

Prishtinë, 11 korrik - Në kuadër te Koalicionit K10 dhe e mbështetur nga UNFPA, zyra në Kosovë, organizata SIT, organizon aktivitet për dhunën në familje gjatë pandemisë COVID19 tek sheshi "Zahir Pajaziti" në Prishtinë.

SIT vlerëson se Pandemia COVID-19 ka ndikuar tek çdo njeri, tek çdo komunitet dhe thuajse në çdo sferë të jetës.

Mirëpo sipas SIT më së shumti të ndikuar nga kjo krizë janë grupet e margjinalizuara ku diskriminimi dhe pabarazitë vetëm se janë thelluar më shumë.

Dhuna ka ekzistuar edhe para pandemisë, mirëpo kjo krizë ka ndikuar që të dalë në pah më lehtë.

Si në vende tjera të botës, po ashtu edhe në Kosovë, vetë-izolimi, karantina, problemet ekonomike dhe sociale kanë ndikuar që rastet e raportuara të dhunës të rriten edhe më shumë dhe dhuna e paraportuar - potencialisht të pësojë rritje! 

Duke parë ndikimin e pandemisë COVID-19 në rritjen e dhunës në familje dhe dhunës në baza gjinore, këtë vit për Ditën Botërore të Popullsisë, e mbajtur çdo vit më 11 korrik, SIT do të fokusohet në rastet e raportuara të dhunës në familje nga gratë dhe vajzat në Kosovë.

SIT, sot në Ditën Botërore të Popullsisë, do të prezantojë statistikat e rasteve të raportimit të dhunës në Kosovë gjatë pandemisë COVID-19.

Këto statistika do të shfaqen në sheshin ‘’Zahir Pajaziti’ në Prishtinë, kurse do të jepen edhe intervistat për media.

Kalendari

Ngjarjet e datës 4 Gusht 2020

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit shqyrton raportin vjetor të Akademisë së Drejtësisë, Agjencisë Kundër Korrupsionit dhe Komisionit Qendror të Zgjedhjeve. (Salla e seancave plenare, ora 9:00)

 

- Riccardo Serri, Ushtrues i Detyrës së Shefit të Zyrës së BE-së në Kosovë do të dorëzojë 30 Ventilatorë të ICU, 200 Pulse Oximeters dhe 20 makina elektrokardiografike Ministrisë së Shëndetësisë në mbështetje të sistemit shëndetësor. (Live stream on facebook.com/EuropeanUnionInKosovo, ora 10:00)

- Mbahet mbledhja e Komitetit për Politikë dhe Financa e Komunës së Prizrenit. (Salla e mbledhjeve të Kuvendit Komunal në Shtëpinë e Bardhë, ora 10:00)

-  Komisioni për Mbikëqyrjen e Financave Publike shqyrton raportin e auditimit për Ministrinë e Kulturës, Rinisë dhe Sportit dhe Ministrinë e Diasporës dhe Investimeve Strategjike. (Salla e seancave plenare, ora 10:00)

- Mbahet takimi konsultativ rreth procesit për përgatitjen e programit të reformave në ekonomi 2021 - 2023. (Ndërtesa e Qeverisë, salla P 38, ora 13:30)