08 Dhjetor 2019

Policia e Kosovës dhe EULEX-i nderojnë Audrius Šenavičius, i vrarë në detyrë

Prishtinë, 19 shtator - Më 19 shtator 2013, zyrtari doganor i EULEX-it Audrius Šenavicius humbi jetën kur persona të panjohur shtënë me armë zjarri ndaj automjetit të tij në veri të Kosovës. Sot, ushtruesi i detyrës së Shefit të EULEX-it, Bernd Thran, dhe një delegacion nga Policia e Kosovës i udhëhequr nga Drejtori i Përgjithshëm Rashit Qalaj, vizituan vendin ku u qëllua Audrius Šenavicius dhe bënë nderime.

“Sot kujtojmë kolegun tonë të dashur Audrius Šenavicius, i cili u vra në mënyrë tragjike në këtë datë në vitin 2013, gjersa ishte në krye të detyrës. Audrius ishte koleg i përkushtuar dhe prind, bashkëshort, dhe mik i dashur. Sot kujtojmë edhe familjen dhe miqtë e Audrius, të cilët akoma me dhimbje të thellë presin që autorët e vrasjes së tij të nxirren para drejtësisë, ” tha ushtruesi i detyrës së Shefit të Misionit Bernd Thran, i cili në kujtim të Audrius vuri një kurorë tek vendin ku ishte vrarë.

“Sot Policia e Kosovës shënon humbjen e një kolegu të EULEX-it i cili u vra në mënyrë tragjike. Unë besoj se ne, si Polici e Kosovës, kemi obligimet tona edhe humane ndaj kolegëve që janë vrarë. Ne e trajtojmë kolegun tonë nga EULEX-i si të ishte pjesëtarë i Policisë së Kosovës," tha Drejtori i Përgjithshëm i Policisë së Kosovës, Rashit Qalaj, duke shtuar: "Ne do të bëjmë përpjekje maksimale që kryerësi i krimit të gjendet."

"Prania e Drejtorit të Përgjithshëm të Policisë së Kosovës Rashit Qalaj në vendin ku u qëllua Audrius do të thotë shumë për ne dhe tregon përkushtimin e Policisë së Kosovës për të vazhduar hetimet për këtë krim të rëndë, tani që EULEX-i nuk ka më mandat për ta bërë këtë. Kemi humbur një koleg të vlefshëm, dhe drejtësia duhet të vihet në vend ," tha z. Thran.

EULEX-i edhe një herë i bën thirrje çdo personi që mund të ketë informacione të cilat do t’i ndihmonin policisë që të paraqitet pa hezituar. Misioni ofron një shpërblim prej 82.000 euro për informacion që çon në arrestimin dhe dënimin e kryesit apo kryerësve të kësaj vrasje. Ju lutemi kontaktoni numrin +383 38 284 181, ose vizitoni faqen tonë të internetit për më shumë detaje: https://www.eulex-kosovo.eu/?page=2,57

Në shenjë të kujtimit për të, i gjithë stafi i EULEX-i ka mbajtur minutë heshtje.

 

Kalendari

Ngjarjet e datës 9 dhjetor 2019

- Qendra Burimore për Persona të Zhdukur, QBPZH me mbështetjen e Ambasadës Britanike dhe Ambasadës Amerikane organizon diskutimin e tryezës së rrumbullakët, në shenjë të shënimit të Ditës Ndërkombëtare për të Drejtat e Njeriut. (Hotel Garden, ora 9:00)

- Oda Ekonomike Amerikane në Kosovë në bashkëpunim me Programin Aktiviteti për Drejtësi Komerciale të USAID, prezantojn te gjeturat e një studim të ri rreth Perceptimit të Korrupsionit sipas Bizneseve. (Hotel Swiss Diamond, ora 10:00)

- Koalicioni i OJQ-ve për Javën Kundër Korrupsion 2019  mban konferencë për media për të publikuar Kalendarin e Aktiviteteve të JKK 2019 ku edhe do përqoj disa mesazhe kryesore për temat të cilat do diskutohen gjatë këtyre pesë ditëve. (Hotel Sirius, ora 10:00)

- Kuvendi Komunali Gjilanit mban seancën e jashtezakonshme më pikënn e vetme te rendit të ditës është 'Diskutimi rreth lokaciont të ardhshëm të varrezave të qytetit'.(Objekti i Kuvendit Komunal te Gjilanit, ora 10:00)

- Universiteti i “Kadri Zeka” në Gjilan nënshkruan marrëveshje me  Agjencin Ekzekutive te Komisionit Evropian, për projektin milionësh në programin ERASMUS + Cooperation for Innovation and the exchange of good Practices. (Ambientet e Rektoratit, ora 10:30)

- Save the Childreb bën lansimin i instrumenteve për vlerësimin pedagogjik  të fëmijëve në Kosovë. (Qëndra Burimore Përparimi afër Don Bosko, ora 10:30)

- Instituti Demokratik i Kosovës organizojnë ekspozitën dhe ceremoninë e ndarjes së çmimeve për garën për fotografinë më të mirë kundër korrupsionit 2019. (Parku Arkeologjik, përballë Muzeut Kombëtar, ora 11:00)

- Universiteti i Shkencave të Aplikuara në Ferizaj, do të bën promovimin e librit "Turizmi Ndërkombëtarë", nga Prof. As. Dr. Hysen Sogojeva. (Universiteti i Ferizatj, ora 11:00)

- Lëvizja FOL organizon një tryezë me temë “Ligji për Mbrojtjen e Sinjalizuesve - Sfidat e zbatimit në praktikë”. (Hotel Sirius, ora 14:00)

- Programi i Kombeve të Bashkuara për Zhvillim përmes projektit Mbështetje Përpjekjeve Kundër Korrupsionit do të shënojë Ditën Ndërkombëtare Kundër Korrupsionit, duke ndarë shpërblimin për storjen më të mirë gazetareske kundër korrupsionit për vitin 2019. (Kino Armata, ora 18:00)

- Instituti i Kosovës për Drejtësi dhe “Betimi për Drejtësi” shfaqin premierën e dokumentarit “Sinjalizuesit e korrupsionit”. (Hotelin Sirius, ora 19:45)