06 Shkurt 2023

OSBE diskuton për aspektet e sigurisë së dhunës në familje

Prishtinë, 7 dhjetor - Misionin në Kosovë të Organizatës për Siguri dhe Bashkëpunim në Evropë në Kosovë (OSBE) do të organizojë një tryezë të rrumbullakët për qasjen në drejtësi për viktimat e dhunës në familje, si pjesë e aktiviteteve për shënimin e 16 ditëve të aktivizmit kundër dhunës në baza gjinore.

Në këtë tryezë të rrumbullakët pritet të mblidhen ekspertë të ndryshëm nga institucionet qeveritare, Policia e Kosovës, Qendrat për Punë Sociale, strehimoret për viktima të dhunës në familje, Institucioni i Avokatit të Popullit, si dhe OJQ-të e grave.

Pjesëmarrësit do të diskutojnë për aspektet e sigurisë së dhunës në familje, rolin e aktorëve të ndryshëm në trajtimin e rasteve të dhunës ndaj grave dhe dhunës në familje, si dhe për rëndësinë e bashkëpunimit dhe bashkërendimit institucional, me vëmendje të posaçme në referimin e sigurt dhe shërbimet e tjera në dispozicion për viktimat.

Fjalë hyrëse do të japin Ambasadori Michael Davenport, Shef i Misionit të OSBE-së në Kosovë; Blerim Sallahu, Zëvendësministër i Drejtësisë; Blerim Gashani, Zëvendësministër i Punëve të Brendshme; dhe Nënkolonel Arbnesh Ajvazi nga Policia e Kosovës.

 
 

Kalendari

Ngjarjet e datës 7 shkurt 2023

 - Komisioni për Arsim, Shkencë, Teknologji, Inovacion, KulturÑ‘, Rini dhe Sport, shqyrton Projektligjin pÑ‘r Agjencinë e Kosovës për Akreditim. (Kuvendi i Kosovës, salla N303, ora 10:00)
    
- Komisioni për Ekonomi, Industri, Ndërmarrësi dhe Tregti, shqyrton Planin e Performancës për vitin 2023, të Zyrës së Rregullatorit të Energjisë. (Kuvendi i Kosovës, salla N10, ora 11:00)
    
- Kryetari i Gjilanit, Alban Hyseni, së bashku me përfaqësuesit e grupeve të qytetarëve organizon ceremoninë për nënshkrimin e Agjendës së Kontratës Sociale për Gjilanin, që është zotim i përbashkët nëpërmjet zyrtarëve të Komunës dhe qytetarëve për të përmirësuar komunikimin, bashkëpunimin dhe veprimet kolektive. (Shkolla e Mesme e Muzikës, Gjilan, ora 12:00)
    
- Ministri i Mjedisit, Planifikimit Hapësinor dhe Infrastrukturës, Liburn Aliu, raporton në Komisionin për Mjedis, Ushqim, Bujqësi, Planifikim dhe Zhvillim. Temë diskutimi është plani Hapësinor i Parkut Kombëtar “Bjeshkët e Nemuna”. (Kuvendi i Kosovës, salla N302, ora 13:00)

- Kryetari i Komunës së Preshevës, Shqiprim Arifi, do të dorëzojë Kallëzim Penal në Prokurorinë Speciale në Prishtinë, për keqpërdorimin e mjeteve të Qeverisë së Kosovës nga ana e Këshillit Kombëtar Shqiptar. (Ndërtesa e Prokurorisë, ora 14:00)  
    
- Një delegacion i ambasadorëve të shteteve të QUINT-it në selinë e OSBE-së në Vjenë të Austrisë, vizitojnë Akademinë e Kosovës për Siguri Publike. I pranishëm do të jetë dhe ministri i Punëve të Brendshme, Xhelal Sveçla. (Akademia për Siguri Publike, Vushtrri, ora 14:25)