09 Korrik 2020

Organizohet mbledhje komemorative në nderim të veprës së Fatime Hyseni

Gjilan, 18 shtator – Me rastin e ndarjes nga jeta të simbolit të qëndresës dhe sakrificës, Fatime Hyseni, nënës së tre dëshmorëve të kombit, Ramadan, Shaban dhe Ilmi Hyseni, është mbajtur mbledhje komemorative, e cila është organizuar nën përkudjesjen e kryetarit të Gjilanit, Lutfi Haziri.

Në fjalën e rastin, nënkryetari i Komunës së Gjilanit, Arbër Ismajli, i cili ka folur në emër të Lutfi Hazirit, ka deklaruar se Fatime Hyseni është sinonim i nënës fisnike, të njeriut të qëndresës dhe sakrificës, duke i dhënë atdheut tre djem dëshmorë.

“Nëna Fatime nuk është më në mesin tonë, por vepra e saj prej heroine në shërbim të atdheut, do të jetoj për sa të jetë jeta. Është rast i rrallë që një nënë i jep atdheut tre djem dhe qëndron me krenari, dinjitet e vendosmëri deri në frymën e fundit. Ngushëllimet më të sinqerta familjes dhe bashkëluftëtarëve të Ramadan, Shaban dhe Ilmi Hysenit”, ka thënë Ismaji.

Ish-komandanti i Zonës Operative të Karadakut, Ahmet Isufi, theksoi se sot jetojmë të lirë në saje të kultivimit të ndjenjes së lirisë nga nëna Fatime për bijtë e saj.

“Nëna Fatime ka pasur vështirësitë e jetës ashtu si të gjitha nënat e heronjve dhe njerëzve që janë flijuar për vendin tonë. Nuk ka qenë e lehtë për të, për shokët e qytetarët, ajo preiudhë kur armiku donte të shfaroste qenien shqiptare, por që me vetëdije të plotë, djemtë e nënës Fatime u vunë në rrestin e  UÇK’së, që përfundimisht i dhanë goditjen e fundit armikut shekullor. Të rralla janë nënat që i përcjellin djemtë për sakrificën e fundit”, tha Isufi.

Në emër të shoqatava të dala nga lufta e UÇK’së, ka folur Qëndrim Baftiu, ndërkaq në emër të familjes Hyseni ka folur nipi i Fatimes, Eugeni, i cili e ka falënderuar kryetarin Lutfi Haziri për organizimin e kësaj akademie dhe për telegramin e ngushëllimit. 

Kalendari

Ngjarjet e datës 9 Korrik 2020 - Mbahet mbledhja e Qeverisë së Kosovës. (Ndërtesa e Qeverisë, ora 9:00)

- Vazhdimi i seancës plenare të Kuvendit të Republikës së Kosovës në të cilën do të behët votimi dhe shqyrtimi i disa Projektligjeve për ratifikimin e Marrëveshjeve ndërkombëtare. (Salla e Kuvendit, ora 10:00)

- Komuna e Prizrenit bën përurimin e stadiumit në Sërbicë të Poshtme, projekt i realizuar nga Drejtoria për Kulturë, Rini dhe Sport ku do të jetë i pranishëm kryetari i Komunës së Prizrenit, Mytaher Haskuka dhe drejtoresha e DKRS-së, Emilija Redzepi. (Nisja do të bëhet nga Shtëpia e Bardhë në Prizren, ora 10:30)

- Vazhdimi i seancës plenare të Kuvendit të Republikës së Kosovës në të cilën do të behët  votimi i Propozim rezolutës nga Raportimi i Kryeministrit të Republikës së Kosovës dhe debati parlamentar lidhur me dialogun Kosovë - Serbi. (Salla e Kuvendit, ora 10:30)

- Në nderim të ushtarit amerikan Alexander Blake Klass, 20 vjeçar nga Willamina e Oregonit, që ka humbur jetën në një incident, që nuk kishte të bënte me veprim të armatosur, Shoqata "Miqtë e Amerikës" do ta ulin në gjysëm shtizë flamurin amerikan. (Sheshi “Bill Clinton” në Prishtinë, ora 11:00)

- Mbahet Seanca plenare e Kuvendit të Republikës së Kosovës. (Salla e Kuvendit, ora 11:00)

- OVL e UÇK-së mban protestë gjithëpopullore me moton “Në mbrojtje të Luftës Çlirimtare”. (Prishtinë dhe qytetet e tjera të Kosovës, ora 12:00)

- Lëvizja Vetëvendosje mban konferencë për media në të cilën flet Albulena Haxhiu. (Zyret e LV-së në Arbëri, ora 13:00)

- Mbahet mbledhja e jashtëzakonshme e Kuvendit Komunal të Rahovecit, në të cilën do të behët shqyrtimi dhe aprovimi i Propozim vendimit për bartjen e mjeteve nga rezervat e buxhetit komunal, nga kategoria pozicionit të pagave në kategorinë e Investimeve Kapitale. (Salla e mbledhjeve të Kuvendit Komunal në objektin e ri të komunës, ora 14:00)

Mbledhja do të mbahet në sallën e mbledhjeve të Kuvendit Komunal, në objektin e ri të komunës.

- Mbahet një takim pune i organizuar nga Ministria e Ekonomisë dhe Ambientit në të cilin do të diskutohet dokumenti - Plani Hapësinor i Parkut Kombëtar Bjeshkët e Nemuna. (Ndërtesa e re e Qeverisë ish-Rilindja, salla e konferencave, kati XVIII, ora 15:00)