17 Korrik 2019

MPB nënshkruan Memorandum Mirëkuptimi me IOM për ri-integrimin

Prishtinë, 27 maj - Ministria e Punëve të Brendshme së bashku me Organizatën Ndërkombëtare për Migracion në Kosovë (IOM), kanë nënshkruar Memorandum Mirëkuptimi për bashkëpunim në fushën e menaxhimit të migracionit, me theks të veçantë “Kthimi të asistuar vullnetar në ri-integrim”(KAVR).

Ky Memorandum Mirëkuptimi u nënshkrua nga ministri i Punëve të Brendshme, Ekrem Mustafa dhe znj. Tajma Kurt, shefe e Misionit të IOM në Kosovë.

Me këtë rast, u tha se ky memorandum i bashkëpunimit është shënjues i një bashkëpunimi të frytshëm, shumëvjeçar, ndërmjet MPB-së dhe IOM-it dhe partneritetit në fushën e menaxhimit të migracionit.

Kthimi i asistuar vullnetar dhe ri-integrimi është program i cili promovon dhe përqendrohet në ofrimin e asistencës migrantëve për tu kthyer vullnetarisht në vendin e origjinës dhe si i tillë, ai paraqet një ndër iniciativat dhe objektivat kryesore të IOM për përkrahje dhe zhvillim të sistemit të migracionit të fokusuar në mbrojtje të të drejtave të migrantëve dhe kthimin e tyre të dinjitetshëm në vendin e origjinës.

Në kuadër të kësaj iniciative është përfshirë edhe një nen mbi KAVR në Ligjin për të Huajt dhe një kapitull në Udhëzimin administrativ për kthimin e të huajve me qëndrim të paligjshëm në Republikën e Kosovës.

Kësisoj, migrantët që qëndrojnë në Kosovë dhe dëshirojnë të kthehen në vendin e tyre të origjinës, tani mund të përfitojnë nga Programi i IOM-it që përfshinë këshillimin para nisjes, asistencë shëndetësore, asistencë për pajisje me dokumente relevante të udhëtimit, biletave të aeroplanit, përcjelljeje gjatë udhëtimi dhe në vendet e transitit, pritje dhe transport deri në vendin e destinacionit, akomodim si dhe përkrahje për ri-integrim të qëndrueshëm në vendin e origjinës për raste ku kjo është e nevojshme.

Kjo iniciativë është marrë në vazhdën e shumë iniciativave tjera të ndërmarra nga zyra e IOM-it në Kosovë në kuadër të projektit “Mbështetja Rajonale për Menaxhimin sensitiv të Migracionit me fokus tek mbrojtja në Ballkanin Perëndimor dhe Turqinë” (projekt i cili implementohet në bashkëpunim më Frontex, EASO dhe UNCHR), që ndër të tjera vlen të përmenden edhe zgjerimi i bazës ekzistuese të të dhënave për MPB/DSHAM me modul të ri statistikor i cili do te ndihmojë në prodhimin e raporteve periodike në përputhje me standardet e EuroStatit, mbi Popullatën dhe Migracionin, Lejet e Qëndrimit dhe Azilin, pajisje dhe trajnime për shfrytëzimin e Platformës rajonale online për shfrytëzimin e shërbimeve të përkthimit  për gjuhët e rralla të përdorura nga migrantët, përkrahje në hartimin e Strategjisë Nacionale të Migracionit 2019-2013, printimin e ligjeve dhe materialeve promovuese relevante.

 

Kalendari

Ngjarjet e datës 17 korrik 2019 - Koalicioni i OJQ–ve për Mbrojtjen e Fëmijëve në Kosovë organizon konferencë të jashtëzakonshme për media lidhur me rastin e fundit i vdekjes së fëmijës në rrethana të dyshimta në Fushë Kosovë. (Hotel Sirius, ora 10:00)

- Lansohet Plani i Integritetit të Ministrisë së Mbrojtjes të Republikës së Kosovës. (Ndërtesa e Ministrisë se Mbrojtjes, ora 10:00)

- Me rastin e shënimit të “Epopesë së Korrikut 1998’’ në Rahovec, Komuna e Rahovecit do të bëj homazhe dhe ndërim për të rënet. (Rahovec, ora 10:00)

- Kryetari i Gjykatës Themelore të Gjilanit, Ramiz Azizi do të mbajë konferencë për media. (Objekti i Gjykatës Themelore në Gjilan, Kati i III, Salla 306, ora 10:30)

- Komisioni për Arsim, Shkencë, Teknologji, Kulturë, Rini, Sporte, Inovacion dhe Ndërmarrësi mban dëgjim publik lidhur me mbikëqyrjen e zbatimit të Ligjit për Trashëgiminë Kulturore. (Ndërtesa e Kuvendit, salla C 203, ora 11:00)

- Policia e Kosovës do të mbajë një konferencë për media, ku do prezantohet raporti gjashtëmujor  janar-qershor 2019 duke u fokusuar edhe në aktivitetet më të rëndësishme të policisë gjatë kësaj periudhe. (Stacioni policor Qendra në Prishtinë, ora 11:00)

- Kryeministri Ramush Haradinaj pret në takim Azgan Haklaj, president i Unionit Artistik të Kombit Shqiptar. (Ndërtesa e Qeverisë, ora 11:00)

- Ministria e Tregtisë dhe Industrisë organizon panairin “Gratë në Biznes dhe artizanate tradicionale” në të cilin do të marrin pjesë rreth 32 biznese dhe shoqata të grave ndërmarrëse nga komunitete të ndryshme të Kosovës. (Sheshi “Para Teatrit” në Gjilan, ora 11:00)      
 
- Ministria e Infrastrukturës dhe Transportit në bashkëpunim me Policinë e Kosovës lanson fushatën vetëdijësuese “10 Rregullat e Arta të Sigurisë Rrugore. (Pika kufitare e Merdares, ora 11:00)

- Partia Socialdemokrate mban konferencë për media. (Zyrët qendrore të PSD-së në lagjen Arbëria, ora 11:30)

- Komuna e Rahovecit organizon akadmi përkujtimore me rastin e 21 vjetorit shënimit të “17 korrikut - Epopesë së Rahovec’’. (Shtëpia e Kulturës 'Mentor Zyberaj" në Rahovec, ora 12:00)

- Agjencia Kosovare e Privatizimit mban ceremoninë e hapjes së ofertave të shitjeve përmes Likuidimit nr.48. (Hoteli Grand, ora 12:30)

- Mbledhja e komisionit për Shëndetësi, Punë dhe Mirëqenie Sociale në të cilën do të behët shqyrtimi i Projektligjit për Inspektoratin e Punës. (Ndërtesa e Kuvendit, salla N 303, ora 13:00)

- Komuna e Rahovecit organizon dëgjim publik për përgatitjen e buxhetit për vitit 2020 më banorët e fshatit Hoçë e Madhe. (Shtëpia e Kulturës në fshatin Hoçë e Madhe, ora 14:00)

- Kryeministri Ramush Haradinaj zhvillonë një vizitë pune në Komunën e Malishevës. (Malishevë, ora 15:00)

- Komuna e Rahovecit organizon dëgjim publik për përgatitjen e buxhetit për vitit 2020 më banorët e lagjeve III- dhe IV të qytetit të Rahovecit. (Shkolla fillore “Isa Boletini” në Rahovec, ora 19:00)