03 Dhjetor 2020

Ministri Selimi i gatshëm të përkrahë Dhomën e Posaçme

Prishtinë, 27 tetor  - Ministri i Drejtësisë, Selim Selimi, sot është takuar me kryetarin e Gjykatës Supreme, Enver Peci dhe U.d. gjyqtar mbikëqyrës i Dhomës së Posaçme, Ilmi Bajrami.

Gjatë këtij takimi, është diskutuar për bashkëpunimin, mbështetjen dhe mundësinë e krijimit të kushteve për zvogëlimin e numrit të lëndëve në Dhomën e Posaçme të Gjykatës Supreme.

“ Pavarësisht sfidave që kanë gjyqtarët e Dhomës së Posaçme të Gjykatës Supreme, aty është shtuar efikasiteti, mirëpo ende duhet shumë punë. Që të çlirohet kapitali për ekonominë e tregut të lirë, këta gjyqtarë duhet t’i përkrahim me staf mbështetës dhe gjyqtarë të rinj”, tha ministri Selimi.

Ministri Selimi shprehu gatishmërinë për krijimin e një fondi emergjent nga Qeveria e Kosovës, përmes së cilit do të krijoheshin mundësitë për zvogëlimin e lëndëve në këtë gjykatë duke shtuar numrin e gjyqtarëve dhe bashkëpunëtorëve profesionalë.

“ Me kryetarin e Gjykatës Supreme, Enver Pecin dhe me U.d. gjyqtar mbikëqyrës i Dhomës së Posaçme Ilmi Bajrami, u pajtuam që mbështetja më e madhe ndaj tyre mund t’i sjell shtetit, rreth 300 milionë euro, para të cilat po qëndrojnë të bllokuara”, theksoi ministri Selimi.

Ministri Selimi garantoi për mbështetjen e tij në fuqizimin e të gjitha niveleve të gjykatave, sigurimin e pavarësisë së tyre, si edhe në rritjen e profesionalizmit dhe integritetit.

Ndërsa kryetari i Gjykatës Supreme, Enver Peci dhe U.D. gjyqtar mbikëqyrës i Dhomës së Posaçme, Ilmi Bajrami shprehën gatishmërinë për punuar bashkërisht në zvogëlimin e lëndëve në Dhomën e Posaçme të Gjykatës Supreme të Kosovës.


 

Kalendari

Ngjarjet e datës 3 Dhjetor 2020

- Me rastin e Ditës Ndërkombëtare të Personave me Aftësi të Kufizuara, Handikos mban konferencën lansuese të Raportit vlerësues mbi qasshmërinë e fëmijëve me aftësi të kufizuara në ndërtesat shkollore të nivelit fillor dhe të mesëm të ulët në Kosovë. (Qendra e Resurseve të Handikos në Veternik, ora 9:30)

- Gjykata Themelore në Ferizaj mban seancën kundër të pandehurit Ibrahim Mustafa Keqpërdorimi i pozitës apo autoritetit zyrtar. (Gjykata Themelore në Ferizaj, ora 9:30)

- Kuvendi i Kosovës mban seancë te veçantë në të cilën do të mbahet debat parlamentar për gjendjen e të drejtave të personave me aftësi të kufizuara në Republikën e Kosovës. (Kuvendi i Kosovës, ora 10:00)

-  Komisioni për Integrim Evropian shqyrton Projektligjin për rimëkëmbjen ekonomike – COVID-19, me amendamentet e Komisionit funksional nga aspekti i përputhshmërisë me legjislacionin e BE-së. (Ndërtesa e Kuvendit, salla N302, ora 10:00)

-  Komisioni për të Drejtat dhe Interesat e Komuniteteve dhe Kthim shqyrton Projektligjin për Rimëkëmbjen Ekonomike - COVID-19, me raport amendamente të Komisionit funksional për Buxhet dhe Transfere. (Ndërtesa e Kuvendit, salla N303 Koha: 10:00  

- Komisioni Qendror i Zgjedhjeve mban mbledhjen ku shpall rezultatet përfundimtare të jashtëzakoshme për Kryetar të Komunës së Podujevës dhe Mitrovicës së Veriut, të cilat u mbajtën më 29 nëntor 2020. (Ndërtesa e KQZ-së, kati 4, ora 10:00)

- Për nder të Ditës Ndërkombëtarë për Personat me Nevoja të Veçanta, ushtruesja e detyres Presidentja, dr.Vjosa Osmani bashkërisht me ambasadorin Britanik, Nicholas Abbott dhe ministrin e Arsimit, Ramë Likaj  nënshkruajnë panon e zotimit për gjithëpërfshirje. Oborri i Kuvendit të Republikës së Kosovës (hyrja nga sheshi, ora 11:30)

- OJQ EC Ma Ndryshe organizon aktivitetet ndërgjegjësuese që ka qëllim të përcjell porosinë vetëdijësuese për eliminimin e pengesave që janë krijuar për shkak të mungesës së gjithëpërfshirjes. (Parku i Qytet në Prizren, ora 11:00 - Keji përballë xhamisë së “Sinan Pashës”, ora 12:00 - Marash, ora 13:00)