19 Tetor 2020

Lansohet raporti për ekstremizmin e dhunshëm në Kosovë

Prishtinë, 30 shtator - Qendra Kosovare për Studime të Sigurisë (QKSS) organizon publikimin e raportit “Indeksi Kosovar i Reziliencës-Ekstremizmi i Dhunshëm në Kosovë: Çfarë mund të mësojmë nga rezilienca në komunitet?” i cili do të mbahet sot dhe mbështetet nga Ambasada e Mbretërisë së Holandës.

Rezilienca apo qëndrueshmëria është fushë e re dhe e pa analizuar në Kosovë. Ende nuk dihet për impaktin që rezilienca ka parandalimin e ekstremizmit të dhunshëm në komunitet.

Nëpërmjet këtij hulumtimi, QKSS ka bërë vlerësimin e reziliencës së komunitetit kundër ekstremizmit të dhunshëm dhe radikalizmit si dhe është bërë identifikimi i faktorëve që rrisin reziliencën e komunitetit ndaj formave të ndryshme të ekstremizmit dhe radikalizmit në nivel individual dhe atë komunitar.

Për matjen e reziliencës së komunitetit ndaj ekstremizmit dhe radikalizmit janë matur 3 indikator si: a) identiteti dhe kohezioni social i komuniteteve në Kosovë; b) Lidhja me Kosovën dhe besimi në institucionet e shtetit si dhe c)Harmonia fetare ndërmjet komuniteteve në vend.

Nëpërmjet vlerësimit të këtyre indikatorëve ne kemi identifikuar pikat e forta të reziliencës së komunitetit në Kosovë kundër formave të ndryshme të ekstremizmit të dhunshëm të cilat kanë rol primar në krijimin e  komuniteteve reziliente kundër ekstremizmit të dhunshëm.

Po ashtu, raporti ka identifikuar edhe pikat e dobëta në komunitet  të cilat e bëjnë më të cenueshëm komunitetin nga dhuna dhe ekstremizmit i dhunshëm.  

Raporti ofron rekomandime konkrete për komunitetin dhe institucionet e shtetit me qëllim të forcimit të reziliencës së komunitetit ndaj formave të ndryshme të ekstremizmit të dhunshëm.

Në këtë aktivitet janë të ftuar përfaqësues të OJQ-ve, përfaqësues   të bashkësive fetare, përfaqësues të agjencive të zbatimit të ligjit, përfaqësues të Qeverisë, zyrtarët të linjës së parë të C/PVE, hulumtues dhe studiues të ekstremizmit të dhunshëm dhe radikalizmit, media të cilët kanë përgjegjësi për parandalimin e formave të ndryshme të ekstremizmit të dhunshëm në komunitet.

Kalendari

Ngjarjet e datës 19 Tetor 2020  - Kryetari i Komunës së Prizrenit, Mytaher Haskuka do të merr pjesë në shpërndarjen e lopëve për përfituesit nga thirrja e hapur nga Drejtoria e Bujqësisë dhe Zhvillimit Rural. (Tregu i Kafshëve në Prizren, ora 9:30 - nisja nga Shtëpia e Bardhë, ora 9:00)   

- Komisioni Hetimor Parlamentar lidhur me procesin e privatizimit në Kosovë interviston ish-Ministrin e Ekonomisë dhe Financave Ali Sadriu. (Ndërtesa e Kuvendit, salla N302, ora 10:00)

- Ministria e Punëve të Brendshme  do të organizojë ceremoni solemne me rastin e Ditës Ndërkombëtare Kundër Trafikimit me Qenie Njerëzore. (Ndërtesën e Qeverisë, salla P-38, ora 10:00)

- Nën patronatin e Kryeprokurorit të Shtetit, Aleksandër Lumezi fillon “Java për të Drejtat e Viktimave të Krimit”, me moton “Mbrojtja e viktimave të krimit, mision ynë edhe gjatë pandemisë”. (Platforma zoom, ora 10:00)

- Presidenti i Kosovës, Hashim Thaqi dhe Kryeministri Avdullah hoti marrin pjesë në shënimin e Ditës Ndërkombëtare kundër Trafikimit me Qenie Njerëzore. (Ndërtesa e Qeverisë, salla P-38, ora 10:00)

- Aksioni për Nëna dhe Fëmijë organizon ceremoninë e dorëzimit të pajisjeve mjekësore dhe mjeteve mbrojtëse kundër COVID-19, për Klinikën Infektive në QKUK, pajisje këto të siguruara nga bashkepunimi i AMC dhe LDS Charities. (Barnatorja Qëndrore e QKUK-së, ora 11:00)  

-  Komisioni Hetimor Parlamentar mbi procesin e licencimit, operimit, mbikëqyrjes dhe aplikimit për lejet e hidrocentraleve në Republikën e Kosovës voton kërkesën për pezullimin e lëshimit të lejeve të reja dhe rilicencimin e hidrocentraleve. (Ndërtesa e Kuvendit, salla N303 Koha: 11:00)

- Partia Demokratike e Kosovës mban konferencë për media. (Oborri i Kuvendit të Kosovës, hyrja nga sheshi, ora 11:30)

-  Kryeministri Avdullah Hoti takon deputetët e komunitetit jo shumicë për të diskutuar planin për zbatimin e programit për rimëkëmbje ekonomike. (Ndërtesa e Qeverisë, ora 12:00 - vetëm pamje)

- Ministria e Arsimit dhe Shkencës do të bëjë pranimin e 215 tabletëve nga OSBE-ja. (Ambientet e MASh, ora 12:30)

- Komisioni Hetimor Parlamentar lidhur me procesin e privatizimit në Kosovë interviston ishish kryesues i Bordit të Agjencisë Kosovare të Privatizimit, Petrit Gashin. (Ndërtesa e Kuvendit, salla N302, ora 13:00)

- Mbahet seanca e jashtëzakonshme e Kuvendit të Komunës së Gjilanit në të cilen do te votohet propozim vendimi për ndarjen e 200 bursave për student të Komunës së Gjilanit për vitin akademik 2019/2020. (Salla e mbledhjeve të KK-Gjilan, ora 13:00)

- Mbahet takimi i radhës i Komisionit Qeveritar për Persona të Zhdukur. (Ndërtesa e Qeverisë, Salla P38, ora 14:00)

- Mbahet mbledhja e Qeverisë së Kosovës. (Ndërtesa e Qeverisë, ora 16:00)