26 Shkurt 2020

KPK miraton raportin gjashtëmujor

Prishtinë, 3 shtator - Këshilli Prokurorial i Kosovës ka mbajtur takimin e 171-të me radhë, të cilin e ka udhëhequr Kryesuesi Bahri Hyseni.

Fillimisht anëtarët e Këshillit Prokurorial të Kosovës kanë miratuar pa rekomandime Raportin tremujor për periudhën prill-qershor 2019 për aktivitetet e Koordinatorit kombëtar për luftimin e krimit ekonomik, të cilin e ka prezantuar Drejtori i Përgjithshëm i Sekretariatit të KPK-së, Lavdim Krasniqi.

Gjithashtu, është miratuar me rekomandime edhe Raporti gjashtëmujor për periudhën janar – qershor 2019 i Komisionit Mbikëqyrës për zbatimin e Planit strategjik dhe Planit të veprimit për luftimin e korrupsionit dhe krimit ekonomik, të cilin e prezantoi anëtarja e këtij Komisioni, Prokurorja në Zyrën e Kryeprokurorit të Shtetit, Laura Pula. 

Rrjedhimisht, pas tërheqjes së shortit, anëtarët e KPK-së kanë aprovuar krijimin e paneleve vlerësuese, komisioneve për rishqyrtim dhe komisioneve rezervë për emërimin e Kryeprokurorit të Prokurorisë Speciale të Republikës së Kosovës dhe Kryeprokurorit të Prokurorisë Themelore në Prishtinë.

Ndërkohë është marrë vendim për shpalljen e Konkursit të brendshëm për avancimin e një prokurori nga Departamenti i Përgjithshëm në Departamentin për Krime të Rënda në Prokurorinë Themelore në Gjakovë. 

Po ashtu, Këshilli Prokurorial i Kosovës është pajtuar që të nënshkruhet Marrëveshja e Bashkëpunimit në mes të Këshillit, Axiom International dhe Agencia, mbështetur nga Ambasada e Mbretërisë së Bashkuar në Kosovë, marrëveshje kjo që ka për qëllim të mbështet KPK-në në proceset e rekrutimit, transferimit, avancimit, vlerësimit të performancës dhe ngritjes së kapaciteteve përmes programit të mentorimit.

Në fund të takimit, sipas planifikimit, Këshilli ka shqyrtuar raportet e vlerësimit të performancës së prokurorëve.​

Kalendari

Ngjarjet e datës 26 shkurt 2020 - Qytetarët e komunës së Rahovecit do të takojnë përfaqësuesit e Institucionit të Avokatit të Popullit. (Kati i parë i objektit të ri të administratës komunale të Rahovecit, në zyrën për të Drejtat e Njeriut, ora 9:00)

- Konstituohet Komisionit për Mbikëqyrjen e Financave Publike. (Ndërtesa e Kuvendit N 302, ora 10:00)

- Fakulteti i Mjekësisë, Shërbimi Spitalor dhe Klinik Universitar i Kosovës dhe Klinika e Kirurgjisë Torakale organizojnë mban mbledhje komemorative me rastin e vdekjes së prof.dr. Safet Beqiri. (Dekanati i Fakultetit të Mjekësis, ora 10:00)

- Mbahet mbledhja e Komisionit parlamentar për Buxhet dhe Transfere. (Ndërtesa e Kuvendit, ora 10:00)

- Bibloteka Kombëtare e Kosovës dhe Shoqata e të Burgosurve Politik organizojnë hapjen e ekspozitës "Kujtesa e Kosovës, portrete të Adem Demaqit në pikturë dhe fotografi". (Bibloteka Kombëtare, ora 11:00)

- Në një pritje e cila do të organizohet në rezidencën e Francës, ambasadorja e Francës, Marie-Christine Butel do të ketë nderin të dekorojë zonjën Arta Dobroshi me urdhërin "Kalorëse e Arteve dhe Letrave". (Rezidenca e Francës, ora 18:00)

- Më rastin e 22 vjetorit të Betejës së Parë në Likoshan - Qirez, mbahet ceremonia e hapjes së ekspozitës të studentëve të Fakultetit të Arteve, kushtuar heronjve të parë të UÇK-së Beqir e Rexhep Rexhepi. (Muzeu Kombëtar të Kosovës, ora 19:00)

- Edona Reshitaj do të prezantojë koncert - recitalin “Zonjat e Kanges”. (Teatri Kombetar i Kosoves, ora 20:00)