17 Korrik 2019

FSK analizon ushtrimin fushor “Ujku 02/19” të mbajtur në komunën e Rahovecit

Rahovec, 9 korrik - Në sallën e mbledhjeve të Kuvendit Komunal të Rahovecit sot FSK dhe akterët tjerë pjesëmarrës në ushtrimi fushor “Ujku 02/19” të mbajtur në komunën e Rahovecit kanë bërë analizën e mbarëvajtjes së këtij ushtrimi.

Nënkolonel Astrit Haliti komandant i Batalinit të dytë në Istog, u shpreh se qëllimi i mbajtëse së ushtrimit fushor “Ujku 02/19”, është arritur falë angazhimit të gjithë akterëve që kanë qenë të përfshirë në ushtrim.

Gjatë këtij ushtrimi është parë gatishmëria edhe e komunës së Rahovecit për të reaguar në situata emergjente dhe akterëve tjerë siç janë: Kryqi i Kuq, vullnetar të Qendrës Rinore “SHL-Kosova”, Zjarrfikësit dhe QKMF-ja.
 
Hasan Përboqi, drejtori i Drejtorisë për Mbrojtje dhe Shpëtim tha se ushtrime sikur ky i mbajtur me 25,26,27 Qershor në komunën e Rahovecit janë të mirëseardhura pasi që edhe ne i testojmë përgatitjet tona që kemi në nivel të komunës.

Ka qenë motive shtesë që të përgatitemi për këtë ushtrim pasi që për herë të parë është mbajtur një ushtrim i tillë në komunën e Rahovecit dhe se mund të them se ja kemi dalë mirë por që ka vend edhe për përmirësim dhe shpresoj që në të ardhmen të mbajmë ushtrime të tjera fushore së bashku me ushtarët e FSK-së dhe aty ku kemi pasur ngecje ti përmirësojmë.

Gjatë gjithë kohës sa është mbajtur ushtrimi fushor akterët që kanë marrë pjesë kanë qenë FSK-ja, Drejtoria për Mbrojtje dhe Shpëtim, Njësia e zjarrfikëseve në Rahovec, Kryqi i Kuq, Qendra Kryesore e Mjekësisë Familjare dhe vullnetar të Qendrës Rinore “SHL-Kosova”.

 

Kalendari

Ngjarjet e datës 17 korrik 2019 - Koalicioni i OJQ–ve për Mbrojtjen e Fëmijëve në Kosovë organizon konferencë të jashtëzakonshme për media lidhur me rastin e fundit i vdekjes së fëmijës në rrethana të dyshimta në Fushë Kosovë. (Hotel Sirius, ora 10:00)

- Lansohet Plani i Integritetit të Ministrisë së Mbrojtjes të Republikës së Kosovës. (Ndërtesa e Ministrisë se Mbrojtjes, ora 10:00)

- Me rastin e shënimit të “Epopesë së Korrikut 1998’’ në Rahovec, Komuna e Rahovecit do të bëj homazhe dhe ndërim për të rënet. (Rahovec, ora 10:00)

- Kryetari i Gjykatës Themelore të Gjilanit, Ramiz Azizi do të mbajë konferencë për media. (Objekti i Gjykatës Themelore në Gjilan, Kati i III, Salla 306, ora 10:30)

- Komisioni për Arsim, Shkencë, Teknologji, Kulturë, Rini, Sporte, Inovacion dhe Ndërmarrësi mban dëgjim publik lidhur me mbikëqyrjen e zbatimit të Ligjit për Trashëgiminë Kulturore. (Ndërtesa e Kuvendit, salla C 203, ora 11:00)

- Policia e Kosovës do të mbajë një konferencë për media, ku do prezantohet raporti gjashtëmujor  janar-qershor 2019 duke u fokusuar edhe në aktivitetet më të rëndësishme të policisë gjatë kësaj periudhe. (Stacioni policor Qendra në Prishtinë, ora 11:00)

- Kryeministri Ramush Haradinaj pret në takim Azgan Haklaj, president i Unionit Artistik të Kombit Shqiptar. (Ndërtesa e Qeverisë, ora 11:00)

- Ministria e Tregtisë dhe Industrisë organizon panairin “Gratë në Biznes dhe artizanate tradicionale” në të cilin do të marrin pjesë rreth 32 biznese dhe shoqata të grave ndërmarrëse nga komunitete të ndryshme të Kosovës. (Sheshi “Para Teatrit” në Gjilan, ora 11:00)      
 
- Ministria e Infrastrukturës dhe Transportit në bashkëpunim me Policinë e Kosovës lanson fushatën vetëdijësuese “10 Rregullat e Arta të Sigurisë Rrugore. (Pika kufitare e Merdares, ora 11:00)

- Partia Socialdemokrate mban konferencë për media. (Zyrët qendrore të PSD-së në lagjen Arbëria, ora 11:30)

- Komuna e Rahovecit organizon akadmi përkujtimore me rastin e 21 vjetorit shënimit të “17 korrikut - Epopesë së Rahovec’’. (Shtëpia e Kulturës 'Mentor Zyberaj" në Rahovec, ora 12:00)

- Agjencia Kosovare e Privatizimit mban ceremoninë e hapjes së ofertave të shitjeve përmes Likuidimit nr.48. (Hoteli Grand, ora 12:30)

- Mbledhja e komisionit për Shëndetësi, Punë dhe Mirëqenie Sociale në të cilën do të behët shqyrtimi i Projektligjit për Inspektoratin e Punës. (Ndërtesa e Kuvendit, salla N 303, ora 13:00)

- Komuna e Rahovecit organizon dëgjim publik për përgatitjen e buxhetit për vitit 2020 më banorët e fshatit Hoçë e Madhe. (Shtëpia e Kulturës në fshatin Hoçë e Madhe, ora 14:00)

- Kryeministri Ramush Haradinaj zhvillonë një vizitë pune në Komunën e Malishevës. (Malishevë, ora 15:00)

- Komuna e Rahovecit organizon dëgjim publik për përgatitjen e buxhetit për vitit 2020 më banorët e lagjeve III- dhe IV të qytetit të Rahovecit. (Shkolla fillore “Isa Boletini” në Rahovec, ora 19:00)