Romë, 28 shkurt - Rëndohet bilanci në Itali si pasojë e koronavirusit. Sipas asaj që shkruajnë mediat italiane, deri më tani 21persona kanë humbur jetën.

Numri i të vdekurve për shkak të koronavirusit ka shkuar në 21 persona. Ndërkohë që numri i të infektuarve është rreth 850.

Doktorët italianë ndërkohë vazhdojnë që të mbajnë nën vëzhgim të sëmurët dhe t’i trajtojnë ata.

Sot janë shëruar edhe tre pacientë të tjerë, duke e çuar numrin e përgjithshëm në 48.

Ndërkohë, virusi po përhapet me shpejtësi, pavarësisht masave që janë marrë për të bllokuar lëvizjet, apo mbajtur në shtetrrethim zonat problematike dhe që shënuan rastin e parë.