26 Shkurt 2021

Nisin punimet në sanimin e rrjetit të ujërave të zeza te Onkologjia

Prishtinë, 30 nëntor - Pas të reshurave të javës së kaluar, të cilat kishin depërtuar në bodrumin e Institutit të Onkologjisë dhe kishin rrezikuar të dëmtojnë edhe aparaturat në këtë institut, Ministria e Shëndetësisë ka disa ditë që është duke ndërmarrë disa veprime, të cilat kanë për qëllim eliminimin e përsëritjes së asaj që ka ndodhur si pasojë edhe e mungesës së planit adekuat të bartjes së ujërave të zeza nga ky institut deri në kolektorët përkatës.

Gjatë ditëve të festës dhe ditës së sotme, prapa objektit të Institutit të Onkologjisë është punuar në vendosjen e gypave të kalibrit të madh, me qëllim të bartjes së ujërave të zeza, të cilat sipas punë-kryesve aty, kanë qenë të përziera me ujëra të objekteve të tjera të QKUK-së dhe me ujërat atmosferike dhe si të tilla, nuk kanë mundur të përcillen.

Në Onkologji janë duke u vendosur gypa adekuatë, me qëllim që të evitohet kyçja e gabuar sikur është bërë deri tash dhe ujërat e zeza të barten në një kolektor tjetër së paku 50 metra larg objektit dhe të pamundësohet mbyllja e qarkullimit të tyre.

Testimi i qarkullimit të ujërave të zeza nëpër gypat e ri pritet të bëhet sa më parë, ndërsa thellësia e vendosjes së tyre është rreth 10 metra nga niveli i sipërfaqes së tokës.

Këto veprime, MSh është duke i ndërmarrë me qëllim të evitimit të gabimeve teknike të bërë në këtë Institut, para se të angazhohet një ekspert ndërkombëtarë, i cili bashkë me ekipin e tij. Pritet të marrë përsipër detyrën për aplikimin e radioterapisë me ekipin e tij dhe aftësimin e stafit vendor për këtë shërbim.
 

Kalendari

Ngjarjet e datës 26 Shkurt 2021

- Mbahet mbledhja e dytë e rregullt e Kuvendit Komunal të Rahovecit. (Salla e mbledhjeve të Kuvendit Komunal në objektin e ri të komunës, ora 10:00)

- Këshilli Organizues ''Pranvera Shqiptare 81'' do të bëj nderime dhe do të vendos lule te varri i varri i Adem Demaçit. (Velani, ora 11:00)

- Organizata Etea, përmbyllë fazën e parë të projektit “Biblioteka Qarkulluese me strategjitë e lexim kuptimit”. (Kino Armata, ora 11:00)

- Ministria e Kulturës, Rinisë dhe Sportit organizon ceremoninë e ndarjes së çmimeve në fushën e trashëgimisë kulturore. (Parku arkeologjik "Ulpiana", ora 12:00)

- Këshilli Organizues ''Pranvera Shqiptare 81'' organizon tryezëm përkujtimore për Adem Demaçin në 85 vjetorin e lindjes. (Instituti Albanologjik në Prishtinë, ora 13:00)

- Qendra për Raste Gjyqësore Strategjike platformë e themeluar nga Grupi për Studime Juridike dhe Politike mban konferencën për media me rastin e dorëzimit të Padisë për Konflikt Administrativ kundër Lejes Ujore për Hidrocentralin Brezovica në Shtërpcë të Lëshuar nga Autoriteti Rajonal i Pellgjeve Lumore në kuadër të Ministrisë së Ekonomisë dhe Ambientit. (Para Pallatit të Drejtësisë, Ndërtesa A, ora 14:00)

- Zëdhënësi i KQZ-së, Valmir Elezi mban konferencë lidhur me progresin në procesin e rinumërimit dhe të aktiviteteve tjera që po zhvillohen në këtë qendër. (Qendra e Numërimit dhe Rezultateve, ora 15:00)