27 Nëntor 2020

Mjekët përsëri paralajmërojnë grevë të përgjithshme

Prishtinë, 9 mars - “Mantelbardhët, janë të manipuluar. Deklaratat e ministrit të shëndetësisë, Alush Gashi, se ka ngritje të pagave prej 70%, nuk i takojnë realitetit” tha për Radio Kosovën, Blerim Syla, anëtar i Sindikatës së Punëtorëve të QKUK-së. Nga ana tjetër, zyrtarë të Ministrisë së Shëndetësisë, thonë se Ministria i ka përmbushur obligimet e veta për vitin 2009.

Ndërsa grupi për shëndetësi i AAK-së, kritikoi Qeverinë e Kosovës, e cila, sipas tyre, nuk ka zgjidhje për problemet e shëndetësisë, sidomos, sa i përket qëndrueshmërisë së saj financiare.

Talat Gjinolli, nga ky grup, shpalosi shtyllat kryesore, në të cilat bazohet programi i AAK-së. “Ndryshe nga Qeveria, AAK, ka një program të qartë të financimit të shëndetësisë, të bazuar në katër shtylla: themelimin e fondit të sigurimeve shëndetësore, tërheqjen e kapitalit privat, racionalizimin e shpenzimeve dhe donacioneve ndërkombëtare”, tha Gjinolli.

Në anën tjetër, Tefik Bekteshi, tha se buxheti i vogël i ndarë për shëndetësi nga Qeveria, tregon se kjo e fundit, nuk e ka vënë prioritet shëndetësinë. “Përkundër deklarimeve që ka bërë Qeveria se shëndetësia do të jetë një prej prioriteteve të saj, në porcionin e buxhetit që e ka ndarë ajo, nuk e ka dëshmuar një gjë të tillë”. Një tjetër premtim që nuk është përmbushur nga Qeveria, sipas Bekteshit, është investimi kapital i paraparë për QKUK-në.

“Asnjë prej investimeve kapitale nuk është realizuar, të paktën nuk ka dhënë efekte fare, as kardiokirurgjia as onkologjia nuk janë funksionale, edhe pse, disa herë, thuhet se, do të fillojë tani, do të fillojë tani. E njëjta gjë, është edhe me paisjet e shtrenjta, që janë blerë dhe janë shpërndarë nëpër Kosovë, pjesa më e madhe e të cilave, janë jashtë funksionit”, ka thënë Bekteshi.

Grupi për Shëndetësi i AAK-së, ftoi punëtorët shëndetësor dhe institucionet që të mbështesin strategjinë e tyre, duke siguruar që implementimi i saj do të jetë një nga prioritetet kryesore të këtij subjekti politik.

Kalendari

Ngjarjet e datës 27 Nëntor 2020

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit shqyrton shkresën nga Malcolm Simmons, ish kryetar i Asamblese së Gjyqtarëve të EULEX-it, përfaqësuar sipas autorizimit nga dr. Artan Qerkini, avokat. (Ndertesa e Kuvendit, salla N302, ora 9:30)

- Kuvendi i Republikës së Kosovës vazhdon seancën plenare. (Ndërtesa e Kuvendit, ora 10:00)

- Instituti për Politika Zhvillimore mban konferencë për media me temë “Promovimi i efiçiencës së energjisë dhe burimeve të ripërtëritshme në Kosovë”. (Hotel Sirius, ora 10:00)

- Ministri i Infrastrukturës, Arban Abrashi, merr pjesë në nisjen e asfaltimit të zgjerimit të llotit të 4 të rrugës Podujevë - Prishtinë, gjegjësisht në fshatin Llugë. (Rruga Podujevë - Prishtinë, fshati Llugë, ora 11:00)

- Kryeministri Avdullah Hoti merr pjesë në shënimin e Ditës së Forcës së Sigurisë së Kosovës. (Kazerma Adem Jashari në Prishtinë, ora 12:00)

- Ministria e Mbrojtjes organizon ceremoninë e shënimit të Ditës së Forcës. (Ambientet e kazermës “Adem Jashari” në Prishtinë, ora 12:00)

- Aleanca Kosovare e Bizneseve  Kryeministri Avdullah Hoti do e përcjellin realizimin e eksportit të produkteve kosovare në Serbi e që lidhet me marrveshëjen në Shtëpinë e Bardhë në Washington për bashkëpunim ekonomik Kosovë - Serbi e cila pason me një marrëveshje mes dy operatorëve ekonomik. (Objekti i Agrokosova Holiding në zona industriale - Shirokë, Suharekë, ora 14:00)

- Kryeministri Avdullah Hoti në kuadër të Javës së Biznesit Kosovar 2020, viziton Verarinë ‘’Agro Kosova Holding ’’ në Suharekë. (Veraria ‘’Agro Kosova Holding ’’, Suharekë, ora 14:00)

 

- Partia Demokratike e Kosovës, Dega në Podujevë, bën sot përmbylljen e fushatës zgjedhore përmes një konference për media. (Restorant “Artela”, ora 14:00)