20 Janar 2020

Mitrovica dërgon një ekip mjekësor për t'i ndihmuar banorët e Shqipërisë

Mitrovicë, 27 nëntor - Kryetari i komunës, Agim Bahtiri, në bashkëpunim me Drejtorinë për Shëndetësi, sot kanë themeluar një ekip mobile nga Qendra e Mjekësisë Familjare, me një autoambulancë për tu dalë në ndihmë bashkëkombësve tanë në Shqipëri, pas situatës së krijuar nga tërmeti i djeshëm.

Me këtë rast kryetari Bahtiri së bashku me drejtoreshën e Shëndetësisë, Erseka Hasanaj Barani, kanë vizituar stafin mjekësor, të cilët janë pritur nga drejtori i QKMF-së, Fevzi Sylejmani, dhe personeli mjekësor të cilët u shprehen të gatshëm për tu përgjigjur iniciativës së ndërmarr nga Komuna e Mitrovicës.

Ndërsa kryetari Bahtiri, u shpreh shumë falënderues ndaj stafit mjekësor të QKMF-së për gatishmërinë e tyre për tu dalë në ndihmë familjeve të cilat kanë nevojë në Shqipëri.

Stafi mjekësor nga QKMF-ja në krye me shefin e sektorit për Emergjenca, Leonard Muja, janë furnizuar edhe me barna dhe gjëra tjera esenciale dhe do të jenë në gjendje gatishmërie për ti ndihmuar banorët të cilët janë prekur nga ky tërmet.



 

Kalendari

Ngjarjet e datës 21 janar 2020

- Me rastin e 14-vjetorit të vdekjes së Presidentit Historik Dr. Ibrahim Rugova bëjnë homazhe te varri i tij. (Velani, ora 10:30) 

- Kryeministri në detyrë Ramush Haradinaj bën homazhe te varri i ish-Presidentit të Kosovës, Ibrahim Rugova, në përvjetorin e vdekjes së tij. (Velani, ora 10:30)

- Anëtarë të Kryesisë së Lidhjes Demokratike vizitojnë Familjen Rugova. (Velani, ora 10:45)

- Qendra e Lëvizjes në Prishtinë mban konferencë për media në lidhje me projektet e ndërtimit në Liqenin e Badovcit. (Qendra e Lëvizjes në Prishtinë, ora 11:00)

- Prokuroria Themelore në Prizren mban konferencë për media ku do të prezantohet raporti i punës për vitin 2019 dhe objektivat e kësaj prokurorie për vitin 2020. (Zyra e Kryeprokurorit në Prokurorinë Themelore në Prizren, rruga William Walker, ora 11:00)

- Lidhja Demokratike e Kosovës organizon Akademi Përkujtimore për Presidentin Historik Dr. Ibrahim Rugova. (Hotel Emerald, ora 12:00)

- Mbahet mbledhja e Kryesisë të Lidhjes Demokratike e Kosovës. (Selia e LDK-së, ora 14:00)

- Fondacioni Kosovar Trashëgimia Kulturore pa Kufij, CHwB Kosova organizon prezantimin e librit "Qyteti në Miniaturë". (Shkolla speciale për të verbër në Pejë, ora 14:00)