Hagë, 28 shkurt - Koronavirusi vazhdon të përhapet në të gjithë vendet e botës. Së fundmi janë shënuar rastet e para në Hollandë dhe në Bjellorusi.

Sipas mediave të huaja në Hollandjë është konfirmuar si pozitiv ndaj Covid-19 një person nga Tilburgu jugor. Autoritetet bënë me dije se pacienti ka qenë së fundmi në Italinë veriore.

Edhe Bjellorusia ka konfirmuar rastin e parë. Ministria e Kujdesit Shëndetësor tha që pacienti ishte një student nga Irani.

Ndërkaq ne Itali numri i të vdekurve për shkak të koronavirusit ka shkuar në 17 persona.

Ndërkohë që numri i të infektuarve është rreth 650.