17 Janar 2018

Haradinaj në manifestimin për Luftimin e Kancerit të Gjirit

Prishtinë, 28 tetor - Kryeministri i Republikës së Kosovës, Ramush Haradinaj, i shoqëruar nga zëvendëskryeministri Behgjet Pacolli si dhe anëtarë të kabinetit qeveritar, mori pjesë në manifestimin informativ-kulturor dhe ecjen tradicionale në muajin e luftës kundër kancerit me moton: "Zbulimi i hershëm=Mbijetesë", që për herë të dhjetë u organizua nga Qendra Kosovare për Luftimin e Kancerit të Gjirit “Jeta/Vita”, udhëhequr nga Nafije Latifi. 

Ky manifestim kishte për qëllim ngritjen e vetëdijes për gruan dhe për tërë shoqërinë për sëmundjen e kancerit të gjirit, dhe njëkohësisht nxitjen e institucioneve përgjegjëse për krijimin e kushteve sa më optimale për zbulimin e hershëm të sëmundjes dhe trajtimin e saj.

Me këtë rast, kryeministri Haradinaj tha se për këtë ditë më së miri mund të flasin ato që e kanë kaluar këtë sfidë, duke potencuar këtu se njeh shumë zonja të cilat kanë kaluar një sfidë të tillë.

“Qëllimi i kësaj dite, ashtu sikur organizatorët e kanë paraqitur, Shoqata Jeta/Vita, është të sensibilizojmë vetveten, secilën zonjë, secilin prej nesh që t’i paraprijmë këtij rreziku duke bërë kontrolle dhe të arrijmë te diagnostikimi sa më i hershëm kur ekziston ky rrezik, sepse është sëmundje e shërueshme nëse identifikohet në kohë”, tha kryeministri Haradinaj.

Po ashtu, kryeministri Haradinaj tha se kanceri i gjirit sot është rrezik për të gjitha shoqëritë, për të gjitha vendet, por siç tha ai, rreziku bëhet më i madh në Kosovë për shkak të specifikave që i kemi dhe për shkak të hezitimit të femrës kosovare, që të bëjë kontrollet e duhura dhe të ndodhë diagnostikimi në kohë.

Para të pranishmëve të shumtë, kryeministri Haradinaj tha se Qeveria e Kosovës ndjen peshën e përgjegjësisë, dhe në këtë kampanjë, të 10-tën me radhë, obligohet që me të gjithë mekanizmat, institucionet shëndetësore dhe të tjera, të ndihmojë në identifikimin e hershëm të kësaj sëmundje.

 

Kalendari

Ngjarjet e datës 17 Janar 2018 - Mbahet mbledhje e Komisionit për Shëndetësi, Punë dhe Mirëqenie Sociale në të cilën do të behët shqyrtimi i projektligjit për ndërmarrjet sociale. (Ndërtesa e Kuvendit, sallaN 303, ora 10:00)

- Në kuadër të organizimeve në 550-vjetorin e vdekjes së Skënderbeut dhe Vitit Mbarëkombëtar të Skënderbeut, nesër më 17 janar 2018, zhvillohen homazhe te shtatorja e Skënderbeut. (Shtatorja e Skënderbeut, ora 10:00)

- Mbahet mbledhja e Komisionit për Administratë Publike, Qeverisje Lokale dhe Media në të cilën do të behët shqyrtimi i raportit të punës së Komisionit, për vitin 2017 si dhe shqyrtimi i draft-planit të punës së Komisionit, për vitin 2018. (Ndërtesa e Kuvendit, salla N204, ora 10:00)

- Për nder të 18 vjetorit të themelimit të Administratës Tatimore të Kosovës, do të mbahet shënimin simbolik të këtij përvjetori, në të cilin pjesëmarrës do të jenë Kryeministri i Republikës së Kosovës Ramush Haradinaj, Ministri i Financave Bedri Hamza, palët e interesit dhe donatorët. (Qendra e Shërbimit të Tatimpaguesve, ish-ndërtesa e Gërmisë, ora 11:00) 

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit,  salla  C 301, ora 11:00)

- Prezantohen projektet e studentëve, të cilët do të pasqyrojnë punën që është bërë gjatë semestrit dimëror 2017/18. (Fakulteti i Edukimit, ora 11:00)

- Mbahet mbledhje e Komisionit për të Drejtat, Interesat e Komuniteteve dhe për Kthim në të cilën do të behët shqyrtimi i Projektligjit për Tatimin në Pronën e Paluejtshme, me raport amandamente të Komisionit funksional për Buxhet dhe Finanaca. (Ndërtesa e Kuvendit, salla N 303, ora 12:00)

- Ministri i Ministrisë së Inovacionit dhe Ndërmarrësisë, Besim Beqaj do të vizitojë kompaninë e prodhimit të produkteve farmaceutike “Trepharm”. (Hapësirat e “Trepharm” në Sllatinë, ora 12:30)

- Komuna e Gjilanit ben zbulimin e bustit te heroit Gjergj Kastrioti - Skenderbeu. (Sheshi kryesore para zyres se kryetarit ne Gjilan, ora 13:00)

- Mbahet Akademi kushtuar 550 vjetorit të Skënderbeut, me ç ‘rast do të promovohet pulla postare e Postës së Kosovës dhe Postës së Maqedonisë në të cilen do të nderohen edhe figurat e shquara të shqiptarëve, Jusuf e Bardhosh Gërvalla dhe Kadri Zeka, në 36-vjetorin e vrasjes së tyre. (Teatri Kombëtar të Kosovës, ora  15:00)

- Komuna e Gjilanit organizon akademin e Flakes se Janarit 2018, qe i kushtohet 550 vjetorit te vdekjes se heroit kombetar Skenderbeu dhe 50 vjetorit te protestave masive per flamurin kombetar. (Teatri i Qytetit, ora 16:00)

- Muzeu i Kosovës, me nismën e "Museum Illyricum" - Zvicër, organizojnë ekspozitë me libra; pulla dhe bankënota nga mesjeta e deri në vitet '30-ta. (Lapidariumin e Muzeut të Kosovës, ora 18:00)

- Hapet ekspozitë 55 portrete për 550-vjetorin e vdekjes së Skënderbeut dhe Vitit Mbarëkombëtar të Skënderbeut. (Swiss Diamond Hotel, ora 18:00)

- Në 550 vjetorin e vdekjes së heroit kombëtar Skenderbeu dhe 50 vjetorit të protestave masive për flamurin kombëtar organizon aktivitetin Peneli i Flakes. (Teatri i Qytetit të Gjilanit, ora 19:00)