26 Janar 2021

Gjilani me 163 raste aktive dhe 33 të vdekur

Gjilan, 1 shtator – Nënkryetari i Komunës së Gjilanit, Arbër Ismajli, në takimin e mbajtur sot me Komitetin e Emergjencave, për parandalimin e pandemisë globale COVID-19, ka kërkuar angazhimin maksimal në respektimin e rekomandimeve të qeverisë dhe njëkohësisht ka falënderuar qytetarët e Gjilanit për lojalitetin e vazhdueshëm.

Ai më tej ka potencuar se duke u bazuar në konastatimet e ekspertëve në nivel vendi, rreziku nga pandemia COVID-19 është i lartë, prandaj ka ftuar përgjegjësit e institucioneve që të ketë një kujdes maksimal me stafin, gjithashtu nga sektori privat dhe qytetarët, që të respektojnë masat mbrojtëse konform rekomandimeve të Institutit Kombëtar të Shëndetësisë dhe të mjekëve.

“Gjendja e përgjithshme në Gjilan është e qetë dhe nën kontroll të vazhdueshëm, falë angazhimit të stafit mjekësor në dy nivelet primare dhe sekondare, pastaj angazhimit të vazhdueshëm të Policisë së Kosovës dhe lojalitetit qytetarë në përgjithësi duke përfshirë edhe sektorin e biznesit privat, që po zbatojnë rekomandimet e shtetit. Vetëdijësimi në Gjilan tashmë është bërë pjesë e të jetuarit dhe masat mbrojtëse në një përqindje të lartë janë duke u respektuar”, ka thënë nënkryetari Ismajli.

Më tej Ismajli ka ndarë dhembjen me të gjithë familjet gjilanase që në këtë kohë pandemie kanë humbur më të dashurit e tyre për shkak të virusit, i cili është një kërrcënues serioz, por siç tha ai duhet t’i bëjmë ballë.

“Në asnjë moment nuk i harrojmë familjet gjilanase që kanë humbur më të dashurit e tyre. Me të gjitha ndajmë dhimbjen dhe do të jemi pranë tyre vazhdimisht. Të infektuarit që janë duke luftuar me virusin, janë pjesë e jona dhe urojmë që sa më parë ta kalojnë këtë sfidë”, ka thënë mes tjerash nënkryetari Ismajli.

Deri më tani nga statistikat e përgjithshme Gjilani ka 844 të infektuar, prej tyre 648 janë të shëruar plotësisht, 163 janë raste aktive, 33 të vdekur, ndërsa të hospitalizuar janë 49 pacient, derisa mostra në pritje janë 19.

Apeli i përbashkët është kujdesi maksimal, ruajtja e distancës dhe përdorimin e maskave, dezinfektuesve dhe mosgrumbullimi.

 

Kalendari

Ngjarjet e datës 26 Dhjetor 2020 - Punëtorët teknik  te cilët punojnë në Universitetin e Prishtinës “Hasan Prishtina” do të  protestojnë për pagën e tyre të muajit dhjetor 2020 të cilën ende nuk e kanë marr dhe për  mos  pajisje me kontratës së punës. (Para Rektoratit të UP-së”, ora 9:00)

- Kryeministri në detyrë Avdullah Hoti pret në takim përfaqësuesit e shoqatës “Down Syndrome Kosova”, SOS Fshatrave të Kosovës, OJQ “Handikos” dhe përfaqësuesit e strehimoreve të Kosovës. (Ndërtesa e Qeverisë, ora 9:00 - vetëm pamje)

- Ministrja e Punëve të Jashtme dhe Diasporës, znj.Meliza Haradinaj-Stublla dhe Ambasadorja e Francës në Kosovë, znj.Marie-Christine Butel do të nënshkruajnë një memorandum bashkëpunimi. (Ministria e Punëve të Jashtme dhe Diasporës, ora 9:00)

- Instituti GAP dhe Kosovo 2.0 organizojnë diskutim virtual me temë "Rekrutimet jo meritore në sektorin publik: a do ta ndryshojnë institucionet e reja rrethin vicioz në rreth të virtytshëm?”. (https://zoom.us/j/93876352348, ora 10:00)

- Mbahet mbledhja e Komitetit për Politikë dhe Financa në Komunën e Prizrenit. (Shtëpia e Bardhë, ora 10:00)

- Këshillit Gjyqësor të Kosovës mban mbledhjen e radhës. (Mbledhja mbahet përmes aplikacionit ZOOM, ora 10:00)

- Grupi për Studime Juridike dhe Politike organizon tryezën e diskutimit me temë “Reforma zgjedhore në Kosovë: Sa është prioritet në programet e partive politike?”. (https://zoom.us/j/92385065303, ora 10:30)

- Promovohet libri i autorit Faton Mehmetaj ''Deçani Nëpër Shekuj'' - Promovimi i Trashëgimisë  Kulturore. (Salla e Asamblesë Komunale në Deçan, ora 11:00)

- Partia Socialdemokrate do të mbaj një aktivitet afër teatrit kombëtar. (Sheshi Skënderbeu, ora 12:00)
 
- Kryeministri në detyrë Avdullah Hoti merr pjesë në Inaugurimin e Qendrës Kulturore në Vushtrri. (Shtëpia e Kulturës në Vushtrri, ora 13:00)

- Kryeministri në detyrë Avdullah Hoti takon menaxhmentin e Trepçës dhe viziton flotacionin e mineraleve. (Miniera e Trepçës- Stantërg, ora 15:00)