03 Mars 2021

Farmacistët kosovarë këmbejnë përvojat me ata evropianë

Prishtinë, 23 prill - Nën patronatin e Ministrisë së Shëndetësisë të Republikës së Kosovës dhe organizuar nga Shoqata Farmaceutike e Kosovës (SHFK), në bashkëpunim me Agjencionin Kosovar për Produkte Mjekësore (AKPM), sot në Prishtinë i ka filluar punimet Kongresi i Parë i Farmacisë me pjesëmarrje edhe të farmacistëve ndërkombëtarë.

Me temë qendrore: “Trendet Farmaceutike Evropiane”, kongresi synon të sjellë përvojat e vendeve të rajonit, Evropës dhe të disa vendeve botërore në lëminë e farmacisë, ndërsa prezantimet që do të bëhen, kanë të bëjnë me rregullativën e barnave, praktikën e mirë të prodhimit të barnave, autorizim-marketingun, farmako-ekonominë, farmacinë klinike, regjistrimin e barnave, përdorimin racional të tyre, trendet e reja në farmaci, etj.

Kryetari i Shoqatës Farmaceutike të Kosovës, Kadri Bytyqi, tha se Kongresi synon që farmacistët kosovarë të këmbejnë përvojat me kolegët e tyre evropianë dhe përmes punimeve të ndryshme dhe debateve, farmaceutika kosovare të jetë në trend me zhvillimet që në këtë sektor ndodhin në botë.

Në ditën e parë të punimeve të Kongresit i cili mbyllet të shtunën eksperti italian Giuseppe Camorali ka folur për praktikat e mira të praktikës farmaceutike, derisa profesori nga Tirana, Besnik Jucaj, ka elaboruar rolin e farmacistit në shërbimet shëndetësore publike sekondare dhe terciare.

Arbenita Pajaziti nga Ministria e Shëndetësisë ka prezantuar temën rreth harmonizimit të legjislacionit shëndetësor të Kosovës, në veçanti atij të Shëndetësisë me legjislacionin evropian ,derisa me tema janë prezantuar edhe ekspertë të farmaceutikës nga Gjermania si  H. Buchvald, Sinisha Tomiq nga Kroacia, etj.

Punimet që janë prezantuar paraprakisht i janë nënshtruar një vlerësimi të Këshillit Profesional Shkencor, i përbërë nga ndërkombëtarë dhe vendorë, ndërsa Kongresi i Farmacisë synon që të bëhet tradicional dhe të mbahet çdo vit.

Kalendari

Ngjarjet e datës 3 Mars 2021 - Kolegji Ndërkombëtar i Biznesit në Mitrovicë inauguron projektin “Fuqizimi i autonomisë universitare dhe rritja e llogaridhënies e transparencës së universiteteve të Ballkanit Perëndimor”. (Selia e Kolegjit IBCM, ora 9:00)

- Mbahet seanca gjyqësore kundër të pandehurit Enis Ramadani për vepren penale 'Mbajtja në pronësi, kontroll ose posedim të paautorizuar të armëve'. (Gjykata Themelore në Ferizaj, ora 9:30)

- Avokati i Popullit, Naim Qelaj viziton ekspozitën për fëmijët e vrarë gjatë luftës “Na ishte një herë që kurrë mos qoftë”. (Biblioteka “Hivzi Sylejmani” në Prishtinë, lagjja Dardania, ora 10:00)

- Parlamenti i dytë rural shqiptar organizon konferencë për të diskutuar sfidat dhe veprimet konkrete për mirëqenien e banorëve të zonave rurale. (Platforma Zoom, ora 10:00)

- Pas rritjes së numrit të rasteve me COVID-19 në Gjilan, kryetari i Komunës, Lutfi Haziri, mban konferencë për media pas takimit të Komitetit për menaxhimin dhe parandalimin e përhapjes së COVID-19. (Zyra e krytarit Haziri, ora 10:30)

- Ministria e Kulturës, Rinisë dhe Sportit organizon ceremoninë e shpërndarjes së librave të botuar dhe të blerë me financimin e Departamentit të Kulturës në MKRS. (Biblioteka Kombëtare e Kosovës, ora 11:00)