12 Prill 2021

Sekretari i Përgjithshëm i AAK-se u prit nga Princ Leka II

Tiranë, 17 mars - Sekretari i Përgjithshëm i AAK-së, Burim Ramadani, u prit sot (e mërkurë) në Tiranë nga Shkëlqesia e Tij, Princi Leka II, në kuadër të një vizite pune që po zhvillon në Shqipëri.

Sekretari Ramadani e njoftoi Princ Lekën me zhvillimet e përgjithshme politike në Kosovë, sikurse edhe me vizionin dhe përkushtimin e AAK-së për të funksionalizuar shtetin e Kosovës.

Sekretari Ramadani shprehu respektin e fuqishëm të AAK-së dhe të popullit të Kosovës për familjen mbretërore shqiptare, për shtetin dhe popullin shqiptar.

“Kosova ka nevojë edhe më tutje për mbështetjen e familjes mbretërore, shtetit dhe popullit shqiptar në sfidat që përballet në aspektin politik dhe atë ekonomik”, tha ndër të tjera Ramadani.

Ai më tutje prezantoi vizionin e AAK-së për të ndërtuar një qeveri të djathtë në Kosovë, për të siguruar sundimin e ligjit në tërë territorin e Kosovës, zhvilluar ekonominë e vendit, arsimin dhe shëndetësinë, sikurse edhe përkushtimin e fuqishëm në intergrimet evro-atlantike të Kosovës.

Nga ana e tij, Princ Leka II shprehu përkrahjen e vazhdueshme të familjes mbretërore shqiptare për Kosovën dhe për zhvillimet e përgjithshme politike dhe ekonomike. Pinc Leka II tha se përcjellë me vëmendje situatën në Kosovë dhe theksoi gatishmërinë e vazhdueshme për të ndihmuar Kosovën.

Princi Leka II dhe Sekretari Ramadani u pajtuan për të zhvilluar edhe më shumë komunikimin e mirë midis Kosovës dhe Shqipërisë. 

Kalendari

Ngjarjet e datës 12 Prill 2021

- Agjencia Shtetërore e Arkivave e Kosovës hap Ekspozitën “Vullkani” i Republikës, për nder të 40 Vjetorit të demonstratave të Viti 1981, dhe Ekspozitën “70 Vjet Arkiv”. (Sheshi “Zahir Pajaziti”, ora 10:00)

- Myftiu Naim Tërnava do të japë mesazhin me rastin e fillimit të muajit të bekuar të Ramazanit. (Selia e Kryesisë së BIRK-ut, ora 11:00)

- Partia Demokratike e Kosovës mban konferencë për media, në oborrin e Kuvendit të Kosovës, hyrja nga sheshi qendror. (Oborri i Kuvendit të Kosovës, hyrja nga sheshi, ora 11:30)

- Kryetari i Komunës së Prizrenit, Mytaher Haskuka dhe drejtoresha e Drejtorisë së Turizmit dhe Zhvillimit Ekonomik, Sevil Limani-Kazaz, do të bëjnë lansimin e projektit “View Point”. (Afërsi të fshatit Jabllanicë, ora 12:00)