09 Korrik 2020

Qeveria themeloi Komisionin Kombëtar për Refugjatë

Prishtinë, 17 qershor - Në mbështetje të nenit 92 paragrafi 4 dhe 93 paragrafi (4) të Kushtetutës së Republikës së Kosovës dhe paragrafit (3) të nenit 4 të Rregullores së Punës së Qeverisë së Kosovës nr. 01/2007, Qeveria e Republikës së Kosovës në mbledhjen e mbajtur më 18 maj 2010 mori vendim që të themelojë Komisionin Kombëtar për Refugjatë i përbërë nga Islam Caka, kryetar i Komisionit dhe drejtor i Departamentit për Shtetësi, Azil dhe Migracion në Ministrinë e Punëve të Brendshme, Lulëzim Aliaj nga ZKM, që është edhe zëvendëskryetar i Komisionit, Leonora Ahmeti MPMS, Besim Myrtezani MAPL, Naime Abazi MD, Suzana Krasniqi MPJ, Lulëzim Rafuna MEF, Isni Kryeziu MASHT, Bujar Reshtani UNHCR, Behxhet Shala KMDLNJ dhe Fatime Haliti QKRMT.

Në vendim theksohet si vijon:

-         Komisioni vendos për raste në këshilla prej tre anëtarësh, i cili merr vendim me shumicë votash;

-         Komisioni është i pavarur në punën e tij;

-         Anëtarët e Komisionit do të realizojnë të ardhura mujore në vlerë prej 200 euro në muaj, të cilat do t’i mbulojë secila ministri ose organizatë për përfaqësuesin e saj;

-         Ministria e Punëve të brendshme do t’i sigurojë Komisionit hapësirë dhe mbështetje teknike për të kryer punët e tij dhe;

-         Komisioni shërben në afat prej dy vjetësh dhe gjatë këtij mandati do të punoj në harmoni me legjislacionit në fuqi, theksohet në vendimin e nënshkruar nga kryeministri i Republikës së Kosovës, Hashim Thaçi.

Kalendari

Ngjarjet e datës 9 Korrik 2020 - Mbahet mbledhja e Qeverisë së Kosovës. (Ndërtesa e Qeverisë, ora 9:00)

- Vazhdimi i seancës plenare të Kuvendit të Republikës së Kosovës në të cilën do të behët votimi dhe shqyrtimi i disa Projektligjeve për ratifikimin e Marrëveshjeve ndërkombëtare. (Salla e Kuvendit, ora 10:00)

- Komuna e Prizrenit bën përurimin e stadiumit në Sërbicë të Poshtme, projekt i realizuar nga Drejtoria për Kulturë, Rini dhe Sport ku do të jetë i pranishëm kryetari i Komunës së Prizrenit, Mytaher Haskuka dhe drejtoresha e DKRS-së, Emilija Redzepi. (Nisja do të bëhet nga Shtëpia e Bardhë në Prizren, ora 10:30)

- Vazhdimi i seancës plenare të Kuvendit të Republikës së Kosovës në të cilën do të behët  votimi i Propozim rezolutës nga Raportimi i Kryeministrit të Republikës së Kosovës dhe debati parlamentar lidhur me dialogun Kosovë - Serbi. (Salla e Kuvendit, ora 10:30)

- Në nderim të ushtarit amerikan Alexander Blake Klass, 20 vjeçar nga Willamina e Oregonit, që ka humbur jetën në një incident, që nuk kishte të bënte me veprim të armatosur, Shoqata "Miqtë e Amerikës" do ta ulin në gjysëm shtizë flamurin amerikan. (Sheshi “Bill Clinton” në Prishtinë, ora 11:00)

- Mbahet Seanca plenare e Kuvendit të Republikës së Kosovës. (Salla e Kuvendit, ora 11:00)

- OVL e UÇK-së mban protestë gjithëpopullore me moton “Në mbrojtje të Luftës Çlirimtare”. (Prishtinë dhe qytetet e tjera të Kosovës, ora 12:00)

- Lëvizja Vetëvendosje mban konferencë për media në të cilën flet Albulena Haxhiu. (Zyret e LV-së në Arbëri, ora 13:00)

- Mbahet mbledhja e jashtëzakonshme e Kuvendit Komunal të Rahovecit, në të cilën do të behët shqyrtimi dhe aprovimi i Propozim vendimit për bartjen e mjeteve nga rezervat e buxhetit komunal, nga kategoria pozicionit të pagave në kategorinë e Investimeve Kapitale. (Salla e mbledhjeve të Kuvendit Komunal në objektin e ri të komunës, ora 14:00)

Mbledhja do të mbahet në sallën e mbledhjeve të Kuvendit Komunal, në objektin e ri të komunës.

- Mbahet një takim pune i organizuar nga Ministria e Ekonomisë dhe Ambientit në të cilin do të diskutohet dokumenti - Plani Hapësinor i Parkut Kombëtar Bjeshkët e Nemuna. (Ndërtesa e re e Qeverisë ish-Rilindja, salla e konferencave, kati XVIII, ora 15:00)