11 Korrik 2020

PD: Ministri Hoxhaj të heqë udhëzimin për shamitë

Prishtinë, 13 qershor - Partia e Drejtësisë në Kosovë, ka shprehur shqetësimin e saj për ndalimin e mbulesës islame në disa shkolla të Kosovës.

Në një reagim, sekretari i Përgjithshëm i kësaj partie, Abdullah Klinaku, ka kërkuar nga ministri i Arsimit Enver Hoxhaj që gjatë javës me vendim të veçantë të shfuqizoj paragrafin e 13-të të nenit të IV të Udhëzimit Administrativ 7/2009 që e kodifikon këtë ndalesë të pakuptueshme për vendin tonë, veçanërisht nga aspekti kulturor.

“Me këtë do të eliminohet edhe baza juridike për nxjerrjen e Rregullores së Kuvendit komunal të Prishtinës që tenton të sanksionojë të njëjtën shkelje të rëndë të të drejtave të njeriut”, theksoi ai.

Gjithashtu, kjo parti ndjek me shqetësim të veçantë edhe situatën në veri të Kosovës. “PD kërkon nga qeveria e Kosovës, ICO dhe EULEX përkushtim serioz për qytetarët Shqiptarë në veriun e vendit dhe plotësimin e nevojave të tyre veçanërisht në ofrimin e sigurisë së plotë për ta”, vijoi zyrtari i lartë Partisë së Drejtësisë.

Partia e Drejtësisë me shqetësim të veçantë është duke përcjellur situatën në veriun e vendit duke vlerësuar provokimet e shumta të grupeve kriminele serbe si përpjekje të orkestruara të shtetit serb për eskalimin e situatës që do të shërbente si dëshmi për Gjykatën Ndërkombëtare në Hag se pavarësia e Kosovës nuk ka rezultuar me stabilitet në rajon por përkundrazi me rritje të tensioneve ndëretnike. PD kërkon nga qeveria e Kosovës, ICO dhe EULEX përkushtim serioz për qytetarët Shqiptarë në veriun e vendit dhe plotësimin e nevojave të tyre veçanërisht në ofrimin e sigurisë së plotë për ta.

Kalendari

Ngjarjet e datës 11 Korrik 2020

- Në Ditën Botërore të Popullsisë, organizata SIT, organizon aktivitetin ku do të prezantojë statistikat e rasteve të raportimit të dhunës në Kosovë gjatë pandemisë COVID-19. (Sheshi "Zahir Pajaziti" në Prishtinë, ora 9:00)

 - Aktivistë të shoqërisë civile organizojnë aksionin simbolik për të kërkuar drejtësi për Kujtimin pasi qe po bëhen 1 vit prej kur 11 vjeçari nga Fushë Kosova, u përdhunua e u vra.  (Përpara Këshillit Prokurorial të Kosovës në Prishtinë, ora 11:00)

- SENSE Qendra për Drejtësi Tranzicionale në bashkëpunim me Fondin për të Drejtën Humanitare Kosovë organizojnë transmetimin live të ceremonisë komemorative në Srebrenicë. (Qendra Kulturore Informative Boshnjake - Rr. Agim Ramadani, nr. 375 - Aktash, ora 12:00)

- Me rastin e 25 vjetorit të gjenocidit në Srebrenicë mbahet ligjëratë "25 vjet pas gjenocidit në Srebrenicë" me ligjërues Akademik Ferid Muhić Moderator dhe bashkëbisedues Bekim Blakaj - Drejtor Ekzekutiv i Fondit për të Drejtën Humanitare në Kosovë. (Livestream në Facebook - Humanitarian Law Center, ora 15:00)

- SENSE Qendra për Drejtësi Tranzicionale në bashkëpunim me Fondin për të Drejtën Humanitare Kosovë organizojnë shfaqjen e ekspozitës multimediale “Gjenocidi në tetë akte”. (Sheshi Skënderbeu, ora 17:30)

- - Me rastin e 25 vjetorit të gjenocidit në Srebrenicë bahet aksion simbolik: Ndezje e qirinjëve para Teatrit Kombëtar të Kosovës. (Para Teatrit Kombëtar të Kosovës, ora 20:00)