20 Janar 2021

Pacolli në Tiranë, takon Meten

Tiranë, 1 nëntor - Kreu i Partisë Aleanca Kosova e Re ndodhet në Tiranë, ku ka zhvilluar një takim me zëvendëskryeministrin dhe ministrin e Ekonomisë, Ilir Meta, ku kanë diskutuar për rritjen e bashkëpunimit midis dy shteteve.

Dy liderët e partive zhvilluan një konferencë për shtyp, ku kanë theksuar angazhimin e përbashkët për zhvillimin ekonomik.

\"Kemi diskutuar për përshpejtimin e ritmit të integrimit ekonomik dhe energjetik mes dy vendeve dhe gjithë rajonit ku jetojmë\", deklaroi Meta.

Numri dy i qeverisë tha se Shqipëria do të angazhohet më tej për shtimin e njohjeve të reja për Kosovën. Lidhur me zhvillimet më të fundit në Kosovë, Meta tha se \"gjithçka atje duhet të zhvillohet me maturi siç i takon një klase politike që ka përgjegjësi jo vetëm përpara qytetarëve të saj, por edhe komunitetit ndërkombëtar\".

Meta nënvizoi domosdoshmërinë që interesat kombëtare të prevalojnë dhe Kosova pas zgjedhjeve të ardhshme të jetë edhe më e konsoliduar, por edhe më e përgatitur për të marrë përgjëgjësi të mëdha, për të ardhmen e qytetarëve të saj si dhe të rajonit.

Ndërsa kryetari i AKR-së, Bexhet Pacolli theksoi se \"ekonomia e Kosovës varet nga mbarëvajtja e ekonomisë së Shqipërisë\". \"Me ministrin Meta biseduam për planet e ardhshme dhe më intereson që ekonomia e të dy vëndeve të jetë e integruar edhe jashtë kufinjëve të tyre dhe për këtë qëllim do të bashkëpunojmë edhe me shtetet e  tjera\", tha Pacolli.

Kalendari

Ngjarjet e datës 20 Dhjetor 2020

- Mbahet seanca e parë gjyqësore me rastin e padisë për diskriminim të qytetarit me aftësi të kufizuar, Faruk Kukaj ndaj komunës së Prishtinës. (Gjykata Themelore e Prishtinës, ora 9:00)

- Kryetari i Komunës së Prizrenit, Mytaher Haskuka dhe drejtoresha e Drejtorisë Komunale të Arsimit, Xhemile Thaçi Vezgishi, do të bëjnë përurimin e sallës së edukatës fizike në shkollën “Dy Dëshmorët e Zhurit”. (Fshati Zhur, ora 10:00 - nisja nga Shtëpia e Bardhë, ora 9:20)

- Mbahet seanca gjyqësore ndaj të pandehurit Brahim Krusha për Keqpërdorimi seksual te personave nen moshën 16 vjeçare. (Gjykata Themelore në Ferizaj, Salla nr.II, ora 9:30)

- Shoqata "Miqtë e Amerikës" organizon me moton "E para SHBA-ja" ku do të festohet inaugurimi i Presidentit të 59 të SHBA-ve Joe Biden dhe zëvëndes Presidentës Kamala Harris. (Restauranti "Liburnia" në Prishtinë, ora 12:00)   

- Mbahet seanca gjyqësore ndaj të pandehurit Albert Ramadni për çështjen penale të vrasjes së rëndë. (Gjykata Themelore në Ferizaj, ora 9:30)

- Mbahet seanca për rastin e ish-drejtorit të Policisë, Rashit Qalaj. (Gjykata Themelore në Pallatinë e Drejtësisë, 13:30)

- Kryeministri në detyrë, Avdullah Hoti, viziton Qendrën Rekreative Sportive në Brezovicë. (Brezovicë, ora 14:00)

- Kryeministri në detyrë, Avdullah Hoti, takon bizneset e udhëhequra nga gratë në Komunën e Shtërpcës. (Hoteli “THE ROCK”, Shtërpcë, ora 16:00)