09 Korrik 2020

Ndihmësekretari i Shtetit, Philip Gordon, viziton Kosovën

New York, 11 maj. Ndihmësekretari amerikan i Shtetit, Philip Gordon do të vijë këtë javë në Kosovë, në kuadër të një vizite tri vendeve ballkanike që do të përfshijë edhe Serbinë dhe Maqedoninë, njoftoi qeveria amerikane. Ai do të takojë zyrtarët më të lartë shtetërorë, përfaqësues të shoqërisë civile dhe të organizatave joqeveritare.

Në Kosovë ndihmësekretari Gordon do të inkurajojë forcimin e mëtejmë të institucioneve të vendit, nga Serbia do të kërkojë hapat praktik në bashkëpunimin me Kosovën, ndërsa në Maqedoni do të bisedohet për marrëdhëniet bilaterale dhe çështjet regjionale.

Nga perspektiva e administratës së tashme regjioni i Ballkanit vlerësohet si i brishtë ku ende ka nevojë të mbështetet qëndrueshmëria dhe stabiliteti.

Një muaj më parë në një dëgjim publik në Senatin Amerikan më temën “Puna e pambaruar – sfidat dhe mundësitë në Evropën juglindore,” ndihmësekretari Gordon ritheksoi “se pavarësia e Kosovës u tregua si forcë stabiliteti në rajon,\" duke nënvizuar se pavarësisht se cili do të jetë opinioni i Gjykatës Ndërkombëtare mbi statusin, \"pavarësia e Kosovës është një çështje e pakthyeshme dhe e mbyllur për SHBA-të.”

Në Kosovë ndihmësekretari Gordon do të kërkojë nga qeveria dhe institucionet të ndërmarrin “hapa më energjikë në përmirësimin e sundimit të ligjit. 


/rtk/

Kalendari

Ngjarjet e datës 9 Korrik 2020 - Mbahet mbledhja e Qeverisë së Kosovës. (Ndërtesa e Qeverisë, ora 9:00)

- Vazhdimi i seancës plenare të Kuvendit të Republikës së Kosovës në të cilën do të behët votimi dhe shqyrtimi i disa Projektligjeve për ratifikimin e Marrëveshjeve ndërkombëtare. (Salla e Kuvendit, ora 10:00)

- Komuna e Prizrenit bën përurimin e stadiumit në Sërbicë të Poshtme, projekt i realizuar nga Drejtoria për Kulturë, Rini dhe Sport ku do të jetë i pranishëm kryetari i Komunës së Prizrenit, Mytaher Haskuka dhe drejtoresha e DKRS-së, Emilija Redzepi. (Nisja do të bëhet nga Shtëpia e Bardhë në Prizren, ora 10:30)

- Vazhdimi i seancës plenare të Kuvendit të Republikës së Kosovës në të cilën do të behët  votimi i Propozim rezolutës nga Raportimi i Kryeministrit të Republikës së Kosovës dhe debati parlamentar lidhur me dialogun Kosovë - Serbi. (Salla e Kuvendit, ora 10:30)

- Në nderim të ushtarit amerikan Alexander Blake Klass, 20 vjeçar nga Willamina e Oregonit, që ka humbur jetën në një incident, që nuk kishte të bënte me veprim të armatosur, Shoqata "Miqtë e Amerikës" do ta ulin në gjysëm shtizë flamurin amerikan. (Sheshi “Bill Clinton” në Prishtinë, ora 11:00)

- Mbahet Seanca plenare e Kuvendit të Republikës së Kosovës. (Salla e Kuvendit, ora 11:00)

- OVL e UÇK-së mban protestë gjithëpopullore me moton “Në mbrojtje të Luftës Çlirimtare”. (Prishtinë dhe qytetet e tjera të Kosovës, ora 12:00)

- Lëvizja Vetëvendosje mban konferencë për media në të cilën flet Albulena Haxhiu. (Zyret e LV-së në Arbëri, ora 13:00)

- Mbahet mbledhja e jashtëzakonshme e Kuvendit Komunal të Rahovecit, në të cilën do të behët shqyrtimi dhe aprovimi i Propozim vendimit për bartjen e mjeteve nga rezervat e buxhetit komunal, nga kategoria pozicionit të pagave në kategorinë e Investimeve Kapitale. (Salla e mbledhjeve të Kuvendit Komunal në objektin e ri të komunës, ora 14:00)

Mbledhja do të mbahet në sallën e mbledhjeve të Kuvendit Komunal, në objektin e ri të komunës.

- Mbahet një takim pune i organizuar nga Ministria e Ekonomisë dhe Ambientit në të cilin do të diskutohet dokumenti - Plani Hapësinor i Parkut Kombëtar Bjeshkët e Nemuna. (Ndërtesa e re e Qeverisë ish-Rilindja, salla e konferencave, kati XVIII, ora 15:00)