21 Tetor 2018

Kuvendi po përballet vazhdimisht me mos efikasitet të punës

Prishtinë, 16 maj - Instituti Demokratik i Kosovës (KDI), mbajti sot tryezë diskutimi me deputetë të Kuvendit të Kosovës, përfaqësues të shoqërisë civile dhe të mediave rreth monitorimit të punës së Kuvendit dhe ndikimit të monitorimit në ngritjen e transparencës dhe llogaridhënies së deputetëve.

Përmes këtij takimi u shënua edhe fillimi i një koncepti të ri të monitorimit të Kuvendit, të udhëhequr nga qytetarët.

Në hapje të këtij diskutimi Albert Krasniqi nga KDI, theksoi se pas 12 vitesh monitorim të rregullt të punës së Kuvendit, KDI synon që tanimë të krijojë një qasje tjetër të monitorimit duke përfshirë qytetarët, shoqërinë civile, studentët dhe grupe të tjera të interesit duke u ofruar mundësi direkte për monitorimin e punës së deputetëve përmes përdorimit të mjeteve të teknologjisë dhe informimit.

Kurse kryetari i Kuvendit të Kosovës, Kadri Veseli, ka thënë në këtë tryezë se “duhet të reflektojmë që ta përmirësojmë punën e Kuvendit”.

Ai ka potencuar se roli i shoqërisë civile dhe medieve, roli i tyre kritik nuk i bën dëm institucioneve por vetëm se e përmirëson punën e Kuvendit.

 “Ne kemi nevojë për partneritet me shoqërinë civile që do të na ndihmonte që të jemi me transparent dhe llogaridhënës ndaj qytetarëve të Kosovës. KDI me punën e saj ka ndikuar në rritjen e performancës dhe transparencën në Kuvend”, ka plotësuar ai.

Veseli duke folur për punën e kuvendit ka shtuar se agjenda e kuvendit është duke u stërngarkuar me çështje që nuk i takojnë në mënyrë të drejtpërdrejtë Kuvendit, dhe shumë çështje që po diskutohen po kalojnë në çështje personale.

“Kemi vështirësi në kuorum, sepse ka deputetë që vinë vetëm që të nënshkruhen dhe kjo po ndikon në punën e mirë të shumë deputetëve të tjerë. Janë deputetë pothuajse të njëjtë që janë pasiv edhe në punën e komisioneve parlamentare”, ka thënë më tej.

Kurse Artan Murati nga KDI, potencoi se përkundër faktit që Kuvendi i Kosovës është një nga institucionet më transparente në vend, megjithatë institucioni më i lartë në vend është duke u përballur vazhdimisht me mosefikasitet të punës.

Murati prezantoi disa statistika bazike rreth funksionimit të punës së Kuvendit gjatë legjislaturës së gjashtë, duke theksuar mungesën e shpeshtë të kuorumit si dhe numrin e vogël të ligjeve të miratuara. 

Në fund, ai shpalosi para deputetëve dhe të pranishmëve tjerë platformën “Vota Ime”, dhe mundësitë e shumta që ofron kjo platformë në monitorimin e punës së Kuvendit si tërësi dhe deputetëve individualisht.

Kalendari

Ngjarjet e datës 22 tetor 2018 - Misioni i OSBE-së organizon punëtori për gazetarët me titull mediat në gjykatore në Gjykatat Themelore. (Gjykata Themelore në Pejë, ora 9:30)

- Mbahet mbledhja e Komisionit për të Drejtat e Njeriut, Barazi Gjinore, për Persona të Pagjetur dhe Peticione në të cilën do të behët shqyrtimi i Projektligjit për Mbrojtjen e Fëmijës. (Ndërtesa e Kuvendit, salla N204, ora 10:00)

- Ambasada Britanike në Kosovë në bashkëpunim me Asociacioni i Bursistëve Chevening të Kosovës organizon konferencën me titull “Qëndrimet dhe aftësitë që i duhen një lideri të shekullit 21.” (Hotel  Swiss Diamond, ora 10:00)

- Instituti i Kosovës për Drejtësi organizon tryezën "Si të parandalohet dhe luftohet kriminalizimi i politikës në Kosovë: Zgjidhja përmes rregullimit ligjor apo kodit të etikës?". (Hotel Sirius, ora 10:00)

- Mbahet ceremonia me rastin e shënimit të “Javës për të Drejtat e Viktimave të Krimit”, e cila organizohet nën patronatin e Kryeprokurorit të Shtetit. (Hotel Emerald, ora 10:00)

- Presidenti i Republikës së Kosovës, Hashim Thaçi, do të marrë pjesë në konferencën “Java për të drejtat e viktimave të krimit”, organizuar nga Kryeprokurori i Shtetit. (Hoteli Emerald; ora 10:00)

- Bashkimi i Sindikatave të Pavarura të Kosovës konferencën për media në të cilën do të shpaloset platforma mbi organizimin e Projektit: “Dialogut bashkëkohorë i shekullit XXI”. (Salla e konferencave Orion, ora 10:30)

- Presidenti i Republikës së Kosovës, Hashim Thaçi, pret në takim ekipin e Forcës së Sigurisë së Kosovës, i cili ka marrë pjesë në gara ndërkombëtare “Cambrian Patrol”. (Kabineti i Presidentit, ora 11:00)

- Kryeministri Ramush Haradinaj mban ligjëratë në AUK, me temën “Transformimi i FSK-së”. (Objekti i AUK, ora 12:00)

- Komisioni për Arsim, Shkencë, Teknologji, Kulturë, Rini, Sporte, Inovacion dhe Ndërmarrësi takohet me anëtarët e Akademise së Shkencave dhe të Arteve të Kosovës. (Ndërtesa e Kuvendit, salla N 303, ora 13:00)

- Kryetari i Partisë Demokratike të Kosovës, Kadri Veseli merr pjesë në hapjen e Konventës zgjedhore të degës së PDK-së në Prishtinë. (Sheshi 21, ora 18:00)