03 Shkurt 2023

Kuvendi dhe NDI mbajnë konferencën përmbyllëse të Javës së Gruas

Prishtinë, 15 shtator - Kuvend të Republikës së Kosovës dhe Instituti Kombëtar Demokratik (NDI) me mbështetjen e Agjencisë Amerikane për Zhvillim Ndërkombëtar (USAID) organizojnë konferencën përmbyllëse të Javës së Gruas .

NDI gjithashtu falënderon Zyrën e Kryetarit të Kuvendit të Republikës së Kosovës dhe Ambasadën e Kanadasë në Kroaci dhe Kosovë për mbështetjen e aktivitetit përmbyllës të Javës së Gruas 2022.

Ky aktivitet organizohet në kuadër të shënimit të Ditës Ndërkombëtare të Demokracisë.

Tema kryesore e konferencës përmbyllëse të Javës së Gruas 2022 do të jetë "Në mbrojtje të demokracisë: Gjithpërfshirja ka rëndësi" ndërsa në panelet diskutuese do të trajtohet roli i kuvendit në sigurimin dhe mbrojtjen e gjithëpërfshirjes politike në përpjekjet për të kontibuar në qeverisje të mirë.

Po ashtu, do të diskutohet perspektiva e zhvillimit të politikave gjithëpërfshirëse për të reflektuar nevojat e qytetarëve dhe siguruar një demokraci të qëndrueshme.

Kalendari

Ngjarjet e datës 3 shkurt 2023  - Këshilli Gjyqësor i Kosovës mban mbledhjen e radhës. (Ndërtesa e KGjK-së, ora 9:00)

- Kuvendi Komunal i Gjilanit mban seancë të jashtëzakonshme, ku në rend dite do të jetë falja e tatimit në pronë në vlerën deri 100 euro për të gjithë tatimpaguesit e kësaj komune, për vitin 2023. (Salla e Kuvendit Komunal të Gjilanit, ora 10:00)

- Sindikata e Sektorit Privat të Kosovës mban konferencë për shtyp lidhur me gjendjen e punëtorëve teknik të Sektorit Privat te Kosovës dhe dialogu me qeverinë dhe institucionet tjera të Kosovës. (Zyrët e Sindikatës, ora 11:00)

- Lidhja Demokratike e Kosovës Dega në Prizren, mban konferencë për medie. (Selia e LDK-së në Prizren, ora 11:00)

- Komisioni për Buxhet, Punë dhe Transfere shqyrton Projektligjin për ndryshimin dhe plotësimin e Ligjit mbi ndarjet buxhetore, si dhe shqyrton listën e kandidatëve për plotësimin e një pozite për anëtar joekzekuiv të Bordit të Bankës Qendrore të Kosovës. (Kuvendi i Kosovës, salla C203, ora 13:30)

- Prezantohet puna e kryer rreth vajzave dhe grave me aftësi të kufizuara të cilat kanë folur hapur për historitë e tyre të, abuzimeve seksuale, dhunës fizike, dhunës psikike, keqtrajtimeve, ofendimeve dhe diskriminimeve. (Ndërtesa e Qeverisë, salla P38, ora 14:30)