09 Korrik 2020

Kryeministri Thaçi përgëzon liderin britanikë, David Cameron

Prishtinë, 12 maj - Kryeministri i Qeverisë së Republikës së Kosovës, Hashim Thaçi përgëzon liderin e konservativëve britanikë, David Cameron me rastin e zgjedhjes kryeministër i Britanisë së Madhe. Në tekstin e telegramit të urimit thuhet:

Shkelqësia Juaj, kryeministër Cameron,

Mbajtja e zgjedhjeve të përgjithshme në Britaninë e Madhe ishte ngjarje e cila dëshmoi se vendi juaj është atdhe i vërtetë i demokracisë, konkurrencës politike, votës së lirë dhe shprehje e vullnetit të qytetarëve.

Pas rezultatit zgjedhor sërish dolën në pah vlerat e qytetërimit tuaj dhe të demokracisë së avancuar, duke njohur rezultatet dhe duke treguar përgjegjësi të lartë politike ndaj votuesve, qytetarëve dhe vendit tuaj.

Britania e Madhe është vend mik i Kosovës, ndër shtetet kryesore që ka kontribuar në çlirimin dhe rindërtimin e saj. Populli i Kosovës është mirënjohës për ndihmën e dhënë nga qeveria dhe populli Juaj.

Britania e Madhe vazhdon të jetë një ndër vendet kryesore, prijëse e lirisë, demokracisë dhe ndikimit në marrëdhëniet ndërkombëtare. Qeveria e Kosovës do ta thellojë edhe më shumë miqësinë dhe bashkëpunimin me Britaninë e Madhe.

Në emër të Qeverisë së Republikës së Kosovës dhe në emrin tim, Ju shpreh urimet më të mira gjatë mandatit Tuaj qeverisës, me besimin se do të realizoni programet qeveritare në forcimin edhe të mëtutjeshëm të Britanisë së Madhe, si në planin  e brendshëm ashtu edhe në atë ndërkombëtar.. 

Kalendari

Ngjarjet e datës 9 Korrik 2020 - Mbahet mbledhja e Qeverisë së Kosovës. (Ndërtesa e Qeverisë, ora 9:00)

- Vazhdimi i seancës plenare të Kuvendit të Republikës së Kosovës në të cilën do të behët votimi dhe shqyrtimi i disa Projektligjeve për ratifikimin e Marrëveshjeve ndërkombëtare. (Salla e Kuvendit, ora 10:00)

- Komuna e Prizrenit bën përurimin e stadiumit në Sërbicë të Poshtme, projekt i realizuar nga Drejtoria për Kulturë, Rini dhe Sport ku do të jetë i pranishëm kryetari i Komunës së Prizrenit, Mytaher Haskuka dhe drejtoresha e DKRS-së, Emilija Redzepi. (Nisja do të bëhet nga Shtëpia e Bardhë në Prizren, ora 10:30)

- Vazhdimi i seancës plenare të Kuvendit të Republikës së Kosovës në të cilën do të behët  votimi i Propozim rezolutës nga Raportimi i Kryeministrit të Republikës së Kosovës dhe debati parlamentar lidhur me dialogun Kosovë - Serbi. (Salla e Kuvendit, ora 10:30)

- Në nderim të ushtarit amerikan Alexander Blake Klass, 20 vjeçar nga Willamina e Oregonit, që ka humbur jetën në një incident, që nuk kishte të bënte me veprim të armatosur, Shoqata "Miqtë e Amerikës" do ta ulin në gjysëm shtizë flamurin amerikan. (Sheshi “Bill Clinton” në Prishtinë, ora 11:00)

- Mbahet Seanca plenare e Kuvendit të Republikës së Kosovës. (Salla e Kuvendit, ora 11:00)

- OVL e UÇK-së mban protestë gjithëpopullore me moton “Në mbrojtje të Luftës Çlirimtare”. (Prishtinë dhe qytetet e tjera të Kosovës, ora 12:00)

- Lëvizja Vetëvendosje mban konferencë për media në të cilën flet Albulena Haxhiu. (Zyret e LV-së në Arbëri, ora 13:00)

- Mbahet mbledhja e jashtëzakonshme e Kuvendit Komunal të Rahovecit, në të cilën do të behët shqyrtimi dhe aprovimi i Propozim vendimit për bartjen e mjeteve nga rezervat e buxhetit komunal, nga kategoria pozicionit të pagave në kategorinë e Investimeve Kapitale. (Salla e mbledhjeve të Kuvendit Komunal në objektin e ri të komunës, ora 14:00)

Mbledhja do të mbahet në sallën e mbledhjeve të Kuvendit Komunal, në objektin e ri të komunës.

- Mbahet një takim pune i organizuar nga Ministria e Ekonomisë dhe Ambientit në të cilin do të diskutohet dokumenti - Plani Hapësinor i Parkut Kombëtar Bjeshkët e Nemuna. (Ndërtesa e re e Qeverisë ish-Rilindja, salla e konferencave, kati XVIII, ora 15:00)