15 Gusht 2020

Kryeministri Thaçi fillon vizitën zyrtare në shtetin e Katarit

Prishtinë, 6 shtator - Kryeministri i Republikës së Kosovës, Hashim Thaçi ka filluar vizitën e tij në Katar, ku është ftuar me ftesën zyrtare të mbretit Sheik Abdullah bin Khalifa Al Thani.

Në Aeroportin e kryeqytetit të Katarit, Doha, mbrëmë Kryeministri Thaçi është pritur nga një delegacion i lartë shtetëror i Katarit, i udhëhequr nga Ministri i Shtetit për Bashkëpunim Ndërkombëtar, Khalid Bin Mohammad Al Attiyah.

Sot, Kryeministri i Republikës së Kosovës, Hashim Thaçi vazhdon agjendën zyrtare të vizitës, me takimet që do të zhvillojë me zyrtarët më të lartë të shtetit të Katarit, si dhe me ambasadorin e Shteteve të Bashkuara të Amerikës, atë të Mbretërisë së Bashkuar dhe të Turqisë, në Katar.

Për nder të Kryeministrit Thaçi, Kryeministri i Katarit, që njëkohësisht është edhe Ministër i Punëve të Jashtme, Sheikh Hamad Bin Jassim Bin Jabr Al-Thani do të shtrojë një darkë zyrtare.

Në orët e mbrëmjes kryeministri i Republikës së Kosovës, Hashim Thaçi do të pritet edhe nga mbreti i Katarit, Sheik Abdullah bin Khalifa Al Thani.

Vizita e kryeministrit Thaçi në shtetin e Katarit zhvillohet në kuadër të aktiviteteve lobuese për njohjen e shtetit të Kosovës, në prag të diskutimeve në Asamblenë e Përgjithshme të OKB-së.

 

Kalendari

Ngjarjet e datës 15 Gusht 2020

Me rastin e 22 vjetorit të rënies së dëshmorit të kombit, Remzi Ademaj - Komandant Petriti, Komuna e Prizrenit në bashkëpunim me Shoqatën e Veteranëve të Luftës organizon aktivitete përkujtimore.

10:00 - Homazhe në varrezat e dëshmorëve në Landovicë

10:30 - Homazhe tek vendi i rënies në Nashec

11:00 - Homazhe tek monumenti i Lirisë

11:30 - Dhënia vullnetare e gjakut në repartin e transfuzionit të gjakut në Spitalin Rajonal të Prizrenit.

Për shkak të distancës nga qyteti, për këtë aktivitet do të ketë transport të organizuar nga ana e Komunës. Nisja do të bëhet në ora 9:15 nga Shtëpia e Bardhë.