26 Maj 2020

Kosova e gatshme për liberalizimin e vizave

Prishtinë, 16 prill - "Kosova që sot është gati të presë edhe udhërrëfyesin e liberalizimin e vizave, prandaj është jashtëzakonisht me rëndësi të nderuar ambasadorë, që të punoni në mënyrë unike për perspektivën evropiane të Republikës së Kosovës", theksoi mes tjerash kryeministri i Republikës së Kosovës, Hashim Thaçi, në takimin e dytë të Forumit të Nivelit të Lartë. 


Kryeministri Thaçi theksoi gatishmërinë e Kosovës për t'i përmbushur kriteret e kërkuara drejt integrimit në Bashkimin Europian dhe liberalizimit të vizave."Kosova që sot është gati të presë udhërrëfyesin e liberalizimit të vizave, prandaj është me rëndësi të punohet në mënyrë unike për perspektivën evropiane të Republikës së Kosovës", tha kryeministri.

Përderisa nga Komisioni Europian u kërkua nënshkrimi i një marrëveshjeje të Qeverisë së Kosovës me Fondin Monetar Ndërkombëtar, që ka të bëjë me planifikimet buxhetore. Marrëveshja e Qeverisë me FMN-në është potencuar si shumë e rëndësishme nga kryesuesi i Komisionit Europian Kjartan Bjornson.

“Sepse pa atë marëveshje KE nuk mund të bëjë asistencën makrofinaciare që i është premtuar Kosovës… andaj kjo është shumë e rëndësishme, sepse po rezikohet humbja e një shumë të konsiderueshme, që në fazën e parë është 15 milionë euro, që nuk mund ti transferohet Kosovës pa marrëveshjen mes qeverisë dhe FMN”, tha Bjornson.

Marrëveshja me FMN ka të bëjë me planifikimet buxhetore.

Poashtu u vlerësua e rëndësishme transparenca në menagjimin e donacioneve, duke kërkuar që edhe qytetarët të kenë qasje që me një klikim të gjejnë se sa fonde ku kanë shkuar. Nga Bjornson por edhe nga shefja e USAID-it amerikan Patricia Rader është dhënë vlerësim pozitiv për përpjekjet e qeverisë për punën e jashtëzakonshme drejt koordinimit me punën me donatorët.





 

Kalendari

Ngjarjet e datës 26 Maj 2020 - Komisioni për Integrim Evropian diskuton lidhur me përmbushjen e obligimeve të Kosovës, në procesin e liberalizimit të vizave dhe shqyrton raportin e Ministrisë së Integrimit Evropian lidhur me financimin e Kosovës nga BE-ja, në luftimin e COVID-19. (Ndërtesa e Kuvendit, N303, ora 11:00)  

- Komisioni për Shëndetësi dhe Mirëqenie Sociale takohet me Sekretarin e Ministrisë së Shëndetësisë, Naim Bardiqi. (Ndërtesa e Kuvendit, N302, ora 11:00)

- Komisioni për Ekonomi, Punësim, Tregti, Industri, Ndërmarrësi dhe Investime Strategjike shqyrton Raportin Vjetor të Zyrës së Rregullatorit të Energjisë (ZRrE) për vitin 2019. (Ndërtesa e Kuvendit, salla N10, ora 11:00)

- Presidenti i vendit, Hashim Thaçi,  do ta vizitojë Oden Ekonomike të Kosovës. (Lokalet e OEK-ut, ora 11:30)

 - Kryetari i AAK-së, Ramush Haradinaj, merr pjesë në ceremoninë e zbulimit të lapidarit të dëshmorit Luan Qerimaj dhe 4 dëshmorëve tjerë, në Gllogjan. (Te vendi i quajtur Lejthia, Gllogjan, Deçan, ora 11:30)

- Instituti Demokraci për Zhvillim Sfidat dhe nevojat e nënave vetë-ushqyese në kohë (pas)pandemie”  (Përmes platformës online, Google Meet, ora 17:00 - https://forms.gle/HAxFHsHEScpDdMx99)