18 Janar 2019

KLGI mban konferencën jubilare të qeverisjes lokale

Prishtinë, 13 qershor - Në 10-vjetorin e miratimit të rregullativës për pushtetin lokal, njëherësh Jubileut të themelimit të Institutit Kosovar për Qeverisje Lokale (KLGI), mbahet konferenca jubilare e qeverisjes lokale me titull ’10 Vite pas Decentralizimit dhe Konstituimit të Qeverisjes Lokale - Sfidat e një dekade, rrugëtimi në dekadën e dytë’.

Ngjarja do të bëjë bashkë akterët kyç lokalë, nacionalë dhe rajonalë me qëllim të prezantimit të sfidave dhe ofrimin e kontributit në sferën e qeverisjes lokale përmes nxjerrjes së konkluzioneve dhe rekomandimeve për temat me interes për komunat.

Konferenca është e ndarë në tri sesione tematike: Një Dekadë Pas – Vizioni për Ndryshim; Drejt Reformave; dhe Sfidat dhe Mundësitë, si dhe në përmbyllje do të ketë një koktej rasti.

Folës kryesorë të kësaj konference do të jenë: Kryeministri i Republikës së Kosovës, Ministra nga Rajoni dhe përfaqësues të ministrive të linjës, Kryetarë të Komunave të Kosovës dhe rajonit, përfaqësues diplomatikë, liderë dhe përfaqësues të lartë rajonalë, përfaqësues të organizatave të shoqërisë civile dhe donatorë.

 

Kalendari

Ngjarjet e datës 18 janar 2019 - Mbahet mbledhja e Kryesisë së Kuvendit me kryetarët e grupeve parlamentare. (Ndërtesa e Kuvendit, salla  C-301, ora 8:30)

- Kryeministri Ramush Haradinaj pret në takim 120 studentë nga Vjena dhe Venediku nga programi i studimeve  “Europian  Master in Human Rights and Democratisation”. (Ndërtesa e Qeverisë, ora 9:00 - vetëm pamje)

- Kryetar i Sindikatës së Pavarur të Arsimit të Shqipërisë, Nevruz Kaptelli me bashkëpunëtoret e tij vizitojnë Sindikatën e Bashkuar e Arsimit, Shkencës dhe Kulturës e Kosovës të cilët së bashku me Këshillin Grevistë Qendror do t'i vizitojnë grevistët e shkollës fillore “Dardania”. (Shkolla fillore Dardania, ora 10:00)

- Qendra e Lëvizjes Vetëvendosje! në Prishtinë mban konferencë për media. (Zyrat e Vetëvendosjes, ora 11:00)

- Kryetar i Sindikatës së Pavarur të Arsimit të Shqipërisë, Nevruz Kaptelli me bashkëpunëtoret e tij vizitojnë Sindikatën e Bashkuar e Arsimit, Shkencës dhe Kulturës e Kosovës të cilët së bashku me Këshillin Grevistë Qendror do t'i vizitojnë grevistët çerdhes “Gëzimi Ynë”. (Objekti i çerdhes “Gëzimi Ynë” në Prishtinë, ora 11:00)