21 Janar 2021

Hilary Clinton sot arrinë në Kosovë

Prishtinë, 13 tetor - Sekretarja amerikane e Shtetit, Zonja Hillary Clinton pas vizitës që bërë në Bosnje dhe Serbi sot arrin në Kosovë me ç'rast do ta mbyll viziten e saj në Ballkan.

Clinton do të takohët me ushtruesin e detyrës së Presidentit, Jakup Krasniqi, Kryeministrin Hashim Thaçi si dhe do ta vizitoj Manastirin e Graçanicës.

Institucionet e Kosovës kanë deklaruar se kanë bërë të gjitha përgatitjet për të pritur sekretaren Clinton. Rrugët janë stolisur me flamuj amerikan dhe të Kosovës si dhe me fotografi të mëdha të sekretares së shtetit.

Policia ka deklaruar se janë marrë të gjitha masat për sigurinë gjatë kësaj vizite që vlerësohet me rëndësi të veçantë për proceset nëpër të cilat po kalon Kosova. Analistët thonë se kjo vizitë dëshmon se Kosova është ndër përparësitë e diplomacisë amerikane.

Ashtu si edhe gjatë vizitës në Beograd, sekretarja amerikane e shtetit Klinton pritet të diskutojë me autoritetet në Prishtinë edhe për bisedimet e ardhshme të paralajmëruara ndërmjet Kosovës dhe Serbisë, bisedime këto që do të duhej të çonin në zbutjen e problemeve që sipas saj janë të vështira për t'u zgjidhur.

Vizita e saj vlerësohet shumë e rëndësishme për shkak të rolit të Shteteve të Bashkuara të Amerikës në të gjitha proceset nëpër të cilat ka kaluar Kosova. Ky rol shihet i pazëvendësueshëm edhe në proceset e ardhme politike në Kosovës dhe përmbushjen e aspiratave të saj për integrimet euro atlantike.

Shtetet e Bashkuara janë mbështetësit më të fuqishëm të pavarësisë së Kosovës të shpallur në shkurt të vitit 2008. Deri tani 70 vende të botës e kanë pranuar pavarësinë e shtetit të ri e cila kundërshtohet ashpër nga Serbia dhe aleatja e saj Rusia.

Gjatë viztës në Serbi ajo ka përgezuar Serbinë për përparimin drejt integrimit evropian, por ka thënë se Beogradi ende përballet me sfida në rrugën drejt një partneriteti më të madh me komunitetin euro-atlantik.

Zonja Clinton i bëri komentet sot në Beograd përkrah presidentit serb Boris Tadiç.

Ajo tha se për t’u integruar në Bashkimin Evropian nevojitet udhëheqja serbe përballë sfidave të vështira, duke përfshirë marrëdhëniet e Beogradit me Kosovën.

Zonja Clinton shtoi se perëndimi e mirëpret bashkëpunimin e Serbisë për arrestimin e të arratisurve të luftës.

Ajo arriti në Beograd dje nga Bosnje Hercegovina ku u bëri thirrje udhëheqësve boshnjakë të reformojnë sistemin kompleks politik të vendit, ndryshe do të rrezikojnë të mbeten pas, ndërkohë që vendet e tjera të Ballkanit integrohen me Evropën perëndimore.

Duke folur në Sarajevë, zonja Clinton tha se fqinjët e Bosnjës kanë bërë hapa domethënës në integrimin evropian, sepse e dinë se nuk ka mënyrë më të mirë për të arritur një rritje ekonomike të qëndrueshme.

Vizita e zonjës Klinton është vizita e dytë e një rangu të lartë të zyrtarëve amerikan pas shpalljes së pavarësisë së Kosovës. Në maj të vitit 2009 Kosovën e pati vizituar nënpresidenti amerikan Xho Biden.

 

Kalendari

Ngjarjet e datës 21 Dhjetor 2020 - Kryeministri në detyrë Avdullah Hoti zhvillon homazhe te varri i ish presidentit Ibrahim Rugova. (Velani, ora 10:00)

- Kryesia e Lidhjes Demokratike te Kosovës bën homazhe te varri i Presidentit Historik të Kosovës, Dr. Ibrahim Rugova, me rastin e 15 vjetorit të vdekjes së tij. (Velani, ora 10:00)

- Mbahet mbledhja e parë e Komiteti për Politik dhe Financa në Komunën e Rahovecit. (Objekti i ri i administratës komunale të Rahovecit, ora 10:00)

- Mbahet seanca gjyqësore ndaj zyrtaritt te Drejtorisë për Migrim dhe të Huaj, Maxhun Maloku për keqpërdorim te pozitës apo autoritetit zyrtar. (Gjykata Themelore në Ferizaj, Salla nr.II, ora 9:30)
 
- Kryeministri në detyrë Avdullah Hoti merr pjesë në fillimin e punimeve në zgjerimin e rrugës në hyrje të qytetit të Ferizajt. (Ura afër fshatit Bibaj, ora 11:00)

- Ambasadorja suedeze, Karin Hernmarck, dhe Ushtruesi i Detyrës së Shefit të Misionit të OSBE-së në Kosovë, Kilian Wahl, do të organizojnë një konferencë për shtyp në Prishtinë për t’i prezantuar prioritetet e Kryesimit suedez të OSBE-së për vitin 2021. (Hotel Sirius, ora 11:00)

- Kryetarja e KQZ-së, znj. Valdete Daka do të mbajë konferencë për media. (Selia e KQZ, ora 12:00)

- Aleanca Kosovare e Bizneseve mban konferencën për media me temë ''14 kërkesat e AKB-se, bizneseve dhe konsumatoreve deri me 14 shkurt, kur edhe përfundojn zgjedhjet lidhur me rritjen e mirëqenies qytetare dhe pasurimin dhe implementimin e Ligjit për Rimëkëmbje Ekonomike për vitin 2021''.  (Salla e konferencave të AKB-së, ora 13:00)

 - Kryeministri në detyrë Avdullah Hoti merr pjesë në akademinë për ish presidentin Ibrahim Rugova. (Teatri i Gjilanit, ora 14:00)    

- PDK dega në Prizren, bën prezantimin e kandidatëve për deputetë, për zgjedhjet e jashtëzakonshme nacionale të 14 shkurtit 2021. (Restaurant ''Rexos'' në Lubizhdë, përballë stacionit të policisë, ora 19:00)