19 Mars 2024

Gjilani prezenton rregulloren për ri-integrimin e personave të riatdhesuar

Gjilan, 14 korrik - Komiteti për komunitete është njohur sot me rregulloren për ri-integrimin e personave të riatdhesuar, e cila, siç ka thënë Kemal Shahin, kryesues i kësaj trupe komunale në Gjilan, përcakton masat, kriteret, procedurat dhe përgjegjësitë në këtë proces.

Shahin sqaroi se riatdhesimi ka të bëjë vetëm me kthimin nga vendet e treta të qytetarëve të Kosovës, apo të atyre qytetarëve me origjinë nga Kosova.

Hollësi nga rregullorja për riatdhesim ka prezantuar Elez Kurteshi, ushtrues detyre i shefit të Zyrës për Komunitete dhe Kthim (ZKK) në Gjilan.    

Detyrë e jona është që personat e riatdhesuar t`i ri-integrojmë në mënyrë të qëndrueshme në shoqërinë kosovare përmes përfshirjes sociale e ekonomike, në kushte të barabarta me qytetarët tjerë të Republikës së Kosovës, ka thënë Kurteshi.

Kurteshi ka folur edhe për detyrat konkrete të Zyrës Komunale për Komunitete dhe Kthim, e  cila është mekanizimi kryesor në këtë proces sa i përket nivelit lokal.  

ZKK i referon rastet e personave të riatdhesuar tek institucionet përkatëse, varësisht nga nevojat e tyre, ka thënë Kurteshi. 

 

Kalendari

Ngjarjet e datës 8 gusht 2023

 - Partia Demokratike e Kosovës, mban konferencë për media. (Selia Qendrore e PDK-së, ora 11:00)

 

 - Ministria e Kulturës, Rinisë dhe Sportit, organizon shfaqjen e filmave “I Pabesi” dhe “Heshtja Vret”. (Kino “Armata”, ora 20:00)