22 Tetor 2018

Gjermania do të vazhdoj të mbetet partner i qëndrueshëm i Kosovës

Prishtinë, 14 shkurt - Në prag të 10-vjetorit të pavarësisë, kryeministri i Republikës së Kosovës, Ramush Haradinaj ka pritur në takim dhe ka falënderuar ministrin e Jashtëm të Gjermanisë, Sigmar Gabriel, për përkrahjen që Gjermania i ka dhënë Kosovës që nga koha e vështirë e deri në ditët e sotme në të gjitha dimensionet.

Në takimin që kryeministri Haradinaj zhvilloi me ministrin e Jashtëm Gabriel, u bisedua për progresin që ka bërë Kosova në këto 10 vjet në shtetndërtim, në zhvillimin ekonomik, por edhe për perspektivën evropiane dhe euroatlantike të Kosovës.

Pas takimit, në të cilin ishin të pranishëm edhe zëvendëskryeministrat Behgjet Pacolli, Fatmir Limaj dhe Dalibor Jevtiq, kryeministri Haradinaj dhe ministri Gabriel, mbajtën një konferencë të përbashkët për media.

“Për mua dhe për Kosovën çdo zyrtarë që vjen nga Berlini është interes, është dobi dhe ndihmë, por sot është një nder i veçantë që në Kosovë ta kemi ministrin e Jashtëm të Republikës Federale të Gjermanisë, Sigmar Gabriel me një delegacion. Kjo ishte një mundësi ideale për t’i shpjeguar ministrit për zhvillimet në Kosovë, për t’i dhënë po ashtu bindjet tona për të arriturat e Kosovës”, tha kryeministri Haradinaj.

Me këtë rast, kryeministri Haradinaj falënderoi Gjermaninë për përkrahjen që i ka dhënë Kosovës si në aspektin ushtarak, në atë ekonomik, të ndërtimit të jetës politike, e po ashtu edhe në perspektivën evropiane dhe euroatlantike të Kosovës.

“Në emër të qytetarëve të Kosovës, shpreh falënderimet më të mira Ju, popullit të Gjermanisë për përkrahjen dhe sot për vizitën tuaj”, tha kryeministri Haradinaj.

Kryeministri Haradinaj, tha se në takim është biseduar për të gjitha temat, njëkohësisht edhe për zhvillimet në rajon, duke ftuar investitorët nga Gjermania që të investojnë, ngase Kosova ka resurse dhe potencial të mjaftueshëm për investime. 

Ministri i Jashtëm i Gjermanisë, Sigmar Gabriel, falënderoi kryeministrin Haradinaj për pritjen dhe në emër të tij dhe të Republikës Federale të Gjermanisë, përgëzoi për 10 vjetorin e pavarësisë së Kosovës.

Më tej ministri Gabriel ka thënë se Gjermania do të vazhdoj të mbetet partner i qëndrueshëm i Kosovës, jo vetëm në aspektin politik por edhe në atë ekonomik, si dhe do të ofrojë asistencën e duhur për fuqizimin e sundimit të rendit dhe ligjit në Kosovë.

 
 

Kalendari

Ngjarjet e datës 22 tetor 2018 - Misioni i OSBE-së organizon punëtori për gazetarët me titull mediat në gjykatore në Gjykatat Themelore. (Gjykata Themelore në Pejë, ora 9:30)

- Mbahet mbledhja e Komisionit për të Drejtat e Njeriut, Barazi Gjinore, për Persona të Pagjetur dhe Peticione në të cilën do të behët shqyrtimi i Projektligjit për Mbrojtjen e Fëmijës. (Ndërtesa e Kuvendit, salla N204, ora 10:00)

- Ambasada Britanike në Kosovë në bashkëpunim me Asociacioni i Bursistëve Chevening të Kosovës organizon konferencën me titull “Qëndrimet dhe aftësitë që i duhen një lideri të shekullit 21.” (Hotel  Swiss Diamond, ora 10:00)

- Instituti i Kosovës për Drejtësi organizon tryezën "Si të parandalohet dhe luftohet kriminalizimi i politikës në Kosovë: Zgjidhja përmes rregullimit ligjor apo kodit të etikës?". (Hotel Sirius, ora 10:00)

- Mbahet ceremonia me rastin e shënimit të “Javës për të Drejtat e Viktimave të Krimit”, e cila organizohet nën patronatin e Kryeprokurorit të Shtetit. (Hotel Emerald, ora 10:00)

- Presidenti i Republikës së Kosovës, Hashim Thaçi, do të marrë pjesë në konferencën “Java për të drejtat e viktimave të krimit”, organizuar nga Kryeprokurori i Shtetit. (Hoteli Emerald; ora 10:00)

- Bashkimi i Sindikatave të Pavarura të Kosovës konferencën për media në të cilën do të shpaloset platforma mbi organizimin e Projektit: “Dialogut bashkëkohorë i shekullit XXI”. (Salla e konferencave Orion, ora 10:30)

- Presidenti i Republikës së Kosovës, Hashim Thaçi, pret në takim ekipin e Forcës së Sigurisë së Kosovës, i cili ka marrë pjesë në gara ndërkombëtare “Cambrian Patrol”. (Kabineti i Presidentit, ora 11:00)

- Kryeministri Ramush Haradinaj mban ligjëratë në AUK, me temën “Transformimi i FSK-së”. (Objekti i AUK, ora 12:00)

- Komisioni për Arsim, Shkencë, Teknologji, Kulturë, Rini, Sporte, Inovacion dhe Ndërmarrësi takohet me anëtarët e Akademise së Shkencave dhe të Arteve të Kosovës. (Ndërtesa e Kuvendit, salla N 303, ora 13:00)

- Zyra e Prokurimit në Doganën e Kosovës hap tenderin për furnizim me banderola për cigare dhe pije alkoolike e parashikuar si projekt me vlerë te madhe 1.260.000,00. (Zyra e prokurimit, ora 14:00)

- Ministri i Mjedisit dhe Planifikimit Hapësinor, Fatmir Matoshi, do të vizitojë Komunën e Fushë Kosovës, ku do të pritet në takim nga kryetari, Burim Berisha. (Komuna e Fushë-Kosovës ora 15:00)

- Meqenëse viti 2018 shënjon 20 vjetorin e fillimit të luftës në Kosovë mbahet ligjërata publike “Sot, 20 vite më parë: Rasti i familjës Sylmetaj". (Qendra e Dokumentimit Kosovë në bibliotekën Hivzi Sulejmani, ora 16:00)

- Kryeministri Ramush Haradinaj organizon pritje me rastin e pensionimit të Policit të Kosovës, Asllan Krasniqi, pjesëtarë nga Njësia për Sigurimin e Objekteve me Rëndësi të Veçantë dhe Personaliteteve. (Ndërtesa e Qeverisë, ora 16:00)

- Kryetari i Partisë Demokratike të Kosovës, Kadri Veseli merr pjesë në hapjen e Konventës zgjedhore të degës së PDK-së në Prishtinë. (Sheshi 21, ora 18:00)

- Kuratori i ekspozitës, fotografi francez Loïc Chauvin, specialist i fotografisë shqiptare, do të organizojë një prezantim të ekspozitës për mediat. (Aleanca Franceze në Prishtinë, ora 18:00)