11 Korrik 2020

Dështimi i mbledhjeve të komisioneve parlamentare

Prishtinë, 26 maj - Prishtinë, 26 maj 2010 - Instituti Demokratik i Kosovës (KDI) reagon me shqetësim ndaj zhvillimit të punimeve të komisioneve parlamentare të Kuvendit të Kosovës gjatë dy ditëve të fundit. Dështimi i tri mbledhjeve të komisioneve parlamentare për shkak të mungesës së kuorumit dhe mbajtja e dy mbledhjeve pa kuorumin e domosdoshëm, është shqetësuese për mbarëvajtjen e punës së institucionit më të lartë përfaqësues në vend. 

Dështimi i mbledhjeve të komisioneve për shkak të mungesës së kuorumit si ato të: Komisionit për Bujqësi, Pylltari, Zhvillim Rural dhe Mjedis e Planifikim Hapësinor e datës 25.05.2010, e Komisionit për Administratë Publike, Pushtet Lokal dhe Media me 26.05.2010 dhe mbledhja e Komisionit për Integrime Evropiane me 26.05.2010, tregon për papërgjegjësinë e deputetëve në kryerjen e obligimeve kushtetuese karshi zgjedhësve të tyre.

KDI po ashtu reagon kundër mbajtjes së mbledhjeve të komisioneve parlamentare pa kuorumin e domosdoshëm si ajo e: Komisionit për Shëndetësi, Punë dhe Mirëqenie Sociale e datës 25.05.2010, ku të pranishëm ishin vetëm tre anëtarët, si dhe ajo e Komisionit për Ekonomi, Tregti, Industri, Energjetikë, Transport dhe Telekomunikacion e datës 25.05.2010 ku të pranishëm ishin pesë anëtarë të këtij komisioni. Një veprim i tillë është në kundërshtim të plotë me Rregulloren e Punës së Kuvendit të Kosovës.

Sjellja e tillë  e deputetëve të Kosovës sjell si pasojë edhe prolongimin e miratimin të një numri të madh të ligjeve shumë të nevojshme dhe të rëndësishme për vendin tonë. 
 

Kalendari

Ngjarjet e datës 11 Korrik 2020

- Në Ditën Botërore të Popullsisë, organizata SIT, organizon aktivitetin ku do të prezantojë statistikat e rasteve të raportimit të dhunës në Kosovë gjatë pandemisë COVID-19. (Sheshi "Zahir Pajaziti" në Prishtinë, ora 9:00)

 - Aktivistë të shoqërisë civile organizojnë aksionin simbolik për të kërkuar drejtësi për Kujtimin pasi qe po bëhen 1 vit prej kur 11 vjeçari nga Fushë Kosova, u përdhunua e u vra.  (Përpara Këshillit Prokurorial të Kosovës në Prishtinë, ora 11:00)

- SENSE Qendra për Drejtësi Tranzicionale në bashkëpunim me Fondin për të Drejtën Humanitare Kosovë organizojnë transmetimin live të ceremonisë komemorative në Srebrenicë. (Qendra Kulturore Informative Boshnjake - Rr. Agim Ramadani, nr. 375 - Aktash, ora 12:00)

- Me rastin e 25 vjetorit të gjenocidit në Srebrenicë mbahet ligjëratë "25 vjet pas gjenocidit në Srebrenicë" me ligjërues Akademik Ferid Muhić Moderator dhe bashkëbisedues Bekim Blakaj - Drejtor Ekzekutiv i Fondit për të Drejtën Humanitare në Kosovë. (Livestream në Facebook - Humanitarian Law Center, ora 15:00)

- SENSE Qendra për Drejtësi Tranzicionale në bashkëpunim me Fondin për të Drejtën Humanitare Kosovë organizojnë shfaqjen e ekspozitës multimediale “Gjenocidi në tetë akte”. (Sheshi Skënderbeu, ora 17:30)

- - Me rastin e 25 vjetorit të gjenocidit në Srebrenicë bahet aksion simbolik: Ndezje e qirinjëve para Teatrit Kombëtar të Kosovës. (Para Teatrit Kombëtar të Kosovës, ora 20:00)