17 Janar 2019

Ambasadori i Britanisë së Madhe Ruairi O’Connell qëndroi në Klinë

Klinë, 14 shkurt - Ambasadori  i Britanisë së Madhe në Kosovë, Ruairi O’Connelli, sot ka qëndruar në Komunën e Klinës, ku ka marrë pjesë në ceremoninë e fillimit të punimeve në asfaltimin e rrugës deri te Manastiri i Budisalcit, si dhe ka zhvilluar një takim me strukturat e pushtetit lokal në Klinë.

O’ Connell, bashkë me kryetarin e Komunës së Klinës, Zenun Elezaj, kanë vizituar Manastirin e Budisalcit dhe kanë parë nga afër fillimin e punimeve të asfaltimit të rrugës.

Në ceremoni, përveç zyrtarëve të Komunës së Klinës, të pranishëm kanë qenë edhe ushtarakë të FSK-së, zyrtarë të MKK-së, IOM-it, Policisë së Kosovës dhe qytetarë.

Projekti për asfaltimin e rrugës 400 metra deri te Manastiri i Budisalcit është financuar nga Ambasada e Britanisë së Madhe me vlerë prej 32 mijë euro dhe Ministria për Komunitete dhe Kthim me 8 mijë euro. FSK-ja, do të bëjë rregullimin, trasimin dhe shtruarjen e rrugës me zhavorr, ndërsa firma e kontraktuar do ta bëjë asfaltimin e saj.

Me pas, Ambasadori, ka qëndruar në Komunën e Klinës, ku ka zhvilluar një takim me kryetarin Zenun Elezaj, nënkryetarin Besim Hoti, kryesuesin e Kuvendit të Komunës së Klinës, Fadil Gashi dhe drejtorin Lorenc Marleku. O’Connell, është shprehur i kënaqur për bashkëpunimin me Komunën e Klinës, FSK-në dhe MKK-në, në realizimin e këtij projekti që krijon qasje më të lehtë për komunitetin në kryerjen e riteve fetare.

“Puna e përbashkët është shumë e rëndësishme, sidomos kur ndihmojmë qytetarët”, ka thënë ambasadori.

Kryetari i Komunës së Klinës, Zenun Elezaj, ka falënderuar Ambasadorin për vizitën në Komunën e Klinës dhe ndihmën në realizimin e këtij projekti dhe e ka njoftuar atë se dy problemet më të mëdha me të cilat ballafaqohen qytetarët është uji i pijshëm dhe ujërat e zeza.

“Dy çështje sfiduese për pushtetin lokal për të cilat jemi duke punuar që nga marrja e detyrës, është furnizimi me ujë të pijshëm dhe trajtimi i ujërave të zeza. Do të hartojmë një studim fizibiliteti për trajtim të ujërave të zeza për të parë mundësinë e investimeve me buxhet të Komunës dhe donatorëve tjerë vendorë e ndërkombëtarë”, ka thënë Elezaj.

Sipas tij, Komuna bashkë me Qeverinë e Kosovës, planifikon edhe ndërtimin e rrugës transitore, ku do të lirohej qyteti i Klinës nga lëvizja e automjeteve që vijnë nga Skenderaj dhe Istogu. Elezaj, e ka njoftuar Ambasadorin Britanik, se kjo komunë ka pasuri të mëdha minerare, të cilat nuk janë duke u shfrytëzuar dhe Komuna është e gatshme të ofrojë kushte për investitorë në bashkëpunim me nivelin qendror.

“Do të promovojmë pasuritë tona për t'iu hapur rrugë investitorëve”, ka thënë kryetari Elezaj.    

Kalendari

Ngjarjet e datës 17 janar 2019 - Kryeministri Ramush Haradinaj bën homazhe te Shtatorja e Gjergj Kastriotit Skënderbeut, me rastin e 550 vjetorit të vdekjes. (Shtatorja e heroit Gjergj Kastrioti Skënderbeu, Prishtinë, ora 9:00)

- Kryetari i Sindikates së Bashkuar të Arsimit, Shkencës, Rrahman Jasharaj do t'i vizatoj grevistët e komunës së Malishevës. (Gjimnazi “Hamdi Berisha” në Malishevë, ora 9:15)

- Ministri i Financave Bedri Hamza dhe udhëheqësi i Divizionit për Slloveninë, Kroacinë, dhe Ballkanin Perëndimor në Bankën Evropiane për Investime Matteo Rivellini nënshkruaj Marrëveshje Grant për Mbështetje të Projektit për Ndërtimin e Autostradës Kijevë-Zahaq. (Ndërtesa e  Qeverisë, kati 11, ora 9:30)

- Kryetari i Sindikates së Bashkuar të Arsimit, Shkencës, Rrahman Jasharaj do t'i vizatoj grevistët në çerdhen e komunës së Malishevës. (Objekti i çerdhes në Malishevë, ora 9:45)
 
- Kryeministri Ramush Haradinaj zhvillon takim pune me përfaqësuesit e Odës Ekonomike Gjermane. (Hotel Emerald, ora 10:00)

- Misioni i OSBE-së do të publikojë raportin mbi gjendjen e strehimoreve për viktimat e dhunës në familje në Kosovë. (Hotel Swiss Diamond, ora 10:15)

- Kryetari i Sindikates së Bashkuar të Arsimit, Shkencës, Rrahman Jasharaj do t'i vizatoj grevistët e shkollës fillore “Ganimete Tërbeshi” në Astrazub të komunës së Malishevës. (Astrazub, ora 10:40)

- Administrata Tatimore e Kosovës nesër do të shënoj 19 vjetorit të themelimit të saj. (Qendra e Shërbimit të Tatimpaguesve, ish-ndërtesa e Gërmisë, ora 11:00)

- Mbahet takimi i përbashkët në mes kryetarit të Komunës së Gjilanit Lutfi Haziri dhe Kryeshefit Ekzekutiv të KRU"Hidromorava" Muhamet Suliqi, du do të zyrtarizohet Njësitit për Implementimin e Projektit - Impiantit dhe Kolektorëve  për ujëra të zeza. (Zyra e Kryetarit Haziri, ora 11:00)
 
- Kryeministri Ramush Haradinaj merr pjesë në shënimin e 19-vjetorit të themelimit të Administratës Tatimore të Kosovës. (Qendra e Shërbimit të Tatimpaguese, ish ndërtesa e Gërmisë, ora 11:00)

- Ministri i Kulturës, Rinisë dhe Sportit, Kujtim Gashi, do të bëjë hapjen zyrtare të Zyrës për programin “Evropa Kreative Kosovë”. (Biblioteka Kombëtare të Kosovës “Pjetër Bogdani”, ora 11:00)

- Nën organizimin e Grupit Parlamentar të LDK-së dhe Kryetarit të Komunës së Pejës Gazmend Muhaxherit në 17 vjetorin e vrasjes, organizohen homazhe në nderim të jetës dhe veprës së ish-deputetit të Republikës së Kosovës, Komandantit të Shtabit Rajonal Rugova, Heroit Smajl Hajdaraj. (Tek varrezat e fshatit Zahaq të Pejës, ora 12:00)

- Në 37 vjetorin vrasjes së heronjve të kombit Jusuf e Bardhosh Gërvalla, Grupi Parlamentar i LDK-së, në nderim të jetës dhe veprës së tyre do të vendos kurora lulesh tek varrezat e heronjve. (Fshati Dubovik në Deçan, ora 12:30) 

- Kryeministri Ramush Haradinaj pret në takim Komisionerin Evropian për Politika të Fqinjësisë dhe Negociata të Zgjerimit, Johannes Hahn. (Ndërtesa e Qeverisë, ora 16:45 - vetëm pamje)
 
- Kryeministri Ramush Haradinaj merr pjesë në ceremoninë e organizuar me rastin e përmbylljes së aktiviteteve në 550 vjetorin e Vitit Mbarëkombëtar të Skënderbeut. (Sheshi 21, ora 18:00)

- Dega e LDK-së në Pejë do të bëjë ndezjen e qirinjve në vendin e vrasjes te ish-deputetit të Republikës së Kosovës, Komandantit të Shtabit Rajonal Rugova, Heroit Smajl Hajdaraj. (Lagja “Fidanishte” në Pej, ora 19:50)