19 Janar 2020

Ambasada Britanike lanson projektin për fuqizimin e Sistemit Prokurorial të Kosovës

Prishtinë, 5 shtator - Ambasada Britanike, përmes partnerit implementues - Axiom International and Agencia - do të lansojë sot projektin ‘Fuqizimi i Sistemit Prokurorial të Kosovës’.

Ky projekt ka për qëllim rritjen e llogaridhënies, transparencës dhe integritetit, duke zhvilluar sisteme lokale dhe të qëndrueshme, duke u fokusuar posaçërisht në rekrutimin, ngritjet në pozitë dhe transferimin e prokurorëve shtetëror.

Ky projekt do të integrojë një kornizë ndërkombëtarisht të akredituar lidhur me performancën e institucioneve e cila do të fuqizojë aftësitë strategjike të këshillit të drejtojë punën e prokurorisë dhe do të mundësojë përmirësime të vazhdueshme dhe të qëndrueshme institucionale.

Në ngjarje do të marrë pjesë Ambasadori i ri i Mbretërisë së Bashkuar në Kosovë, Ekselenca e Tij Nicholas Abbott.

Mediat ftohen të marrin pjesë gjatë pjesës së fjalimeve nga Ambasadori, kryesuesi i KPK-së dhe të Kryeprokurorit të Shtetit, dhe gjatë prezentimit të projektit. 

 

Kalendari

Ngjarjet e datës 18 janar 2020 - Federata e Futbollit e Kosovës do të fillojë projektit zhvillimor “Elite Youth Development Programme U15”, i cili do të realizohet në të gjitha regjionet. (Fusha e mbuluar “Prince” në lagjen Arbëri në Prishtinë, ora 9:00)

- Kryeministri në detyrë, Ramush Haradinaj merr pjesë në Akademinë Solemne “Faleminderit Shqipëri”. (Qendra “BogdaniPolis”, Katedralja “Shën Nënë Tereza”, ora 10:00)

- Presidenti i Republikës së Kosovës, Hashim Thaçi, do të marrë pjesë në Akademinë Solemne “Faleminderit Shqipëri”.  (Qendra “Bogdanpolis” në Prishtinë, ora 10:00)

- Teatri i Qytetit të Prishtinës 'Dodona' shfaq premierën për fëmijë “Fjalët magjike” nga Alba Loxha e në regji të Shkurtë Aliut e cila trajton nevojën e përdorimit të fjalëve magjike: “më fal”, “të lutem”, “faleminderit” etj., nga fëmijët. (Teatri Dodona, ora 12:00)