26 Janar 2021

AKR: Kosova i vetmi vend i izoluar në Ballkanin Perëndimor

Prishtinë, 8 tetor - Aleanca Kosova e Re, përshëndet miratimin e raportit të Parlamentit Evropian  për liberalizimin e vizave për qytetarët e Shqipërisë dhe Bosnjës duke e vlerësuar vendimin një hap madhor në rrugën drejt integrimit evropian ka thënë Sekretari Për Marrëdhënie  me Jashtë i AKR-së, Gëzim Mehmeti në një konferencë për media.

Mirëpo sipas Mehmetit, konstatimi i Komisionit Evropian, se Qeveria Kosovës nuk është e gatshme të fillojë dialogun për liberalizimin e vizave për qytetarët e Republikës së Kosovës, AKR –ja e merr me shqetësim shumë të madh.

“Qytetarët e Kosovës, mbetën të vetmit, që nuk e gëzojnë të drejtën e lëvizjes së lirë në vendet perëndimore të  Evropës apo Ballkanit Perëndimor, për shkak të defekteve tek politika udhëheqëse, e cila nuk e kupton  mënyrën  se si zhvillohen  proceset politike dhe ekonomike në Evropën bashkëkohore”, tha ai.

Ai kritikoi Qeverinë për premtime pompoze se së shpejti Kosova do ta ketë udhërrëfyesin për liberalizim të vizave.

“Premtimet  pompoze të bëra nga kreu i qeverisë dhe ministri i Integrimeve Evropiane se Kosova me së voni në shtator 2010 do të marrë Strategjinë (Udhërrëfyesin) e liberalizimit të vizave, ishte një lajthitje e radhës që kjo qeveri ja dhuron qytetarëve të saj”, tha Mehmeti.

Sipas tij, mos përmbushja e kërkesave të parashtruara nga institucionet evropiane, mungesa e luftës kundër korrupsionit dhe krimit të organizuar, mos krijimi i shtetit ligjor, problemi i monopoleve ekonomike, pasaportat biometrike, mos përpilimi i regjistrit civil, mungesa e një programi të reintegrimit të të kthyerve, do ta prolongojnë dialogun për liberalizimin e vizave për qytetarët e  Republikës  së  Kosovës.

“Falë  kësaj politike denigruese, qytetarët e Kosovës, do të mbeten edhe për një kohë të gjatë të vetmit në Ballkanin Perëndimor të  izoluar. AKR vlerëson se ky koalicion qeveritar, nuk ka treguar kapacitete të mjaftueshme për të realizuar projektet madhore që janë në interes të qytetarëve të saj. Kjo është koha e fundit që t’i lëshojë vendin një strukture të re udhëheqëse, e cila ka vizion dhe është e gatshme për ndryshime në favor të mirëqenies dhe interesave të qytetarëve të Kosovës”, tha Mehmeti




Kalendari

Ngjarjet e datës 26 Dhjetor 2020 - Punëtorët teknik  te cilët punojnë në Universitetin e Prishtinës “Hasan Prishtina” do të  protestojnë për pagën e tyre të muajit dhjetor 2020 të cilën ende nuk e kanë marr dhe për  mos  pajisje me kontratës së punës. (Para Rektoratit të UP-së”, ora 9:00)

- Kryeministri në detyrë Avdullah Hoti pret në takim përfaqësuesit e shoqatës “Down Syndrome Kosova”, SOS Fshatrave të Kosovës, OJQ “Handikos” dhe përfaqësuesit e strehimoreve të Kosovës. (Ndërtesa e Qeverisë, ora 9:00 - vetëm pamje)

- Ministrja e Punëve të Jashtme dhe Diasporës, znj.Meliza Haradinaj-Stublla dhe Ambasadorja e Francës në Kosovë, znj.Marie-Christine Butel do të nënshkruajnë një memorandum bashkëpunimi. (Ministria e Punëve të Jashtme dhe Diasporës, ora 9:00)

- Instituti GAP dhe Kosovo 2.0 organizojnë diskutim virtual me temë "Rekrutimet jo meritore në sektorin publik: a do ta ndryshojnë institucionet e reja rrethin vicioz në rreth të virtytshëm?”. (https://zoom.us/j/93876352348, ora 10:00)

- Mbahet mbledhja e Komitetit për Politikë dhe Financa në Komunën e Prizrenit. (Shtëpia e Bardhë, ora 10:00)

- Këshillit Gjyqësor të Kosovës mban mbledhjen e radhës. (Mbledhja mbahet përmes aplikacionit ZOOM, ora 10:00)

- Grupi për Studime Juridike dhe Politike organizon tryezën e diskutimit me temë “Reforma zgjedhore në Kosovë: Sa është prioritet në programet e partive politike?”. (https://zoom.us/j/92385065303, ora 10:30)

- Promovohet libri i autorit Faton Mehmetaj ''Deçani Nëpër Shekuj'' - Promovimi i Trashëgimisë  Kulturore. (Salla e Asamblesë Komunale në Deçan, ora 11:00)

- Partia Socialdemokrate do të mbaj një aktivitet afër teatrit kombëtar. (Sheshi Skënderbeu, ora 12:00)
 
- Kryeministri në detyrë Avdullah Hoti merr pjesë në Inaugurimin e Qendrës Kulturore në Vushtrri. (Shtëpia e Kulturës në Vushtrri, ora 13:00)

- Kryeministri në detyrë Avdullah Hoti takon menaxhmentin e Trepçës dhe viziton flotacionin e mineraleve. (Miniera e Trepçës- Stantërg, ora 15:00)