23 Tetor 2019

Shpifjet, ligji dhe sanksionimi

Shkruar nga Ahmet Pllana

Të drejtat e njeriut nuk respektohen aq sa duhet dhe sipas ligjit në vendin tonë. Një ndër shkeljet e rënda të të drejtave të njeriut është edhe shpifja dhe etiketimi. Secili njeri e ka individualitetin dhe personalitetin e vet, prandaj e ka edhe të drejtën e njeriut.

Mbrojtja e të drejtave të njeriut është një pjesë qenësore brenda sistemit juridik dhe të drejtësisë penale. Kjo është e rëndësishm, sepse siguron mbrojtje dhe zhdëmtim për viktimat dhe ofron gjykime të drejta për të pandehurit.

Sipa Kodit Penal, Kosova ka mundësi për të integruar perspektivën e të drejtave të njeriut sipas eksperiencave më të mira, duke siguruar pajtueshmërinë e plotë me standardet ndërkombëtare.

Ashtu edhe siq kërkohet me Kushtetutën e Republikës së Kosovës. Shpifjet dhe etiketimet e personave tash e tutje do të konsiderohen shkelje civile nga ana e individëve naivë e injorantë, xhelozë e smirzinjë.

Ligji dhe kodi penal që parasheh shpifjen dhe etiketimin nuk gjen zbatim në praktikë për arsye të ndryshme, sidomos duke u nënçmuar shpifja si një gjë që nuk qon peshë, sepse shpifja është vetëm fjalë dhe nuk është dhunë fizike dhe torturë fizike, derisa në anën tjetër shpifja është dhunë psiqike, shpirtërore dhe mendore dhe ulë personalitetin e njeriut, por mbi të gjitha shkel të drejtën e njeriut!

Prandaj, shpifja duhet të sanksionohet dhe të dënohet sipas ligjit dhe kodit penal. Askush nuk ta të drejtë që të shpif dikush për dike, sepse e drejta e njeriut është e mbrojtur me ligj.

Liria e shprehjes nuk lejon denigrimin e njerëzve, shpifjet dhe etiketimet, sepse kjo është e rregulluar me normat e shoqërive demokratike. Nga e merr të drejtën një njeri që të shpif për një njeri tjetër?

Shpifja është trillim, është gënjeshtër që i ngjitet një personi, për shkak të urrejtjes dhe xhelozisë për sukseset e arritura të personit të etiketuar dhe të shpifur.

Kushdo që shpif për dike, pa marrë parasysh përkatësinë etnike, gjininë, fenë, racën, etj., duhet të dënohet me masat më të ashpëra, në mënyrë që mos të ndodhin shpifjet dhe etiketimet dhe të vetëdijësohet qytetari ynë, që kurrë në jetë të mos etiketojë askend, që ky ves i keq i shoqërisë të pengohet, sepse nga shpifjet mund të lindin problem të mëdha, madje edhe deri te krimi dhe vrasjet.

Sa më parë që të zbatohet ligji për shpifjet dhe etiketimet, aq më mirë do të jetë për një shoqëri. Për të dalë në skenë shpifjet, duhet të ekzistojnë denoncuesit apo personat për të cilët është shpifur, duke i drejtuar denopncimet e tyre në gjykatë.

Ligji në fjalë mbron individët dhe të drejtën e njeriut, e cila është e mbrojtur nga Kushtetuta e Republikës së Kosovës.

 

Kalendari

Ngjarjet e datës 23 tetor 2019 - Koordinatori Nacional për Kulturë, Rini dhe Sport në Qeverinë e Republikës së Kosovës, Rexhep Hoti, do të vizitojë Shkollën Fillore të Mesme të Ulët "Eqrem Qabej" në Mitrovicë, ku do të takoj drejtoreshën e kësaj shkolle, Remzije Alidemaj, për të parë procesin e zhvillimit të Garës Nacionale në Sport dhe Kreativitet Kulturor e Mendim Kritik. (Objekti i shkollës, ora 9:50)

- Mbahet mbledhja e rregullt e Komitetit për Politikë dhe Financa të Komunës së Mitrovicës. (Salla e mediave të Komunës së Mitrovicës, ora 10:00)

- Mbahet dita e parë e panairit ndërkombëtar të Agrobiznesit dhe Ushqimit AGROKOS. (Salla 1 Tetori, ora 10:00)

- Klubi i Prodhuesve të Kosovës dhe SOS Fshatrat e Fëmijëve Kosova organizon ceremoninë inauguruese të Punëtorisë “Made in Kosova”. (SOS Fshatrat e Fëmijëve në Prishtinë, Rr. 1 Tetori p.n, Velani, ora 11:00)

- Organizatat joqeveritare Community Building Mitrovica, Mundësia, 7 Arte, Civil Development Organisation, Iniciativa Qytetare Skenderaj organizojnë konferencën e përbashkët të në të cilën do të prezantohet Raporti i monitorimit të aktivitetit të prokurimit: Qendra e riciklimit industrial për mbeturinat paraprakisht të klasifikar ose të përziera.  (Community Building Mitrovica, pas ëmbëltorës “Ballkan, ora 11:00)

- Lansohet platforma digjitale në rajon me koncept të "ekonomisë së përbashkët" e cila ju mundëson individëve të përfitojnë nga mjetet e tyre motorike duke i lëshuar ato me qira, si dhe personave të interesuar të marrin makina motorike me qira me cmime më të arsyeshme se nga format trandicionale të makinave me qira. (Objekti i Inovation Center of Kosova, ora 11:00)

- Bëhët promovimi i librit "Me Mall dhe Lot nga Stambolli" të autorit Hamdi Thaqi dhe Nazife Prebreza- Thaqi, që flitet për shpërnguljen e familjes Prebreza nga Toplica. (Biblioteka Kombëtare, ora 12:00)

- Agjencia Kosovare e Privatizimit mban ceremoninë e hapjes së ofertave të shitjeve përmes Likuidimit nr.51. (Hoteli Grand, ora 12:30)

- Takohen dy grupet punuese të Lëvizjes Vetëvendosje dhe Lidhjes Demokratike të Kosovës. (Selia e LDK-së, “Qafa”, ora 15:00)

- Gjykata Kushtetuese e Republikës së Kosovës me në ceremoni solemne shënon vitin e 10-të Jubilar Gjyqësor. (Hotel Emerald, ora 17:00)