18 Shkurt 2020

Shpifjet e Dick-ut dhe kombi shqiptar

Shkruar nga Besnik Rama

Kombi ynë shqiptar (jo në pak raste) ndodhet nën trysninë e më të mëdhenjve, edhe pse nuk është një vullnet politik i forcave të mëdha, zhurma mediatike është shumë e ndjeshme. I ndjeshëm është edhe temperamenti i një ballkanasi, e veçmas i një shqiptari.

Ai nuk i duron asnjëherë thirrjet dhe ulërimat drejtuar kundra tij, ashtu siç është munduar e përpjekur në historinë e tij të kundërshtojë vendimet e fuqive të mëdha të cilat kanë qenë historikisht të padrejta dhe në kurriz të trojeve tona, megjithëse duket që SHBA dhe Evropa po korrigjojnë gabimet e tyre të kaluara.

Dick Marty është “kushtruesi” i cili edhe pse nuk mund të di ose të paktën nuk ka provuar kënaqësinë e dhënies së një kushtrimi si këto të maleve tona, ai (pa)dashje dha kujën se gjoja Hashim Thaçi dhe UÇK-ja paskan shitur organet e njerëzve. Gjithashtu, në këtë trafik është përfshirë edhe qeveria shqiptare. Ndër të tjera, Dick Marty ofendon ashpër shqiptarët duke i quajtur njerëz të ulët dhe trafikant. I gjori Dick!

Shqipëtarët dhe shqiptaret duhet ta kenë të qartë se Dick Marty nuk e do kombin shqiptar, madje ai është munduar me mekanizmat e tij të përgatitur nga Beogradi zyrtar të pengojë Pavarësinë e Kosovës, por edhe të flasë me nota pesimiste për liberalizimin e vizave të vendeve të BE me Shqipërinë. Ai duke akuzuar liderët shqiptar, dëshiron të deligjitimojë besimin që populli kosovar i dha qeverisë aktuale të drejtuar nga Hashim Thaçi.

Dick Marty ndodhet përballë kombit shqiptar, ku pretendon që direktivat e marra nga Beogradi t’i realizojë në mënyrë që të pështjellojë situatën mjaft të mirë që po kalon populli shqiptar kudo në trevat e tij etnike. Dick Marty thuri ato pallavra për të penguar ecurinë e integrimit europian edhe të shtetit të Kosovës, pasi me Rep. e Shqipërisë nuk ia arriti një qëllimi të tillë.

Së fundmi, shqiptarët duhet të qëndrojnë të qetë, pasi e kaluara ka vërtetuar që njerëz të tillë dashakeq ka pasur plot e përplot, por kryesorja është që ne i kemi kaluar këto momente që të tjerëve t’iu mos ia bëjmë qejfin duke i dhënë vëmendje të madhe një situate të tillë, pasi Dick-u “dik i gjorë” mbetet, ndërsa integrimi i shqiptarëve do përparojë gjithnjë përpara.

(Autori eshte Kryetar i deges se PD-se, Gjermani)

Kalendari

Ngjarjet e datës 18 shkurt 2020 - Oda Ekonomike e Kosovës do të mbajë konferencë për media lidhur me rezultatet e anketës të klimës në biznes. (Objekti i Odës Ekonomike të Kosovës, ora 9:30)

- Forumi për Udhëheqje dhe Diplomaci organizon debatin publik me temë “Si duhet ta adresojnë institucionet barazinë gjinore në pozicionet vendimmarrëse?”. (Kafiteri “Dit e Nat” ora 10:00)

- Instituti Demokratik i Kosovës organizon tryezën e diskutimit “Dialogu Kosovë-Serbi: Çfarë pas formimit të Qeverisë së re dhe përfshirjes amerikane?”, në një diskutim rreth të ardhmes së dialogut Kosovë - Serbi. (Hotel Sirius, ora 10:00)

- Zyra Kombëtare e Auditimit prezanton raportin e auditimit të performancës “Sistemi i Përcaktimit të Tarifave të Energjisë Elektrike, Termike dhe atyre të Ujësjellësit”. (Zyra Kombëtare e Auditimit, lagja “Arbëria”, ora 10:00)

- Mbahet mbledhja e parë e rregullt e Komiteti për Politik dhe Financa në Komunën e Rahovecit. (Salla e mbledhjeve të Kuvendit Komunal të Rahovecit, ora 10:00)

- Kryeministri Abin Kurti pret në takim ambasadorin e Zvicrës në Kosovë, z. Jean-Hubert Lebet. (Ndërtesa e Qeverisë, ora 11:00)

- Mbahet mbledhja e Kryesisë së Kuvendit të Republikës së Kosovës në të cilën do të behët propozimi për formimin e grupeve të miqësisë, dhe propozimi i anëtarëve në delegacione për përfaqësim të Kuvendit më organizata ndërkombëtare. (Ndertesa e Kuvendit, salla C 301, ora 11:00)

- Kryeministri Albin Kurti pret në takim, kryetarin e Aleancës për Shqiptarët, Ziadin Sela.   (Ndërtesa e Qeverisë, ora 12:00)

- Komisioni Qendror i Zgjedhjeve mban mbledhje. (Selia e KQZ-së, ora 16:00)

- Kryetari i Komunës së Gjilanit,  Lutfi Haziri, mban konferencë të jashtëzakonshme për mediat, pas tragjedisë që ndodhi sot në Gjilan, ku humbën jetën pesë persona. (Zyra e Kryetarit, ora 16:00)
 
- Korabi Corporation organizon ceremoninë e hapjes së “Qendrës Inovative Korabi”, një qendër unike arsimore në fushën e kulinarisë si dhe do të mbahet “Nata e çokollatës belge”, një spektakël me çokollatën më të mirë në botë, që do të prezantohet nga çokollatrier me famë ndërkombëtare. (Zyrat e Korabi Corporation në Çagllavicë, ora 18:00)