11 Dhjetor 2018

Së pari korrigjimi, pastaj votim apo moratorium për Demarkacionin

Shkruar nga Gani Qarri

Shtyrjet, ecejaket, kalkulimet dhe presionet ndaj deputetëve për votimin e demarkacionit, janë bërë të bezdisshme edhe për qytetarët e vendit dhe nuk kanë më asnjë kuptim. Komisioni shtetërorë gjeti lëshimet e dyshuara nga komisioni i mëparshëm dhe vërtetoi me fakte se vendi humbë territor.

Kështu që faktet më të reja dhe raporti i fundit i ekspertëve gjenden edhe në duart e deputetëve, argumente të cilat përfundimisht quan edhe në nënshkrimin e një marrëveshje të re ndërmjet të dy presidentëve.

Ndaj, për të mënjanuar pengesat për një zgjidhje të drejtë e në interes të vendit dhe qytetarëve, si dhe lirimin e deputetëve nga presioni partiak e politik, që të votojnë edhe kundër vullnetit të tyre, përkundër dyshimit se Vendi do të humbë 8200 hektar tokë, duhet ti jepet fund këtij lloj veprimi.

Të përsëriten nënshkrime të përvitshme formale, të organizohen tubime të detyruara dhe terrorizohen deputetët për votime të imponuara edhe nëse rrezikohet integriteti territorial i vendit dhe shkelja e Kushtetutës së Kosovës, është veprim tejet i pa drejtë për të deleguarit tanë dhe e pa pranueshme edhe për vet votuesin.

Ndaj, ka ardhur koha që përfundimisht të ndryshohet kjo qasje dhe para se të premtohet,le të shkohet më mirë, në veprim praktik dhe fillimisht në vendet e apostrofuara si në Çakorr dhe Kullë, së pari të të korrigjohet vija e kontestuar kufitare, e pastaj të ftohen deputetët për votim, ngase vetëm pas kësaj, të gjithë do ndjehen të sigurt dhe nuk ngelë më asnjë pengesë që shumica e tyre të votojnë pro demarkacionit.

Kjo do të dëshmohej si zgjedhja më e mirë,  në vend të vënies në siklet kaq të madh të deputetëve tanë që të kalojnë mbi vetveten dhe zgjedhin me vendim të prerë sipas metodës merr ose le; ndërmjet integritetit territorial të Kosovës dhe liberalizimit të vizave për qytetarët e vendit, vendim që pa dëshirën e tyre, do ti vishte ata me fajësi të përjetshme nga e cila, nuk do të mund të lirohen më kurrë.

Korrigjimi paraprak i kufirit, do të mënjanonte pakënaqësitë dhe konfliktet e mundshme nga të dy palët, garantonte praktikisht integritetin territorial të Kosovës , krijonte siguri për deputetët që të votonin demarkacionin dhe përmbushte njërin nga dy kushtet kryesore për liberalizimin e vizave, si dhe plotësonte përfundimisht dëshirën e të rinjve të Kosovës dhe gjithë qytetarëve të saj, për lëvizje të lirë në BE.

Përndryshe, nëse nuk bëhet korrigjimi i premtuar i kufirit,para se të tentohet sërish votimi i demarkacionit në Kuvend dhe vazhdohet edhe më tejë, me vënie të kushteve të tilla e të ngjashme,një gjendje si kjo, jo vetëm se do bëhet shpejtë e padurueshme, por edhe do të shihet si shpenzim i kotë kohe dhe energji e humbur pa arsye, me një fjalë, zhagitje pa kuptim dhe padrejtësi që nuk mund të kushtëzohet më, me kurrfarë kauze politike, e cila do të mund të kalonte në frustrim dhe përfundonte vetëm në një moratorium politik për demarkacionin.

Kalendari

Ngjarjet e datës 11 dhjetor 2018 - Organi Shqyrtues i Prokurimit fillon me transmetim të drejtpërdrejtë “live stream” të sesioneve të tij, një hap ky në drejtim të një qasjeje më transparente nga ana e këtij institucioni. (Zyra e Organit Shqyrtues të Prokurimit, ish-Banka e Lubjanës, kati i 5-të, ora 10:00)
- Koalicioni i OJQ-ve “Java Kundër Korrupsionit 2018” do të mbajë tryezën e diskutimit me temë “Zbatimi i Ligjit për Parandalimin e Konfliktit të Interesit në ushtrimin e funksionit publik në pushtetin legjislativ”. (Hotel Sirius, ora 10:00)

- Shoqata “Miqtë e Amerikës” dhe Komuna e Gjakoves hapin Librin e Zisë, në nderim të Presidentit George H.W. BUSH. (Pallati i Kulturës "Asim Vokshi" në Gjakovë, ora 10:00)

- Në kuadër të Fushatës “Ta Pastrojmë Kosovën” do të organizohet aksion pastrimi në Komunën e Rahovecit. (Rruga kryesore në fshatin Zaqisht të Rahovecit, ora 10:00)

- Shefi i Zyrës së BE-së, Nataliya Apostolova, do të diskutojë me nxënësit e shkollave të mesme me temë "Të mbështesë ndryshimin kulturor: roli i gjeneratave të reja për formësimin e vlerave të së nesërmes".  (Kafiteria Dit' e Nat', ora 10:00)

- Kompania vendore 'Produktet Natyrale të Kosovës' organizon ceremoninë e inaugurimit të linjës së re me teknologji të avancuar për përpunimin e farave të kungullit. (Fabrika 'Produktet Natyrale të Kosovës' në fshatin Loxhë në Pejë, ora 11:00)

- Sindikata e Pavarur e Sektorit Privat të Kosovës të mbajë konferencë për shtyp lidhur me gjendjen e punëtorëve të sektorit privat. (Zyret te BSPK, së ora 11:00)

- Instituti Demokraci për Zhvillim organizon ngjarjen vjetore të shpërblimeve në kuadër të projektit “Leja prindërore për barazi gjinore” që financohet nga Qendra Ndërkombëtare Olof Palme dhe mbështetet nga Qeveria Suedeze. (Libraria Dukagjini, ora 11:00)

- Mbahet tryeza në të cilën do të diskutohet për pakon ligjore kundër korrupsionit, si dhe për punën e institucioneve të drejtësisë në luftën ndaj krimit të organizuar dhe korrupsionit. (Ndërtesa e Kuvendit, salla C-405, ora 11:00)

- Policia e Kosovës mban konferencën zyrtare e cila i dedikohet fushatës kundër korrupsionit, të realizuar nga Drejtoria për Hetimin e Krimeve Ekonomike dhe Korrupsionit në bashkëpunim me ICITAP-in Amerikan. (Stacioni policor “Qendra”, ora 11:00)

- Asociacioni i Arkitektektëve të Kosovës dhe Komunës së Gjilanit bën prezantimin e “Bienales së Arkitekturës 2018”, ku do të marrin pjesë edhe përfaqësuesit e Komunës së Gjilanit dhe arkitektët në nivel Kosove dhe ata regjional. (Gjilan, ora 13:00)

- Instituti për Politika Zhvillimore organizon konferencën për shtyp me temë “Standardizimi i produkteve vendore: Shpërndarja dhe shitja e standardeve. (Resource Center Kosovo, në lagjen Pejton, në zyre të Forumit për Iniciativa Qytetare, ora 13:00)

- Koalicioni i OJQ-ve “Java Kundër Korrupsionit 2018” do të organizoj tryezen e diskutimit me temë “Zbatimi i Ligjit për Parandalimin e Konfliktit të Interesit në ushtrimin e funksionit publik në pushtetin ekzekutiv”. (Hotel Sirius, ora 14:00 - shtyhet, ora 15:00)

- Mbahet mbledhja e rregullt e Qeverisë së Republikës së Kosovës. (Ndërtesa e Qeverisë, ora 14:00)

- Partia Socialdemokrate mban konferencë për media lidhur me çështjen e dialogut me Serbinë, për të cilën do të flasin nënkryetarët Visar Ymeri dhe Dukagjin Gorani. (Zyrat e PSD-së, në lagjen "Arbëria", ora 14:00)

- Ministria e Administrimit të Pushtetit Lokal në prag të përfundimit të vitit 2018, organizon ngjarjen vjetore për shënimin e të arriturave në vetëqeverisjen lokale në Kosovë si dhe të prezantojë orientimet për vitin e ardhshëm. (Sheshi 21, ora 18:00)