25 Janar 2022

Në Gjykatën e Hagës po gjykohet bishti i problemit e jo koka e tij

Shkruar nga Hysni Aliu

Lexuesit e mi, besoj që e dinë, që unë shkruaj për temat që më prekin në zemër dhe ajo ndodhë kur preket në dinjitetin e njeriut dhe interesin e shtetit tonë apo kombit shqiptarë.  

Kësaj here po dua të shkruaj për procesin e gjykimit të krerëve të organizatës së veteranëve të luftës së UQK -së.

E kam përcjell herë pas here atë gjykim, në sekuenca të shkurtra, atëherë kur koha ma lejon, por çdoherë kam pas një ndjenjë të keqe gjatë përcjelljes së këtyre seancave, si ndaj Hysni Gucatit e po ashtu edhe ndaj Nasim Haradinajt.  

Në opinionin tim dhe nga aspekti i ndjenjave, ky gjykim është i padrejtë dhe gjykim që prekë rëndë në dinjitetin e këtyre njerëzve që po gjykohen.

Është i padrejtë, sepse po gjykohet bishti i problemit e jo koka e tij. Po them kështu, sepse as Nasim Haradinaj e as Hysni Gucati, nuk kanë shkuar në Hagë për të kontrabanduar dokumentet strikt sekrete të gjykatës speciale, por atë e kanë bërë,  për mendimin tim,  ata që planifikonin  ndryshimin e kufijve në Ballkan, Kosovë, Bosnjë e Hercegovinë, Mal i Zi e vendet fqinjë të Rusisë, së paku unë kështu besoj, sepse kështu më thotë mendja ime që bazohet në një logjikë të shëndoshë.

Do të kishte  deri diku kuptim, nëse së bashku me ta do të ulej edhe dikush që ka bërë tradhtinë më të tmerrshme të mundshme  ndaj vetë institucionit ku ka punuar apo me të cilin ka bashkëpunuar, duke nxjerr dokumente me paketa, për të ua dërguar pastaj atyre  që do të akuzoheshin nga kjo gjykatë.  

Në vend që gjykata speciale të niste një hulumtim të thellë për atë se si ju rrodhën dëshmitë e tyre në opinion, këta dorën e drejtuan kah ata të cilëve këto dokumente ju servuan si të gatshme.

Kësaj i thonë, kur s’ke qa i bon kalit i sjell samarit. Këto seanca po prekin në dinjitetin e këtyre njerëzve, që luftuan për lirinë e popullit, sepse mënyra se si po intervistohen  është shumë tendencioze, dhe nga aspekti njerëzor, në gjykimin tim është duke u përdorur një dhunë psikologjike ndaj tyre.

E përcolla sot një pjesë të seancës së Nasim Haradinajt, po ashtu edhe dje, dhe aty vërejta, një largim të fokusit nga çështja që po shqyrtohet, duke bërë pyetje që nuk kishin fare lidhje me aktakuzën që është ngritur.

Detyrimi i një luftëtari të lirisë që të deklarohet për deklaratat e të tjerëve  duke mos i dhënë mundësinë për mos përgjigje, e konsideroj si një dhunë psikologjike, së paku unë e ndjeva ashtu dhe unë u ndjeva ashtu edhe pse, as se njoh as se di asnjërin prej tyre, përveç që i kam pa nëpërmes medieve.

Sot, Nasim Haradinaj nënshtrohej, përulej dhe dhunohej duke mos i lënë asnjë mundësi  të zgjedh atë që dëshiron ta thotë apo që ja thotë zemra e vetë. Atij, sot ju përul dinjiteti dhe krenaria.  

Nuk bënë me veprua kështu vetëm se mundeni. Unë besoj shumë, që ta detyrosh një luftëtar lirie që për fajin e tjetërkujt të derdh lot në gjykatë, është jo njerëzore, dhe nuk përkon me demokracinë të cilës njerëzit e gjykatës speciale i takojnë.

 Lotët e tyre janë edhe lotët tanë, dhimbja e zemrës së tyre është dhimbje e zemrës tonë. Është pothuajse njëjtë sikur për konfliktin Ukrainë Rusi të shkoni e të bashkëpunoni me Rusinë, për ta dënuar Ukrainën, për gjëra që lidhen me atë konflikt.

Nuk jam jurist, por logjika ima ma thotë, që burimi i informimit duhet të jetë i sigurt dhe i besueshëm, parasë një gjykatë ta merr për bazë atë burim.

Armiku kurrë s’mundet me qenë burim i sigurt informate.  Unë e kisha lutë gjykatën speciale që të ndërrojnë strategjinë e këtyre gjykimeve, duke sjellë njerëzi e jo dhunë psikologjike në një institucion që duhet ta meriton të jetë i respektuar.

Më të paktën që mundeni të bëni zyrtare të nderuar, është të keni njerëzi, dhe mos të ja cenoni dinjitetin askujt që ulet para jush. Ata janë të pafajshëm gjersa gjykata të vërteton të kundërtën.

Një sjellje e tillë, është toksike për njerëzit  që e shohin në media, andaj nëse nuk mundeni ta ndryshoni  mënyrën e punës, sepse rregullat po ua kërkuakan  këtë mënyrë të vepruarit, atëherë së paku, mos i publikoni seancat në media, sepse shkaktojnë dhimbje tek popullata e rëndomtë, shkaktojnë dëshpërim edhe neveri.

Kalendari

Ngjarjet e datës 25 janar 2022 - Komisioni për Punë të Jashtme dhe Diasporë shqyrton Projektligjin për ratifikimin e Marrëveshjes ndërmjet Qeverisë së Republikës së Kosovës dhe Qeverisë së Malit të Zi në kontekstin e Aderimit në Bashkimin Evropian. (Ndërtesa e Kuvendit, salla N302, ora 10:00)

- Komisioni për Mbikëqyrjen e Agjencisë së Kosovës për Inteligjencë, pret në takim Komisionin për Sigurinë Kombëtare të Kuvendit të Republikës së Shqipërisë. (Ndërtesa e Kuvendit, salla C301, kati III, ora 10:00)

- Instituti Demokratik i Kosovës mban konferencën për media, ku do të prezantohen rezultatet e Indeksit të Perceptimit të Korrupsionit për vitin 2021 nga Transparency International. (Zyrat e KDI-së, përballë Bashkësisë Islame, ora 10:00)

- Organizata për Demokraci, Anti-korrupsion dhe Dinjitet, Çohu! organizon tryezë, në të cilën do të publikohet raporti me titull “Online Media Monitor”. (Hotel Sirius, ora 10:00)
 
- Grupi organizativ "Protestojë" mban konferencë për media lidhur me protestën "Asnji cent ma shumë!" kundër shtrejtimit te rrymës, të paraparë të mbahet të merkurën. (Pranë ndërteses së Qeverisë, ora 10:00)

- Mbahet mbledhja e parë e rregullt e Kuvendit Komunal të Rahovecit për vitin 2022. (Salla e mbledhjeve të Kuvendit Komunal, ora 10:00)

-  Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton në parim i Projektligjin pÑ‘r Agjencinë e Kosovës për Akreditim dhe Arkivat Shtetërore. (Ndërtesa e Kuvendit, salla C203, ora 10:00)

- Instituti i Prishtinës për Studime Politike dhe Lëvizja FOL organizon tryezën e diskutimit me temën "Reforma në Sistemin e Drejtësisë gjatë vitit 2021: Sfidat dhe arritjet". (Hotel Swiss Diamond, ora 10:30)

- Bordi i Zyrës së Rregullatorit të Energjisë raporton para Komisionit për Ekonomi, Industri, Ndërmarrësi dhe Tregti lidhur me shqyrtimin e jashtëzakonshëm të tarifave të energjisë elektrike. (Ndërtesa e Kuvendit, salla N506, ora 11:00)

-  Komisioni për Integrime Evropiane shqyrton Projektligjin për ndryshimin dhe plotësimin e Ligjit për shitjen e banesave për të cilat ekziston e drejta banesore, me amendamentet e Komisionit funksional nga aspekti i përputhshmërisë me legjislacionin e BE-së. (Ndërtesa e Kuvendit, salla N303, ora 11:00)

- Kryeministri i Republikës së Kosovës, Albin Kurti, merr pjesë në prezantimin e aktiviteteve të Agjencisë së Kosovës për Akreditim për vitin 2021 dhe Strategjinë e AKA-së 2021-2025. (Hotel Sirius, ora 11:20)

- Kryetari i Kuvendit të Republikës së Kosovës, Glauk Konjufca, pret në takim Komisionin për Sigurinë Kombëtare të Kuvendit të Republikës së Shqipërisë. (Ndërtesa e Kuvendit, salla C 301, ora 13:00 - Mediat mund të marrin pamje në fillim të takimit)

- Komisioni për Administratë Publike, Pushtet Lokal, Media dhe Zhvillim Rajonal shqyrton në parim i Projektligjin për Sistemin e menaxhimit të performancës së komunave dhe skemën e grantit të bazuar në performancë. (Ndërtesa e Kuvendit, salla 303, ora 14:00)

- Mbahet takimi i radhës së Këshillit Ekonomiko-Social. (Objekti i Qeverisë, salla Nr. P/38, ora 15:00)