30 Shtator 2020

Nderhyrja e z. Dell në fushatë

Shkruar nga Organizata ÇOHU!

Prej ardhjes së tij në Prishtinë, zoti Cristopher Dell, ka bërë ndërhyrje të ashpra në punën e institucioneve të Kosovës dhe ka përdorur një qasje patronizuese.

Ai e ka bërë këtë shpesh duke shkelur principin elementar në punën e institucioneve, atë të pa-anshmërisë politike. Së fundmi, zoti Dell, në një paraqitje para mediave ka bërë një tjetër ndërhyrje të papranueshme në integritetin e procesit zgjedhor në vend.

Pas një vizite të djeshme në zyrat e një subjekti të ri politik, Dell haptazi ka shprehur përkrahjen e tij për këtë subjekt, gjegjësisht liderëve që siç ka thënë edhe vetë Dell ka afërsi personale me ta, dhe është shprehur haptazi kundër tashmë subjektit tjetër të ri politik, Vetëvendosjes.

Kjo jo vetëm që nuk është fer, por është një cënim i hapur i barazisë së konkurrencës në mes të subjekteve politike dhe janë një ndërhyrje direkte në zgjedhje të lira dhe demokratike.

Dell ka bërë ndërhyrje tjera në punën e institucioneve të Kosovës, sidomos në punën e Kuvendit dhe të Qeverisë. Ai ka bërë ndërhyrjen vendimtare në kuvendin e Kosovës kur u diskutua Strategjia për privatizimin e PTK-së kur në thyerje të procedurave udhëheqësit e këtij institucioni u përpoqën ta procedojnë këtë dokument.

Dell ka komentuar më herët edhe hetimet e EULEX-it ndaj niveleve të larta qeverisëse duke marrë indirekt një qëndrim rreth aksioneve dhe hetimeve të EULEX-it.

Së fundmi, gjatë një ceremonije të nënshkrimit të kodit të mirësjelljes mbi fushatën e partive politike, i shfaqur vazhdimisht përkrah liderit të PDK-së, Hashim Thaçit, Dell ka konstatuar se zgjedhjet e ardshme do të jenë shembull për rajonin. Kështu pat deklaruar Dell edhe derisa mbaheshin zgjedhjet e vitit 2009, duke i nxjerrur në situatë të vështirë vëzhguesit, një pjesë e të cilëve qartazi janë nën ndikimin e tij për shkak të përkrahjes finansiare që iu bëhet atyre.

Duam të përkujtojmë se këto zgjedhje u vlerësuan si të rregullta edhe përkundër faktit se ato u anuluan në gati një të treten e Kosovës. Kështu, as sot e kësaj dite ne nuk kemi pasur një vlerësim të përgjithshëm objektiv të zgjedhjeve që për shkak të shkeljeve e vjedhjes së votave u përsëriten.

Sidomos në në kontekstin kosovar  prefertencat e shprehura në mënyre kaq të vrazhdë besojmë që e cënojnë barazinë e konkurrencës së subjekteve politike. Kjo para së gjithash duke pasur para sysh se mbi institucionet e Kosovës vazhdojnë të kenë pushtet ekzekutiv disa mekanizma ndërkombëtare si Zyra Ndërkombëtare Civile, Grupi Drejtues Ndërkombëtar,  por edhe EULEX-i, mbi të cilat ambasadat e kuintit kanë një rol vendimtar.

Ne mendojmë se ky konstitucion institucional e bën situatën në Kosovë shumë specifike dhe ndërhyrjet e tilla me preferenca politike të ambasadorëve mund të kenë ndikim në punën e institucioneve vendore e ndërkombëtare në Kosovë. Një ndërhyrje e tillë bëhet problematike sidomos në kohën kur praktikisht në Kosovë ka filluar fushata zgjedhore. 

Ndërhyrjet e tilla nga ambasadorë të cilido nga shtetet e huaja në Kosovë, nuk lejonë zhvillimin normal të proceseve zgjedhore demokratike si dhe minojnë maturimin e institucioneve vendore në arritjen e një faze të qendrueshmërise demokratike. Dell, dje ka përdorur standarde të dyfishta kur haprazi ka shprehur preferencat e tij politike.

Këtë vit zgjedhjet në Kosovë janë duke u mbajtur në rrethana shumë të rënda, praktikisht nën një pushtet një-partiak, me një situatë shumë fragjile brenda subjekteve politike opozitare, të gjendura përballë presioneve të mëdha për shkak të përdorimit të resurseve publike të partisë në pushtet. Prandaj ndërhyrjet e ndërkombëtarëve mund të jenë vendimtare dhe të ndikojnë në mënyrë jodemokratike në zhvillimin e zgjedhjeve në Kosovë.

 

Kalendari

Ngjarjet e datës 30 Shtator 2020 - Komisioni për të Drejtat e Njeriut, Barazi Gjinore, për Persona të Pagjetur dhe Peticione takohet me Komision me përfaqësuesit e Komisionit  qeveritar për njohjen e statusit të ish të dënuarve dhe ish të përndjekurve politikë. (Ndërtesa e Kuvendit, salla N302, ora 10:00)

- Administrata Tatimore e Kosovës së bashku me Oden Ekonomike të Kosovës do të vizitojnë biznesin “Prishtina Mall”. (Zona industriale Prishtinë - Lipjan, tek rrethi i QMI-së, ora 10:00)

- Qendra Kosovare për Studime të Sigurisë organizon publikimin e raportit “Indeksi Kosovar i Reziliencës-Ekstremizmi i Dhunshëm në Kosovë: Çfarë mund të mësojmë nga rezilienca në komunitet?” (Hotel Swiss Diamond, ora 10:00)

- Mbahet mbledhja e katërt e rregullt për vitin 2020 të Kuvendit Komunal të Prizrenit. (Salla për mbledhjet e Kuvendit të Komunës së Prizrenit, tek “Shtëpia e Bardhë”, ora 10:00)

- Instituti Demokraci për Zhvillim organizon ceremoninë e nënshkrimit të Memorandumit të Bashkëpunimit për Procesin Zgjedhor. (Hotel Swiss Diamond, ora 10:00)

 - Komisioni për Ekonomi, Punësim, Tregti, Industri, Ndërmarrësi dhe Investime Strategjike shqyrton raportin vjetor të Operatorit të Sistemit, Transmisionit dhe Tregut dhe të Autoritetit Rregullativ të Komunikimeve Elektronike dhe Postare. (Ndërtesa e Kuvendit, salla N10,, ora 11:00)

- Lëvizja Vetëvendosje mban konferencë për media. (Zyrët e LV-së në Arbëri, ora 11:00)

- Ministri i Ekonomisë dhe Ambientit, Blerim Kuçi nesër zhvillon vizitë në Komunën e Drinasit. (Ambientet e Komunës së Drinasit, ora 11:00)
 
- Administrata Tatimore e Kosovës së bashku me Oden Ekonomike të Kosovës do të vizitojnë biznesin “Ciao Berto”. (Magjistralja Prishtinë - Mitrovicë, km2, ora 11:30)

- Grupi i aktorëve të Prishtinës do mbajnë protestë pasi që kërkesat e tyre të deritanishme nuk janë realizuar. (Para objektit të vjetër të Komunës së Prishtinës, ora 12:00)

-  Komisioni për Buxhet dhe Transfere shqyrton në parim i Projektligjit për ndryshimin dhe plotësimin e Ligjit për financimin e subjekteve politike si dhe Ligjin për zgjedhje të përgjithshme në Republikën e Kosovës si dhe shqyrton raportin Vjetor të Bankës Qendrore të Republikës së Kosovës. (Ndërtesa e Kuvendit, salla C203, ora 13:00)
 
- Administrata Tatimore e Kosovës së bashku me Oden Ekonomike të Kosovës do të vizitojnë biznesin “Lesna”. (Rruga Lidhja e Pejës nr. 133 10000, ora 13:00)

-  Komisioni për Integrim Evropian shqyrton programin Kombëtar për zbatimin e Marrëveshjes së Stabilizim- Asociimit, i ftuar Zëvendëskryeministri Driton Selmanaj. (Ndërtesa e Kuvendit, salla N302, ora 13:30)

- Fondacioni Shtatëmbëdhjetë organizon edicionin e tretë të Metamorphosis. (Objekti i Kryqit të Kuq, në rrugën "Xhemajl Prishtina", nr.36 te RTK-ja te pazari, ora 16:30)

- Në kuadër të javës së tretë të programit publik në Festivalin e Arkitektures në Kosovë. (Drejtperdrejt në faqen facebook-ut të Festivalin e Arkitektures, ora 18:30)